គ្រប់ៗគ្នាពិតជាដឹងថា
ការហាត់ប្រាណជួយបង្កើនកម្រិតសមសួនដោយការធ្វើឱ្យបណ្តាសាច់ដុំ
កាន់តែធន់នឹងការគ្មានកម្លាំង។ ក្នុងពេលឥឡូវនេះ
អ្នកវិទ្យាសាស្ត្របានរកឃើញថា
ការហាត់ប្រាណទៀងទាត់ដូចជាការរត់យឺតៗកន្លះម៉ោងក្នុងមួយថ្ងៃ
អាចជួយបង្កើនថាមពលខួរក្បាល។ ការស្រាវជ្រាវពីលើកមុនបង្ហាញថា
ការធ្វើលំហាត់ប្រាណផ្តល់នូវកំណើត
Mitochondriaថ្មី(ជារចនាសម្ព័ន្ធនៅក្នុងបណ្តាកោសិកាដែលផលិត
ថាមពលរាងកាយ)នៅតាមបណ្តាសាច់ដុំ។
នីតិវិធីនេះជួយបង្កើនភាពអំណត់ខណៈកាត់បន្ថយការធាត់លើសទម្ងន់។
ឥឡូវនេះអ្នកសិក្សាស្រាវជ្រាវមួយក្រុមមកពីសា
កលវិទ្យាល័យ University of South Carolinaបានរកឃើញថា
ការធ្វើលំហាត់ប្រាណទៀងទាត់ជួយជំរុញថាមពលកោសិកាក្នុងខួរក្បាល
។ អ្នកដឹកនាំការស្រាវជ្រាវវេជ្ជបណ្ឌិត Mark Davisបានបញ្ជាក់ថា
ការបង្កើនថាមពលនេះបានជួយឱ្យខួរក្បាលធ្វើការរហ័សរហួននិងមាន
ប្រសិទ្ធភាពជាងមុន។ លោកបានបន្ថែមថា ៖«ភស្តុតាងលើកនេះបញ្ជាក់ថា
ការធ្វើលំហាត់ប្រាណជួយធ្វើឱ្យខួរក្បាលមានវ័យក្មេងជាងមុន»។
ទោះជាយ៉ាងណា
ការសិក្សាដែលបានចុះផ្សាយក្នុងព្រឹត្តិបត្រ The Journal of
Applied Physiologyបានពិសោធត្រឹមតែលើសត្វកណ្តុរនៅឡើយទេ ។
ដោយឡែកការសិក្សារបស់កោះតៃវ៉ាន់បានបង្ហាញផងដែរថា
ហាត់ប្រាណផ្តល់ផលល្អដល់សុខភាព។ ការសិក្សាអះអាងថា
ហាត់ប្រាណត្រឹមតែ១៥នាទីក្នុងមួយថ្ងៃអាចជួយបង្កើនអាយុកាលមធ្យម
ដល់៣ឆ្នាំ ព្រមទាំងអាចកាត់បន្ថយអត្រាស្លាប់ដល់១៤ភាគរយ ។
ក្រុមអ្នកជំនាញរបស់ព្រឹតិ្តបត្រThe
Lancetបាននិយាយថា
នេះជាការធ្វើសកម្មភាពដ៏តិចតួចបំផុតដែលមនុស្សពេញវ័យម្នាក់
អាចធ្វើបានដើម្បីទទួលបានសុខភាពល្អ ។
ឯការសិក្សាពីលើកមុន របស់អង់គ្លេសក៏បានបញ្ជាក់ដែរថា ការអង្គុយនៅស្ងៀមមួយកន្លែងមិនធ្វើអ្វីសោះក្រៅតែពីញ៉ាំអាហារ ផ្សេងៗឬក៏មើលទូរទស្សន៍៦ម៉ោងក្នុង១ថ្ងៃ អាចកាត់បន្ថយអាយុកាលមធ្យមដល់ទៅ៥ឆ្នាំ ។
ឯការសិក្សាពីលើកមុន របស់អង់គ្លេសក៏បានបញ្ជាក់ដែរថា ការអង្គុយនៅស្ងៀមមួយកន្លែងមិនធ្វើអ្វីសោះក្រៅតែពីញ៉ាំអាហារ ផ្សេងៗឬក៏មើលទូរទស្សន៍៦ម៉ោងក្នុង១ថ្ងៃ អាចកាត់បន្ថយអាយុកាលមធ្យមដល់ទៅ៥ឆ្នាំ ។
សម្រាប់ការហាត់ប្រាណ១៥នាទីក្នុងមួយថ្ងៃគឺវា
ជាការចាប់ផ្តើមយ៉ាងល្អមួយសម្រាប់អ្នកដែលហាត់ប្រាណតិចតួចឬមិន
បានហាត់ទាល់តែសោះ។
តាមអ្នកជំនាញតៃវ៉ាន់ដែលបានពិសោធលើមនុស្សជាង៤០ម៉ឺននាក់
បង្ហាញថា
ហាត់ប្រាណរយៈពេល១៥នាទីក្នុង១ថ្ងៃឬ៩០នាទីក្នុង១សប្តាហ៍(ជា
ប្រភេទនៃការហាត់ប្រាណមធ្យមមានដូចជាដើរញាប់
)ជួយបង្កើនអាយុកាលមធ្យមដល់ទៅ៣ឆ្នាំ។
ចំណែកអ្នកជំនាញរបស់អង់គ្លេសបាននិយាយថា
ការធ្វើឱ្យរាងកាយមានសកម្មភាពគឺផ្តល់ផលប្រយោជន៍យ៉ាងធំសម្បើម
ហើយថាលទ្ធផលនៃការសិក្សាលើកនេះវាធ្វើឱ្យយើងនឹកឃើញដល់លទ្ធផល
នៃការសិក្សាលើកមុនដែលរកឃើញថា
សកម្មភាពរាងកាយក្នុង១ថ្ងៃៗទោះតិចក្តី
គឺតែងតែផ្តល់ផលប្រយោជន៍ដល់សុខភាព៕
