ធិតាបាននិយាយថាប្រសិនបើរដ្ឋធម្មនុញ្ញថ្មីមួយនឹងលេចចេញជា រូបរាងនៅឆ្នាំក្រោយ និងដំណើរការនៃការកែទម្រង់ប្រព័ន្ធផ្សព្វផ្សាយនិងយុត្តិធម៌ត្រូវបាន អនុវត្តអោយស៊ីគ្នា ថៃនៅយ៉ាងយូរត្រឹមឆ្នាំ២០១៧នឹងមានប្រជាធិបតេយ្យបាន៦០ភាគរយ។ ចំនួនអ្នកគាំទ្រចលនាអាវក្រហមដល់ពេលនោះនឹងមានចំនួនជាង៣០លាន នាក់។
លោកស្រីបាននិយាយដូច្នេះថា"ខ្ញុំគិតថាចំនួនមនុស្សដែលយល់ស្រប ជាមួយយើងនឹងកើន។គិតលើកម្លាំងពលកម្មចំនួននេះនឹងកើនជាង៣០លាន ។អ្នកមានសិទ្ធិបោះឆ្នោតនឹងមានចំនួនជាង៤០លាន។ឥឡូវយើងមាន អ្នកគាំទ្រជាង១០លាននាក់ដែលយើងមើលឃើញចេញពីលទ្ធផលឆ្នោតបូករួម ទាំងអ្នកមិនបោះឆ្នោតអោយគណបក្សភឿថៃ"។
នៅពេលត្រូវគេសួរថាតើប្រទេសថៃនឹងទៅជាយ៉ាងណានៅពេលពួកអាវ ក្រហមត្រួតត្រាប្រទេស លោកស្រីធិតាបាននិយាយថាឥឡូវយីងឡាក់ ស៊ីណាវ៉ាត្រាត្រូវបានជ្រើសរើសជានាយករដ្ឋមន្ត្រី ប្រទេសថៃមានប្រជាធិបតេយ្យ២០ភាគរយពីព្រោះនៅមានសមាជិកព្រឹទ្ធសភា និងអង្គការឯករាជ្យនានាដែលឆ្លងកាត់ការតែងតាំង។"ខ្ញុំមិនដឹងថាតើ ដល់ពេលណាថៃមានប្រជាធិបតេយ្យ១០០ភាគរយនោះទេ តែយ៉ាងហោចណាស់បន្ទាប់ពីការធ្វើវិសោធនកម្មរដ្ឋ យើងអាចទទួលបាន៣០ទៅ៥០ភាគរយទៀត ហើយច្បាប់ខ្លះនឹងបានល្អប្រសើរឡើងដូចជាច្បាប់ទាក់ទងនឹង ព្រឹទ្ធសភា។អ្នកខ្លះអាចគិតថាបុគ្គលតែងតាំងគួរអោយរំខាន។ពួកគេ ត្រូវបានមើលឃើញថាជាមនុស្សចេញមកពីបាតសង្គម ពួកគេត្រូវបានតែងតាំងនិងវាស្របច្បាប់។ដើម្បីមានលទ្ធិ ប្រជាធិបតេយ្យ១០០ភាគរយ ដំបូងប្រជាជនត្រូវយល់ឃើញថារដ្ឋប្រហារយោធាជាប្រភេទនៃ ការប្រតិបត្តិដ៏គម្រក់បំផុត។ទី២ យន្តការរដ្ឋត្រូវតែពាក់ព័ន្ធជាមួយប្រជាជនទាំងស្រុងតាមរយៈ ការបោះឆ្នោតផ្ទាល់និងមិនផ្ទាល់។យើងមិនរំពឹងបាន១០០ភាគរយទេ តែបើបាន៧០ទៅ៨០ក៏វាគ្រាន់បើដែរ"។
លោកស្រីបានបដិសេធមិនពិភាក្សាឋានៈនៃរបបរាជានិយមក្នុងការកំណត់ និយមន័យនៃលទ្ធិប្រជាធិបតេយ្យរបស់លោកស្រីដោយលោកស្រីគ្រាន់តែ និយាយថាវាអាស្រ័យលើសភាព្រាងរដ្ឋធម្មនុញ្ញ។"គោលបំណងធំនៃក្រុម អាវក្រហមគឺលុបបំបាត់រដ្ឋប្រហារយោធានិងតស៊ូដើម្បីសមភាព។គ្រប់ សមាជិកព្រឹទ្ធសភា បើនៅតែមាន ត្រូវតែឆ្លងតាមការបោះឆ្នោត"។
លោកស្រីបានបន្តថា ពួកអាវក្រហមិនចាំបាច់តែជាអ្នកគាំទ្រថាក់ស៊ីនទេ។ថាក់ស៊ីនគ្រាន់តែ ជានិមិត្តរូប ពីព្រោះលោកក៏ត្រូវបានរំលោភដូចពួកអាវក្រហមដែរ។អ្នកណាក៏ដោយ អោយតែឈរខាងប្រជាជនស្ថិតនៅខាងយើង។បើអ្នកបដិសេធរដ្ឋប្រហារ អ្នកជាគ្នារបស់យើង។មហាជនស្រឡាញ់ថាក់ស៊ីនពីព្រោះលោកបានបំរើ សេចក្តីត្រូវការរបស់ប្រជាជន។លោកបានក្លាយជាវីរបុរសម្នាក់ពីព្រោះតែ រដ្ឋប្រហារយោធា។
"បណ្តាញនយោបាយការិយាធិបតេយ្យ មិនអាចចូលចិត្តថាក់ស៊ីនទេពីព្រោះពួកគេគិតថាពួកអាវក្រហមកំពុង ធ្វើសំរាប់ថាក់ស៊ីន។នេះមិនពិតទេ។សូម្បីតែថាក់ស៊ីនស្លាប់នៅ ថ្ងៃនេះ ឬបើថាក់ស៊ីនត្រូវបានចាប់ដាក់ក្នុងដបនិងបាញ់អោយប៉ើងចេញផុតពី ផែនដីឬក៏លោកឧត្តមសេនីយ៍ព្រេមក៏ដូចគ្នានេះដែរ តើនៅតែមានការតស៊ូដែរឬទេ?តើអាវក្រហមនឹងបញ្ចប់ចលនារបស់គេបើ ព្រេមស្លាប់?ឬក៏បើមានអ្វីមួយកើតឡើងចំពោះថាក់ស៊ីន តើក្រុមអាវក្រហមនឹងឈប់? ទេ ពួកគេនឹងខិតខំខ្លាំងឡើង"៕
