ការស្វាគមន៍បែបនេះបានធ្វើក្នុងដំណើរទស្សនកិច្ចរបស់លោកចំនួនមួយសបា្តហ៍ មកប្រទេសកម្ពុជា ដើម្បីពិនិត្យ ស្ថានភាព
និងវាយតម្លៃអំពីផលបះពាល់សិទ្ឋិដីសម្បទានសេដ្ឋកិច្ចនៅក្នុងប្រទេសកម្ពុជានាពេលបច្ចុប្បន្ន។
លោក សូរិយា ប្រាសាទ ស៊ូប៊ែឌី បានមានប្រសាសន៍នៅរសៀលថ្ងៃទី១១
ខែឧសភា ឆ្នាំ២០១២ ដែលជាថ្ងៃចុង បញ្ចប់
នៃដំណើរទស្សនកិច្ចរបស់លោកនៅកម្ពុជាបានប្រាប់អ្នកសារព័ត៌មានថា
«ខ្ញុំសូមអះអាងសារជាថ្មី ចំពោះដំណើរទស្សនកិច្ចរបស់ខ្ញុំថា
ការអភិវឌ្ឍន៍ដីធ្លី និងធនធានធម្មជាតិ របស់ប្រទេសកម្ពុជា អាចមានវិជ្ជមាន
ប្រសិន បើត្រូវបានធ្វើឡើង តាមលក្ខណៈមួយប្រកបដោយនិរន្តភាព និងសមធម៌»។
កាលពីថ្ងៃទី៧ ខែឧសភា កន្លងទៅនេះ រាជរដ្ឋាភិបាលកម្ពុជា
សម្តេចតេជោ ហ៊ុន សែន បានសម្រេចផ្អាកជាបណ្តោះអាសន្ន
ចំពោះការផ្តល់ដីសម្បទានសេដ្ឋកិច្ចទៅឲ្យក្រុមហ៊ុនឯកជនដោយសម្តេចសំអាងថា ក្រុម
ហ៊ុនមួយចំនួន ដែលទទួលបានដីសម្បទានសេដ្ឋកិច្ចពីរាជរដ្ឋាភិបាលហើយ
ពុំបានធ្វើឲ្យស្របទៅតាមលក្ខខណ្ឌ និងបទបញ្ជារបស់រដ្ឋាភិបាល
ហើយក្រុមហ៊ុនខ្លះបានរំលោភលើកិច្ចសន្យា ព្រមទាំងរំកិលយកដីរបស់រដ្ឋ និង
របស់ប្រជាពលរដ្ឋថែមទៀតផង។
ចំណាត់ការរបស់រដ្ឋាភិបាលបែបនេះ
បានធ្វើឲ្យអ្នករាយការណ៍ពិសេសរបស់អង្គការសហប្រជាជាតិស្វាគមន៍
ដោយលោកបានមានប្រសាសន៍ថា វាជាចំណាត់ការដ៏ល្អសម្រាប់រាជរដ្ឋាភិបាល
ដើម្បីឈានទៅរកទិសដៅត្រឹមត្រូវ ប៉ុន្តែលោក
ក៏បានអំពាវនាវដល់រាជរដ្ឋាភិបាលឲ្យពិនិត្យឡើងវិញផងដែរ ចំពោះក្រុមហ៊ុនណា
ដែលបានទទួលអាជ្ញាប័ណ្ណពីរាជរដ្ឋាភិបាលរួចទៅហើយនោះ
ដើម្បីបញ្ចៀសចំពោះក្រុមហ៊ុនដែលរំលោភកិច្ចសន្យា និង
ក្រុមហ៊ុនមួយចំនួនទៀតធ្វើអ្វី
ដែលលើសពីលក្ខណរបស់ពួកគេហើយប៉ះពាល់ដល់អចលនទ្រព្យរបស់ប្រជាពល រដ្ឋ
ក៏ដូចជារដ្ឋផងដែរ ជាពិសេសដីរបស់បងប្អូនជនជាតិដើមភាគតិច ដែលជាដីប្រពៃណី
របស់គាត់សម្រាប់កប់ ខ្មោចជាដើម។
ក្នុងដំណើទស្សនកិច្ចរបស់លោកសូរិយា ប្រាសាទ ស៊ូប៊ែឌី
ចំនួន៧ថ្ងៃ ចាប់ពីថ្ងៃទី៥ រហូតដល់ថ្ងៃទី១១ ខែឧស ភា ឆ្នាំ២០១២
លោកបានជួបមន្ត្រីរដ្ឋាភិបាលមួយចំនួនដូចជា រដ្ឋមន្រ្តីក្រសួងរៀបចំដែនដីនគរូប
នីយកម្ម និង សំណង់ មន្រ្តីអង្គការក្រៅរដ្ឋាភិបាល
និងប្រជាពលរដ្ឋនៅតាមសហគមន៍នានា ដែលទទួលរងផលប៉ះពាល់ ដោយ
សារដីសម្បទានសេដ្ឋកិច្ចរបស់រាជរដ្ឋាភិបាលជាដើម៕
