ករណីចាប់ឃាត់រថយន្តដឹកទំនិញសំពីងសំពោងនេះ
លោកវរសេនីយ៍ត្រី អ៊ុច សារ៉ន
នាយការិយាល័យចរាចរណ៍ជើងគោកនៃស្នងការដ្ឋាននគរបាលខេត្តបាន
ប្រាប់កោះសន្តិភាពថា
ដោយមានបញ្ជាពីលោកស្នងការនគរបាលខេត្តឱ្យរឹតបន្តឹងដឹងអនុវត្តន៍
ច្បាប់ចរាចរណ៍ជើងគោកឱ្យមានប្រសិទ្ធភាព
និងដើម្បីសុវត្ថិភាពដល់អ្នកធ្វើដំណើរតាមដងផ្លូវសាធារណៈ
សមត្ថកិច្ចបានរឹតបណ្តឹងដល់ម្ចាស់យានយន្តគ្រប់ប្រភេទឱ្យគោរព
ច្បាប់ចរាចរណ៍មិនត្រូវផ្ទុកទំនិញលើសច្បាប់កំណត់ឡើយ ។
សមត្ថកិច្ចឱ្យដឹងទៀតថា
ការចាប់ឃាត់រថយន្តនាំយកទៅការិយាល័យនគរបាលចរាចរខេត្ត
គឺដើម្បីធ្វើការផាកពិន័យ
និងអប់រំធ្វើកិច្ចសន្យាឱ្យបញ្ឈប់ការដឹកទំនិញលើសច្បាប់កំណត់
និងសំពីងសំពោងបន្តទៀត រួចឱ្យរើអីវ៉ាន់ចុះសាងដាក់រថយន្តថ្មី ។
រថយន្តដឹកសំពីងសំពោងទាំងបីគ្រឿងនេះទី១
ប្រភេទរថយន្តកូរ៉េចំណុះ១តោនកន្លះ ទី២ប្រភេទទួរីស ១២កៅអី
និងទី៣ រថយន្តប្រភេទទួរីស១២កៅអីដែរ ពណ៌ខៀវ ដឹកម៉ូតូ
សំបកកង់គោយន្ត
និងទំនិញសំពីងសំពោងលើដំបូលកម្ពស់ប្រមាណ២ម៉ែត្រ
លើសទម្ងន់ផ្ទុកខុសបច្ចេកទេសដែលងាយនឹងគ្រោះថ្នាក់
ឬក្រឡាប់ធ្វើឱ្យគ្រោះថ្នាក់ដល់អ្នកបើកបរខ្លួនឯង
និងអ្នកធ្វើដំណើរតាមដងផ្លូវ ៕
