រាជធានីភ្នំពេញ ៖
ឧកញ៉ាម្នាក់រួមទាំងអង្គរក្សត្រូវបានកម្លាំងសមត្ថកិច្ចចម្រុះ
ស្ទាក់ចាប់បាននៅចំណុចមុខសណ្ឋាគារភ្នំពេញក្នុងសង្កាត់ ស្រះចក
ខណ្ឌដូនពេញ
បន្ទាប់ពីគាត់បាញ់អនាធិបតេយ្យចំនួន២គ្រាប់នៅតាមផ្លូវជាតិ
លេខ៥ ក្នុងភូមិសាស្ត្រស្រុកពញាឮ ខេត្តកណ្តាល ក្បែរភ្នំអដ្ឋរស្ស ។
បន្ទាប់ពីចាប់ខ្លួនក៏បានដកហូតរថយន្តម៉ាកRANGE ROVER
ពណ៌ខ្មៅ មានស្លាកលេខភ្នំពេញ 2H-0537 និងកាំភ្លើងខ្លីមួយដើម
ហើយត្រូវកងរាជអាវុធហត្ថខណ្ឌដូនពេញ នាំទៅកាន់ទីបញ្ជាការ។
ទោះបីជាយ៉ាងនេះក្តី
កងរាជអាវុធហត្ថព្យាយាមលាក់ឈ្មោះនិងអត្តសញ្ញាណជនបង្កផ្ទុះ
អាវុធ ដែលល្បីថាជាឧកញ៉ាម្នាក់នោះ ។
ហេតុការណ៍ព័ទ្ធចាប់ជនបង្កផ្ទុះអាវុធអនាធិបតេយ្យនេះបានធ្វើ
ឱ្យមានការភ្ញាក់ផ្អើលកាលពីវេលាម៉ោង៩និង១៥នាទីយប់
ថ្ងៃទី១៤ ខែឧសភា
នៅមុខសណ្ឋាគារភ្នំពេញដោយសមត្ថកិច្ចមានការខ្វែងគំនិតគ្នា
ក្នុងការចាប់បញ្ជូន ។ តាមព័ត៌មានឱ្យដឹងថា
នៅមុនពេលកើតហេតុមានរថយន្តម៉ាក RANGE ROVER
មួយគ្រឿងដែលបើកបរដោយមន្ត្រីកងរាជអាវុធហត្ថលើផ្ទៃប្រទេសម្នាក់
ដែលជាអង្គរក្សលោកឧកញ៉ាម្នាក់នោះបានធ្វើដំណើរតាមផ្លូវជាតិ
លេខ៥ក្នុងភូមិសាស្ត្រស្រុកពញាឮ
ហើយបានបាញ់លេងចំនួន២គ្រាប់របៀបស្តារកាណុង។
នៅក្នុងការផ្ទុះអាវុធនេះអធិការស្រុកឃើញក៏បានដេញចាប់និង
ប្រកាសតាមវិទ្យុទាក់ទងមកអធិការដ្ឋានខណ្ឌឫស្សីកែវជួយស្ទាក់
។
នៅយប់នោះសមត្ថកិច្ចខណ្ឌឫស្សីកែវរួមទាំងកម្លាំងប៉ូលិសនៃស្នងការ
ដ្ឋានរាជធានីភ្នំពេញ
បានដេញស្ទាក់ចាប់បាននៅមុខសណ្ឋាគារភ្នំពេញ ។
ភ្លាមៗតំណាងកងរាជអាវុធហត្ថខណ្ឌដូនពេញបានទៅដល់ហើយ
នាំខ្លួនជននោះមកកាន់ទីបញ្ជាការកងរាជអាវុធហត្ថលើផ្ទៃ
ប្រទេស ។
នៅពេលបញ្ជូនទៅដល់ទីបញ្ជាការសមត្ថកិច្ច
ព្យាយាមលាក់ឈ្មោះជនបង្ក ។ ទោះបីជាយ៉ាងណាព័ត៌មានទម្លាយថា
ជនបង្កជាឧកញ៉ាម្នាក់
និងមន្ត្រីកងរាជអាវុធហត្ថលើផ្ទៃប្រទេសម្នាក់ឈ្មោះសុខ ហួត ។
គេពុំដឹងថា
សមត្ថកិច្ចចាត់ការតាមច្បាប់ដែរឬដោះលែងនោះទេ
ហើយទំនងបែបអត់ចាត់ការទេ ព្រោះគ្នាឯង ។
មន្ត្រីកងរាជអាវុធហត្ថខណ្ឌដូនពេញមួយរូប
បានបង្ហើបឲ្យដឹងថា នៅវេលាម៉ោងប្រហែល៩យប់ថ្ងៃទី១៤ ឧសភា ឆ្នាំ២០១២
មានប្រកាសព័ត៌មានតាមវិទ្យុទាក់ទងស្តីពីភិនភាគជនបាញ់
បោះអនាធិបតេយ្យនៅម្តុំភ្នំអដ្ឋរស្សស្រុកពញាឮ
ខេត្តកណ្តាលហើយព្យាយាមជិះរថយន្តបើកតាមផ្លូវជាតិលេខ៥ចូលរាជធានីភ្នំពេញ ។
ពេលទទួលបានសេចក្តីរាយការណ៍ខាងលើកម្លាំងកងរាជអាវុធហត្ថខណ្ឌដូនពេញ
ដាក់កម្លាំងពួនស្ទាក់តាមគោលដៅសំខាន់ៗ
លុះដល់ម៉ោង២១និង១៥នាទីនាថ្ងៃដដែលក៏ប្រទះឃើញរថយន្ត
ដូចភិនភាគដែលប្រកាសតាមវិទ្យុទាក់ទងក៏បានធ្វើការឃាត់
ខណៈពេលបើកមកដល់មុខសណ្ឋាគារភ្នំពេញលើមហាវិថីព្រះមុនីវង្សស្ថិត
ក្នុងសង្កាត់ស្រះចក ខណ្ឌដូនពេញ។ភ្លាមៗនោះទាំងរថយន្តនិងអ្នកបើករបរ
ត្រូវបានបញ្ជូនទៅទីបញ្ជាការអាវុធហត្ថខណ្ឌដូនពេញដើម្បីសាកសួរ ។
ក៏ប៉ុន្តែយោងតាមបទបញ្ជាថ្នាក់លើ
កងរាជអាវុធហត្ថខណ្ឌដូនពេញមិនត្រូវបានធ្វើការសាកសួរទេ
គឺបញ្ជាឱ្យបញ្ជូនទៅកាន់ទីបញ្ជាការកងរាជអាវុធហត្ថលើផ្ទៃប្រទេសជា
បន្ទាន់ផងដែរ ។
តាមប្រភពព័ត៌មានមិនផ្លូវការបានឲ្យដឹងថា
ក្នុងរថយន្តរ៉ង់រ៉ូវ៉ែដែលត្រូវឃាត់ខ្លួនមានបុរសពីរនាក់
ម្នាក់មានងារជាឧកញ៉ា និងជានាយកងរាជអាវុធហត្ថផងដែរ
បានទទួលស្គាល់ថាខ្លួនបានបាញ់ចំនួនពីរគ្រាប់ដោយកាំភ្លើងខ្លីមែន
ក្រោយពីចេញមកពីហូបការអ្នករាប់អានគ្នានៅ ចំណុចនោះ ។
ក្រោយពីបាញ់រួចលោកក៏បន្តដំណើរមកភ្នំពេញតាមផ្លូវជាតិលេខ៥ ។
លុះមកដល់មុខសណ្ឋាគារភ្នំពេញលើមហាវិថីព្រះមុនីវង្ស
ត្រូវបានអាវុធហត្ថខណ្ឌដូនពេញឃាត់ខ្លួនតែម្តង ៕
