រាជធានីភ្នំពេញ ៖ ខណៈរ៉ឺម៉កម៉ូតូបើកកាត់មុខ
ហើយស៊ីផ្លេសុំទៅមុន បុរស២នាក់ឈប់រថយន្តពាំងពីមុខ
ហើយចុះទះកំផ្លៀងអ្នកបើករ៉ឺម៉កមួយដៃ ព្រមទាំងនិយាយព្រមានថា
«ឯងមិនដឹងអញធ្វើការអីទេ មើលតែក្នុងរថយន្តមានស្លាក «មផ»
ដឹងថាអញធ្វើអីហើយ» ។
ហេតុការណ៍នេះកើតឡើងនៅវេលាម៉ោង៣និង១៥នាទីរំលងអធ្រាត្រថ្ងៃទី
១០ ឧសភា នៅមហាវិថីម៉ៅសេទុង កែងផ្លូវលេខ២៣០
ក្នុងសង្កាត់ផ្សារដើមគ ខណ្ឌទួលគោក ។
បុរសអ្នកបើករ៉ឺម៉កឈ្មោះម៉ាក់ ផៃ
អាយុ៤៧ឆ្នាំ និងប្រពន្ធឈ្មោះឡោ ម៉ាលីស អាយុ៤៣ឆ្នាំ
ជាអាជីវករលក់បន្លែនៅផ្សារជម្ពូវ័ន ស្នាក់នៅភូមិរទាំ
ឃុំភូមិធំ ស្រុកកៀនស្វាយ ខេត្តកណ្តាល ឱ្យដឹង
ថា
ពួកគាត់ពីរនាក់ប្តី-ប្រពន្ធត្រឡប់មកពីទិញបន្លែនៅផ្សារដើម
គ យកទៅលក់នៅផ្សារជម្ពូវ័ន លុះបើករ៉ឺម៉កតាមមហាវិថីម៉ៅសេទុង
ពីត្បូងទៅជើងដល់ផ្លូវកែងលេខ២៣០
ដោយឆ្លងដល់គំនូសកណ្តាលហើយនោះ ស្រាប់តែមានរថយន្តកាមរីឆ្លាម
ជិះគ្នា២នាក់ បើកចេញពីក្លឹបឡឺវីស តាមផ្លូវលេខ២៣០
ពីកើតទៅលិចដល់ផ្លូវកែងដែរ ។
ដោយគាត់ខ្លាចរថយន្តបើកឆ្លងកាត់មុន
ហើយរ៉ឺម៉ករបស់គាត់ចាប់ហ្វ្រាំងមិនទាន់បណ្តាលបុកទើបគាត់ចុច
ស៊ីផ្លេសុំផ្លូវទៅមុន ។
ប្រភពដដែលបន្តទៀតថា
ពេលគាត់ស៊ីផ្លេនោះរថយន្តបានបន្ថយល្បឿនឱ្យទៅមុន
លុះហួសប្រមាណ៣០ម៉ែត្រ
ស្រាប់តែរថយន្តនោះបើកទៅពាំងពីខាងមុខរ៉ឺម៉ក ។
ភ្លាមនោះបុរសម្នាក់ដែលអង្គុយនៅខាងស្តាំចុះទៅចាប់ក្របួចអាវ
គាត់ ហើយទះកំផ្លៀងមួយដៃ។ ឃើញបែបនេះ
ប្រពន្ធគាត់ចុះពីលើរ៉ឺម៉កទៅសំពះអង្វរ ទើបបុរសនោះនិយាយថា
«មនុស្សសម្រាមដូចឯងហ៊ានស៊ីផ្លេឌឺដាក់អញផង
ដឹងអញធ្វើការអីទេ
មើលតែក្នុងរថយន្តរបស់អញឃើញស្លាកដឹងថាអញធ្វើអីនៅឯណាហើយ»
រួចក៏ឡើងជិះរថយន្តចេញទៅបាត់ ។
គួរឱ្យស្តាយពេលអ្នកយកព័ត៌មានយើងទៅដល់
កន្លែងកើតហេតុ
បុរសទាំងពីរនាក់នោះជិះរថយន្តចេញទៅបាត់មិនបានថតរូបភាពជាក់
ស្តែងទេ
នៅសល់តែពីរនាក់ប្តី-ប្រពន្ធដែលបុរសជាប្តីប៉ោងមុខដោយត្រូវ
មួយដៃពីបុរសអ្នកមានអំណាច ។ តាមចរិតនោះ
ពួកគេជាមនុស្សសម្រាមទៅវិញទេ
ដែលយកភាពថ្លៃថ្នូរនៃ
ស្ថាប័នរដ្ឋមកក្អេងក្អាងបែបនេះ ៕
