មេដឹកនាំ ក្រុមអាវលឿង ធ្លាប់ជេមេដឹកនាំខ្មែរ ត្រូវតុលាការ កាត់ទោសជាប់ ពន្ធនាគារ ២០ឆ្នាំ

មេដឹកនាំ ក្រុមសម្ព័ន្ធភាព ដើម្បីលទ្ធិប្រជាធិបតេយ្យ ហៅកាត់ថា ក្រុមអាវលឿង នៅក្នុង ប្រទេសថៃ លោក ស៊ុនធិ លីមថងគុល ដែលគេត្រូវបាន គេស្គាល់ថា ជាមេដឹកនាំពូកែ ធ្វើការតវ៉ា ប្រឆាំង និងជេរថ្នាក់ដឹកនាំកម្ពុជានោះ ឥឡូវនេះបានក្លាយជា អ្នកទោស នៅក្រៅពន្ធនាគារ អស់រយៈ ២០ឆ្នាំ ក្រោយពីតុលាការ ព្រហ្មទណ្ឌបានកាត់ទោស កាលពីដើមសបា្តហ៍នេះ ជាប់ពាក់ព័ន្ធ និងការបន្លំឯកសារក្នុងមុខជំនួញ។

សេចក្តីរាយការណ៍ ពីប្រទេសថៃ បានផ្សាយដំណឹង ដ៏គួរឲ្យមានការ ភ្ញាក់ផ្អើល ខាងលើនេះ បានឲ្យដឹងថា ប្រធានប្រព័ន្ធ ផ្សព្វផ្សាយ ដ៏ល្បីនៅប្រទេសថៃ អាយុ៦៤ឆ្នាំ រូបនេះ លោក ស៊ុនធិ លីមថងគុល ត្រូវបានតុលាការ រកឃើញថា លោកមានការបន្លំ ឯកសារ រឿង ប្រាក់ កម្ចីក្នុង មុខជំនួញ ដែលមានតម្លៃទឹក ប្រាក់ប្រមាណ ៣២ ពាន់លានដុល្លារ ស្មើនឹងជាង ១ពាន់លានបាត ដែលបានកើតឡើង កាលពីឆ្នាំ១៩៩៧។
តែទោះជាយ៉ាងណា ជនជាប់រូបនេះ មិនត្រូវបាន រស់នៅក្នុង ពន្ធនាគារនោះឡើយ ពោលលោកបាន បង់ប្រាក់ធានា ហើយរំពឹងថា និងដាក់ពាក្យ បណ្តឹងជំទាស់ ចំពោះសាលក្រមមួយនេះ។
សូមបញ្ជាក់ថា លោក ស៊ុនធិ លីមថងគុល គឺជាមេដឹកនាំ ដ៏មានឈ្មោះ ល្បីម្នាក់នៅក្នុង ប្រទេសថៃ ក្នុងការដឹកនាំ ក្រុមបាតុករអាវលឿង ប្រឆាំងនឹងការ ដឹកនាំអំណាច របស់ លោក អតីតនាយករដ្ឋមន្រ្តី ថាក់ស៊ីន ហើយឈានដល់ការធ្វើ រដ្ឋប្រហារ ទម្លាក់លោក យ៉ាងអយុត្តិធម៌ កាលពីថ្ងៃទី១៩ ខែកញ្ញា ឆ្នាំ២០០៦៕