បុរសម្នាក់ដែលស្នាក់នៅលើអគារមួយក្នុង
ទីក្រុងទូម៉េន តំបន់ស៊ីបេរី ប្រទេសរុស្ស៊ី
ចាំបាច់ត្រូវឱ្យក្រុមសង្គ្រោះបន្ទាន់ជួយយកចេញពីទុយោចោលសម្រាម
មួយ ដែលគេបានលោតចូល
ដើម្បីលាក់ខ្លួនពីគូស្នេហ៍ក្រោយពីទាស់ទែងគ្នា ។
នៅក្នុងរបាយការណ៍បញ្ជាក់ថា
បុរសរូបនេះលោតចូលក្នុងមាត់ទុយោសម្រាម ពីជាន់ទី៨ នៃអគារ
ដោយជាប់នៅបរិវេណជាន់ទី៥។
បន្ទាប់មកអ្នកស្រុកឮសំឡេងស្រែកសុំឱ្យជួយសង្គ្រោះរបស់បុរសអាយុ
៣១ឆ្នាំម្នាក់នេះ ។
ក្រុមជួយសង្គ្រោះត្រូវប្រើម៉ាសីុនកាត់ទុយោ
ដើម្បីជួយគេឱ្យចេញខ្លួនបាន ខណៈពេលរូបគេមានស្នាមរបួសតិចតួច ។
អាជ្ញាធរឱ្យដឹងថា
បុរសនេះបានឈ្លោះទាស់ទែងនឹងគូស្នេហ៍
តែក៏មិនប្រាប់ឱ្យដឹងពីមូលហេតុល្អិតល្អន់ទេ ។
BBCដែលបានទាក់ទងទៅអាជ្ញាធរសង្គ្រោះបន្ទាន់«ឌូម៉េន»
ផ្សាយថា ហេតុការណ៍នេះបានកើតឡើងកាលពីថ្ងៃទី១៦ ឧសភា ។
បច្ចុប្បន្ន បុរសរូបនេះ អាចត្រឡប់ទៅបម្រើការងារវិញបានហើយ ។
ក្រុមជួយសង្គ្រោះបន្ទាន់បញ្ជាក់ក្នុង
ប្រព័ន្ធវេបសាយថា «តាមការបំភ្លឺរបស់បុរសនេះថា
គេបានលោតចូលទៅក្នុងទុយោចោលសម្រាម
ធ្វើពីដែកពីបរិវេណជាន់ទី៨របស់អគារ ដើម្បីគេចពីសង្សារ » ។
អាជ្ញាធរនិយាយថា
ធ្លាប់កើតមានហេតុការណ៍ប្រភេទនេះរួចមកហើយក្នុងទីក្រុងឌូម៉េន
កាលពីជាច្រើនឆ្នាំមុន ដែលជាហេតុការណ៍គួរឱ្យអស់សំណើចមួយ ៕
