 |
ទាហានយេម៉ែនដែលចូលរួមប្រយុទ្ធប្រឆាំងអាល់កៃដា
|
ប្រភពមន្ទីរពេទ្យរាយការណ៍ថា
ទាហានយេម៉ែនយ៉ាងតិច៧៨នាក់ បានត្រូវស្លាប់កាលពីថ្ងៃទី៤
មីនា
ក្នុងការប្រយុទ្ធគ្នាជាមួយពួកសកម្មប្រយុទ្ធដែលមានទំនាក់ទំនង
ជាមួយអាល់កៃដានៅភាគខាងត្បូងយេម៉ែន។
យោងតាមក្រុមគ្រូពេទ្យនៃមន្ទីរពេទ្យយោធាមួយនៅទីក្រុងអាដេន
ថា ទាហានជាច្រើនសិបនាក់ក៏ត្រូវរបួសដែរ
ហើយតុល្យការអាចធ្ងន់ធ្ងរជាងនេះទៀត ។
ការប្រយុទ្ធគ្នាផ្ទុះឡើងក្រោយការវាយប្រហារ ប្រើរថយន្តបង្កប់គ្រឿងផ្ទុះ៣ប្រឆាំងនឹងប៉ុស្តិ៍ជួរមុខ ២កន្លែងរបស់កងទ័ពយេម៉ែននៅទីក្រុងហ្សីនជីបារ កាលពីព្រឹកថ្ងៃទី៤ មីនា ។ យោងតាមប្រជាជន និងអាជ្ញាធរមូលដ្ឋានថា ពួកជនអត្តឃាតស្ថិតក្នុងក្រុមមានឈ្មោះថា អានសារ អាល់សារីយ៉ា ដែលត្រួតត្រាទីក្រុងហ្ស៊ីនជីបារ ឡោមព័ទ្ធដោយកងទ័ពយេម៉ែន។ ពួកបះបោរអ៊ិស្លាមក៏ធ្វើការវាយប្រហារផងដែរ ប្រឆាំងទីតាំងយោធា២កន្លែងទៀត ហើយចាប់បានទាហានរដ្ឋាភិបាលជាច្រើននាក់ ៕
