ស្ត្រីអ្នកលក់ចាប់ហួយ
និងដូរលុយនៅផ្សារចំការ.គ ហៅផ្សារអូរអំបិល ភូមិ សង្កាត់អូរអំបិល
ក្រុងសេរីសោភ័ណ
ខេត្តបន្ទាយមានជ័យបានចាញ់ល្បិចថ្មីរបស់ក្រុមចោរហារយអស់
ប្រាក់ច្រើនពាន់ដុល្លារ ។
កាលពីម៉ោង១១និង៥០នាទីព្រឹក ថ្ងៃទី៣ ខែមីនា ឆ្នាំ២០១២ អាជីវករប្តូរប្រាក់ផ្សារអូរអំបិល ឈ្មោះ
ឆវី ភេទស្រី អាយុ៤៥ឆ្នាំបានទទួលរងគ្រោះខាតបង់ប្រាក់អស់រាប់ពាន់ដុល្លារ ដោយសារតែក្រុមចោរប្រើ ល្បិចមកទិញកាតទូរស័ព្ទ ហើយពន្យារពេលក្នុងការហុចលុយឲ្យគ្រប់ចំនួន ដើម្បីទុកឳកាសឲ្យគ្នាគេ ម្នាក់ទៀតចូលរើកកាយ និងប្រមូលថងលុយរត់បាត់។
តាមការឲ្យដឹងពីស្ត្រីរងគ្រោះ ខាងលើបានប្រាប់សមត្ថកិច្ចថា នៅមុនពេលកើតហេតុ ខណៈដែលគាត់នៅម្នាក់ឯង ស្រាប់តែមានបុរសម្នាក់ជិះម៉ូតូមកឈប់នៅពីមុខតូបរបស់គាត់ ហើយស្រែកទិញកាតទូរស័ព្ទ១០ដុល្លារ ព្រមទាំងឲ្យគាត់(ស្ត្រីរងគ្រោះ)យកចុះទៅឲ្យគេ(ជនសង្ស័យ) ផង ព្រោះរូបគេ ខ្ជិលពន្លត់ម៉ាស៊ីនម៉ូតូ។
ប្រភពបានបន្តថា ខណៈដែលគាត់យកកាតទូរស័ព្ទទៅដល់ឲ្យដល់ដៃជនសង្ស័យនោះ គេចេះតែហូត លុយចេញមិនគ្រប់ចំនួន ដោយហូតពីហោប៉ាវមុខខ្លះ និងហោប៉ាវក្រោយខ្លះ ហើយលុយទៀតសោត សុទ្ទតែក្រដាស់មួយរយរៀល ប្រាំរយរៀលធ្វើឲ្យគាត់(ជនរងគ្រោះ)ចំណាយពេលយូរក្នុងការរង់ចាំ ទទួលលុយជាងម៉ឺនរៀលពីជនសង្ស័យ។
ប្រភពបានបញ្ជាក់ទៀតថា ខណៈដែលគាត់កំពុងចាំយកលុយថ្លៃលក់ទូរស័ព្ទនោះ មានជនមិនស្គាល់មុខម្នាក់ ដែលគេដឹងថា បានទៅអង្គុយផឹកកាហ្វេក្បែរតូបរបស់គាត់ លួចចូលទៅក្នុងតូប ហើយប្រមូលស្បោងលុយមានលុយខ្មែរ២០លានរៀល, លុយដុល្លារ៣ពាន់ដុល្លារ និងលុយថៃ១០ម៉ឺនបាតរួចដើរគេចខ្លួនចូលផ្សារអូរអំបិលបាត់ស្រមោល តែម្តង ៕
កាលពីម៉ោង១១និង៥០នាទីព្រឹក ថ្ងៃទី៣ ខែមីនា ឆ្នាំ២០១២ អាជីវករប្តូរប្រាក់ផ្សារអូរអំបិល ឈ្មោះ
ឆវី ភេទស្រី អាយុ៤៥ឆ្នាំបានទទួលរងគ្រោះខាតបង់ប្រាក់អស់រាប់ពាន់ដុល្លារ ដោយសារតែក្រុមចោរប្រើ ល្បិចមកទិញកាតទូរស័ព្ទ ហើយពន្យារពេលក្នុងការហុចលុយឲ្យគ្រប់ចំនួន ដើម្បីទុកឳកាសឲ្យគ្នាគេ ម្នាក់ទៀតចូលរើកកាយ និងប្រមូលថងលុយរត់បាត់។
តាមការឲ្យដឹងពីស្ត្រីរងគ្រោះ ខាងលើបានប្រាប់សមត្ថកិច្ចថា នៅមុនពេលកើតហេតុ ខណៈដែលគាត់នៅម្នាក់ឯង ស្រាប់តែមានបុរសម្នាក់ជិះម៉ូតូមកឈប់នៅពីមុខតូបរបស់គាត់ ហើយស្រែកទិញកាតទូរស័ព្ទ១០ដុល្លារ ព្រមទាំងឲ្យគាត់(ស្ត្រីរងគ្រោះ)យកចុះទៅឲ្យគេ(ជនសង្ស័យ) ផង ព្រោះរូបគេ ខ្ជិលពន្លត់ម៉ាស៊ីនម៉ូតូ។
ប្រភពបានបន្តថា ខណៈដែលគាត់យកកាតទូរស័ព្ទទៅដល់ឲ្យដល់ដៃជនសង្ស័យនោះ គេចេះតែហូត លុយចេញមិនគ្រប់ចំនួន ដោយហូតពីហោប៉ាវមុខខ្លះ និងហោប៉ាវក្រោយខ្លះ ហើយលុយទៀតសោត សុទ្ទតែក្រដាស់មួយរយរៀល ប្រាំរយរៀលធ្វើឲ្យគាត់(ជនរងគ្រោះ)ចំណាយពេលយូរក្នុងការរង់ចាំ ទទួលលុយជាងម៉ឺនរៀលពីជនសង្ស័យ។
ប្រភពបានបញ្ជាក់ទៀតថា ខណៈដែលគាត់កំពុងចាំយកលុយថ្លៃលក់ទូរស័ព្ទនោះ មានជនមិនស្គាល់មុខម្នាក់ ដែលគេដឹងថា បានទៅអង្គុយផឹកកាហ្វេក្បែរតូបរបស់គាត់ លួចចូលទៅក្នុងតូប ហើយប្រមូលស្បោងលុយមានលុយខ្មែរ២០លានរៀល, លុយដុល្លារ៣ពាន់ដុល្លារ និងលុយថៃ១០ម៉ឺនបាតរួចដើរគេចខ្លួនចូលផ្សារអូរអំបិលបាត់ស្រមោល តែម្តង ៕
