ជាមួយនឹងទីតាំងដ៏ប្រណីត និងមានផាសុកភាព ហត្ថាវេទ ដែលត្រូវបានគេស្គាល់ថាជា កន្លែង
ម៉ាស្សាដ៏ល្បីល្បាញមួយក្នុងប្រទេសថៃ នឹងមានវត្តមាននៅក្នុងប្រទេសកម្ពុជា ហើយកន្លែងមួយនេះនឹងចាប់ផ្តើមបញ្ចេញនូវស្នាដៃដ៏អស្ចារ្យរបស់ ខ្លួនដើម្បីឲ្យអតិថិជនរបស់ខ្លួនដឹងថា ហត្ថាវេទ ជាកន្លែងម៉ាស្សាពិសេសប៉ុនណានៅក្នុងរាជធានីដ៏ស្រស់បំព្រងមួយ នេះ។
អ្នកស្រី Sakuntala Karanon ប្រធានគ្រប់គ្រងផ្នែកស្ប៉ារបស់សណ្ឋាគារសូហ្វីតែល បានលើកបង្ហាញពីលក្ខណពិសេសរបស់កន្លែងម៉ាស្សា និងស្ប៉ាថ្មីរបស់ខ្លួនថា មជ្ឈមណ្ឌលម៉ាស្សាសុខភាព ហត្ថាវេទ មានផ្តល់ជូនបន្ទប់ម៉ាស្សាចំនួន២១ក្នុងនោះ ៤បន្ទប់សម្រាប់ការម៉ាស្សាប្រេង ដែលមានគ្រែមួយ និងគ្រែពីរ។ ដោយឡែក១៧បន្ទប់ផ្សេងទៀត គឺជាការម៉ាស្សាបែបថៃដែលមានបន្ទប់គ្រែមួយ និងបន្ទប់ជាក្រុម។
អ្នកស្រីនិយាយថា៖ «សម្រាប់ការម៉ាស្សានេះ យើងពិតជាមានលក្ខណពិសេសដោយយើងបានធ្វើរួមបញ្ចូលគ្នារវាងគ្រឿង ផ្សំ និងថ្នាំក្នុងស្រុក ជាមួយនឹងផលិតផលពិសេសបែបប្រពៃណីពីបុរាណរបស់ពិភពលោកតែម្តង»។
អ្នកស្រីបញ្ជាក់ថា លោកអ្នកអាចមានជម្រើសច្រើនក្នុងការទទួលបាននូវអ្នកម៉ាស្សាតាម ប្រភេទដៃស្រាល មធ្យម និងដៃធ្ងន់ ជាមួយនឹងអ្នកជំនាញជាជនជាតិខ្មែរ និងបរទេស។
អ្នកជំនាញ Sakuntala Karanon បានរៀបរាប់ថា៖ «យើងមានវិធីម៉ាស្សាពីក្បាលដល់បាតជើង ម្រាមជើង ដែលការម៉ាស្សានេះ មានលក្ខណៈពិសេសអាចជួយឲ្យមានកម្លាំង។ ការម៉ាស្សាសម្រួលដល់រាងកាយ ការម៉ាស្សាសម្រួលសាច់ដុំដែលឡើងរឹង និងការសម្រួលឲ្យយើងមានសកម្មភាពរស់រវើក និងបង្កើតកម្លាំងរាងកាយ»។
នៅចុងបញ្ចប់នៃការម៉ាស្សា និងស្ប៉ា ហត្ថាវេទ នឹងផ្តល់ជូនការពិសារភេសជ្ជៈយិន ស៊ិន ឬក៏តែខៀវសម្រាប់ជាការកម្ដៅរាងកាយឲ្យមានភាពកក់ក្តៅ។
សម្រាប់ព័ត៌មានបន្ថែមពាក់ព័ន្ធនឹងការម៉ាស្សា និងស្ប៉ាដ៏ពិសេសនេះ លោកអ្នកអាចទាក់ទងតាមទូរស័ព្ទ ០២៣ ៩៨៧ ០៧៦ ឬអ៊ីមែល Hattawet@lyyon.com.kh ៕(PostKhmer)
