ក្រុងវ៉ាស៊ីនតោនៈ
ព្រឹទ្ធសមាជិកជាន់ខ្ពស់លោក ចន ម៉ាក់ខេន
កាលពីថ្ងៃអង្គារបានថ្លែងថា លោក
ទន្ទឹងរងចាំថ្ងៃណាមួយស្វាគមន៍លោកស្រីអ៊ុងសាន
ស៊ូជីនៃប្រទេសមីយ៉ាន់ម៉ា
មកកាន់សភាអាមេរិកបន្ទាប់ពីម្ចាស់ជ័យលាភីណូបែលសន្តិភាព
និងជាមេដឹកនាំបក្សប្រឆាំងទទួលបានលិខិតឆ្លងដែន។
គណបក្សសម្ព័ន្ធជាតិដើម្បីលទ្ធិប្រជាធិបតេយ្យ
(NLD) របស់លោកស្រី បាននិយាយកាលពីព្រឹកថ្ងៃអង្គារថា លោកស្រី
ស៊ូជី ដែលបានចំណាយស្ទើរ
តែពីរទសវត្សរ៍ចុងក្រោយ
ត្រូវអតីតរដ្ឋាភិ បាលយោធារបស់មីយ៉ាន់ម៉ា
ឃុំខ្លួននៅក្នុងផ្ទះនៅក្នុងក្រុងយ៉ាំងហ្គោន
ទទួលបានលិខិតឆ្លងដែនខណៈលោកស្រី
ត្រៀមធ្វើដំណើរទៅបរទេសជាលើកដំបូងក្នុងរយៈពេល២៤ឆ្នាំ។
អ្នកនាំពាក្យ និងជាសកម្មជនជើងចាស់របស់គណបក្ស
NLD លោកនីអាន វីន បានប្រាប់ក្រុមអ្នកយកព័ត៌មានថា៖
«គេបានជូនដំណឹងមកយើងកាលពីថ្ងៃសុក្រថាលោកស្រីស៊ូជី
ទទួលបានលិ-ខិតឆ្លងដែនហើយ។ លិខិតឆ្លងដែននោះ
គឺនៅក្នុងដៃរបស់លោកស្រីហើយនាពេលនេះ»។
សមាជិកគណបក្សសាធារណរដ្ឋជាន់ខ្ពស់នៃគណៈកម្មាធិការ
សេវាកម្មប្រដាប់អាវុធ
និងជាអ្នករៀបចំគោលនយោបាយអាមេរិកស្តីពីមីយ៉ាន់ម៉ា លោក
ម៉ាក់ខេន បានប្រាប់ក្រុមអ្នកកាសែតថា៖«ខ្ញុំ
រីករាយណាស់ដែលលោកស្រី ទទួលបានលិខិតឆ្លងដែន។ យើង
ទន្ទឹងរងចាំស្វាគមន៍លោកស្រីនៅក្នុងសភានៅទីនេះ»។
