អ្នកស្លាប់ដោយ​សារ​ ព្យុះកំបុតត្បូង កើនឡើង ៣៨នាក់ហើយ នៅសហរដ្ឋអាមេរិក

យោងតាមទីភ្នាក់ងារ ព័ត៌មានចិន “ស៊ិនហួ” ចុះផ្សាយនៅថ្ងៃទី០៤ ខែមីនា ឆ្នាំ២០១២ ថា អ្នកស្លាប់ ដោយសារព្យុះកំបុតត្បូង នៅភាគខាងត្បូង ភាគកណ្ដាល សហរដ្ឋអាមេរិក កើនឡើងដល់៣៨នាក់ហើយ និងមានអ្នករងរបួសជាច្រើននាក់ រួមទាំងខ្យល់បោកបក់កំទេច ភូមិដ្ឋានពលរដ្ឋ អាមេរិកជាច្រើនកន្លែង ។

ប្រភពព័ត៌មាន បានមកពីក្រុមអ្នកជួយសង្គ្រោះ បានឱ្យដឹងថា ក្នុងចំណោមអ្នកស្លាប់ទាំង ៣៨នាក់ ក្នុងនោះនៅឥណ្ឌាណា ស្លាប់មនុស្សចំនួន១៤នាក់ នៅឃេនទួគី ស្លាប់មនុស្សអស់១៩នាក់, ស្លាប់០៣នាក់ នៅ អូអ៊ីយ៉ូ និងម្នាក់ នៅអាឡាបាម៉ា កាលពីថ្ងៃសុក្រ ម្សិលមិញនេះ ។
យោងតាមសេចក្ដីរាយការណ៍ ក៏បានឱ្យដឹងទៀតថា នៅចចារ ក៏រងគ្រោះដោយសារខ្យល់ព្យុះ កំបុតត្បូងនេះដែរ ។
តាមប្រភពព័ត៌មានខាងលើ ក៏បានផ្សាយថា ចចារ និងផ្លរីដា នឹងប្រឈមមុខនឹងព្យុះ កំបុតត្បូងផងដែរ នៅថ្ងៃសៅរ៍ ទី៣ ខែមីនា ៕