ខេត្តពោធិ៍សាត់ ៖
រន្ទះកំណាចបានឆក់យកជីវិតស្ត្រីមានផ្ទៃពោះ៧ខែម្នាក់
បណ្តាលឱ្យស្លាប់ ធ្វើឱ្យបុរសជាប្តី
ដែលស្រឡាញ់ថ្នាក់ថ្នមប្រពន្ធនិងទន្ទឹងរង់ចាំមើលមុខកូនកើត
មកនោះ រន្ធត់ចិត្តតក់ស្លុត និងសោកសង្រេងយ៉ាងខ្លាំង ។
បាតុភូតធម្មជាតិនេះ បានកើតឡើងនៅក្នុងបរិវេណផ្ទះរបស់ជនរងគ្រោះ
ស្ថិតនៅក្នុងភូមិអង្គ្រង ឃុំសំរោង ស្រុកភ្នំក្រវាញ កាលពីវេលាម៉ោង៣
និង៣០នាទីរសៀលថ្ងៃទី១២ ឧសភា២០១២ ។
ស្ត្រីរងគ្រោះឈ្មោះសៅ ចាន់រ៉ា អាយុ២២ឆ្នាំ
រស់នៅភូមិកើតហេតុខាងលើ ។ ពេលមេឃកំពុងភ្លៀង ខ្លាំងនោះ បានចុះងូតទឹក
និងដងទឹកភ្លៀងដាក់ពាងទុកប្រើប្រាស់ ប៉ុន្តែជាអកុសល
ខណៈពេលកំពុងត្រងទឹកភ្លៀងនោះ ស្រាប់តែត្រូវរន្ទះបាញ់ស្លាប់តែម្តង ។
