នាយកសាលាឯកជនកាលពីពេលថ្មីៗនេះបានបង្ហាញ
នូវការមិនសប្បាយចិត្តចំពោះការយឺតយ៉ាវនៃការចេញសញ្ញាបត្រថ្នាក់
បណ្ឌិត-អនុបណ្ឌិត
ដែលអ្វីទាំងអស់នោះត្រូវធ្លាក់ទៅលើភាពមិនប្រក្រតីនៃចំណាត់ការ
របស់អគ្គនាយករងម្នាក់នៃអគ្គនាយកដ្ឋានឧត្តមសិក្សា ។
ប៉ុន្តែលោកអគ្គ
នាយករងរូបនោះបានបដិសេធទៅនឹងការចោទប្រកាន់ នោះដោយលើកឡើងថាជាការងារបច្ចេកទេសដែលសាលាទាំងនោះមិនបាន បំពេញបែបបទឱ្យបានត្រឹមត្រូវ ។
នាយករងរូបនោះបានបដិសេធទៅនឹងការចោទប្រកាន់ នោះដោយលើកឡើងថាជាការងារបច្ចេកទេសដែលសាលាទាំងនោះមិនបាន បំពេញបែបបទឱ្យបានត្រឹមត្រូវ ។
ទោះជាយ៉ាងណាអ្នកគ្រប់គ្រងសាលាឯកជននៅតែអះ
អាងថា ការចេញសញ្ញាបត្របណ្ឌិតអនុបណ្ឌិត
ប្រាកដជាមានភាពយឺតយ៉ាវពិតប្រកដមែន
ហើយការយឺតយ៉ាវនោះមិនមែនជាកំហុសរបស់សាលា ឬអគ្គនាយក
និងរដ្ឋមន្ត្រីក្រសួងអប់រំ យុវជន និងកីឡា នោះទេ
តែជារបៀបរបបធ្វើការងារបង្កការរាំងស្ទះដោយសារតែលោកអគ្គ
នាយករងឈ្មោះវ៉ាន់ ច័ន្ទផេន ដែលទទួលបន្ទុកត្រួតពិនិត្យ
និងវាយតម្លៃការងារអប់រំបណ្តុះបណ្តាល ។
តាមប្រភពព័ត៌មានពីអ្នកគ្រប់គ្រងសាលាឯកជន
បានបញ្ជាក់ថា រាល់ឯកសារដែលដាក់ទៅដល់អគ្គនាយកដ្ឋានឧត្តមសិក្សា
គឺត្រូវស្ទះនៅត្រឹមលោកអគ្គនាយករងនៃអគ្គនាយកដ្ឋានឧត្តមសិក្សា
ទទួលបន្ទុកត្រួតពិនិត្យលើការងារបណ្តុះបណ្តាល
និងវាយតម្លៃគុណភាពអប់រំថ្នាក់បណ្ឌិតអនុបណ្ឌិត
ដែលពេលខ្លះទម្រាំបានទៅដល់រដ្ឋមន្ត្រី
ត្រូវប្រើពេលវេលារាប់ខែឯណោះ ។
ទន្ទឹមនោះលោកអគ្គនាយករងរូបនោះតែងតែយកបញ្ហាផ្សេងៗ
ដើម្បីបិទបាំងការយឺតយ៉ាវនោះដូចជា
ឯកសារដែលសាលាផ្ញើទៅនោះខុសត្រង់ចំណុចនេះ ឬខុសត្រង់ចំណុចនោះ
ឬខ្វះនេះខ្វះនោះមិនចេះចប់មិនចេះហើយ
ហើយបើខាងសាលាមិនប្រញាប់ប្រញាល់រត់ការឡើងទៅជួបអគ្គនាយករងរូប
នោះទេ គឺឯកសារត្រូវរក្សាទុកនៅត្រឹមនោះមិនខាន ។
និស្សិតនៃសាកលវិទ្យាល័យមួយរូបបាននិយាយថា
ការយឺតយ៉ាវក្នុងការចេញសញ្ញាបត្រនោះគឺកើតមានប្រាកដមែន
ហើយខាងសាលាក៏បានទម្លាក់កំហុសនោះទៅថ្នាក់អគ្គនាយករងរូបនោះផង
ដែរ ។ ប៉ុន្តែថ្នាក់លើគួរតែយល់ថា
និស្សិតដែលបានបញ្ចប់ការសិក្សា
គឺត្រូវការសញ្ញាបត្រដើម្បីស្វែងរកការងារធ្វើ
ឬបំពេញបែបបទផ្សេងៗ ក្នុងការងារដែលកំពុងធ្វើបច្ចុប្បន្ន ។
ដូច្នេះការធ្វើឱ្យយឺតយ៉ាវក្នុងការចេញសញ្ញាបត្រនោះប្រាកដជាប៉ះ
ពាល់ដល់អារម្មណ៍និស្សិតប្រាកដ ។
ចំណែកអ្នកគ្រប់គ្រងសាលាឯកជនបានលើកឡើងថា
ឱ្យតែឯកសារសាលាផ្ញើទៅអគ្គនាយករងលោកវ៉ាន់ ច័ន្ទផេន
នោះពេលណាក៏ចៀសមិនផុតពីការទទួលព័ត៌មានតាមទូរស័ព្ទមកវិញថា
ខ្វះនេះខ្វះនោះ មិនចេះចប់មិនចេះហើយដែរ
និយាយរួមគឺសុទ្ធតែមានកំហុស ឬខ្វះរហូត ។
ម្យ៉ាងទៀតក្នុងពេលដែលដឹងថា ឯកសារដែលបញ្ជូនទៅនោះមានខុស
ឬខ្វះខាតហើយ
ប៉ុន្តែលោកអគ្គនាយករងរូបនោះមិនបានធ្វើជាលិខិតលាយលក្ខណ៍អក្សរ
ជាផ្លូវការមកឱ្យសាលាដើម្បីកែតម្រូវ ឬបំពេញបន្ថែមនោះទេ
តែគាត់ភាគច្រើនប្រើប្រាស់ទូរស័ព្ទដើម្បីទាក់ទងឱ្យអ្នកគ្រប់គ្រង
សាលាទៅជួបនិយាយគ្នាក្នុងបន្ទប់របស់គាត់វិញ។
របៀបធ្វើការងារបែបនោះត្រូវបានអ្នកគ្រប់គ្រងសាលារិះគន់ថាជា
ការបង្ហាញនូវភាពមិនប្រក្រតីក្នុងរបៀបរបបការងារដែលមិនគួរយក
មកប្រើក្នុងសម័យនេះទេ ។
កោះសន្តិភាពមិនអាចទំនាក់ទំនងសុំការបំភ្លឺ
ពីលោកវ៉ាន់ ច័ន្ទផេន
អគ្គនាយករងនៃអគ្គនាយកដ្ឋានឧត្តមសិក្សាបានទេនៅរសៀលម្សិលមិញ ។
ប៉ុន្តែបើយោងតាមការចុះផ្សាយរបស់កាសែតក្នុងស្រុកអគ្គនាយករងរូប
នោះបានបដិសេធចំពោះការចោទប្រកាន់នោះហើយទម្លាក់កំហុសទៅលើសាលា
ដែលរៀបចំឯកសារមិនត្រឹមត្រូវតាមគោលការណ៍ ឬការណែនាំជា
ដើម ។ លោកបញ្ជាក់ថា កន្លងមកមានសាលាខ្លះបានសន្យាផ្តល់ប្រាក់ឧបត្ថម្ភដល់រូបលោក ក្នុងសញ្ញាបត្រមួយចំនួន៥ដុល្លារ ប៉ុន្តែលោកមិនដែលបានស្គាល់ ឬទទួលលុយទាំងអស់នោះ
ទេ ។
ដើម ។ លោកបញ្ជាក់ថា កន្លងមកមានសាលាខ្លះបានសន្យាផ្តល់ប្រាក់ឧបត្ថម្ភដល់រូបលោក ក្នុងសញ្ញាបត្រមួយចំនួន៥ដុល្លារ ប៉ុន្តែលោកមិនដែលបានស្គាល់ ឬទទួលលុយទាំងអស់នោះ
ទេ ។
ទោះជាយ៉ាងណាក្រសួងអប់រំ យុវជន និងកីឡា
គួរតែធ្វើការស្រាវជ្រាវ និងស្វែងរកការពិតចំពោះការរិះគន់
និងចោទប្រកាន់ខាងលើនេះ ព្រោះវិស័យអប់រំ
សំខាន់ការបណ្តុះបណ្តាលធនធានមនុស្សកំពុងត្រូវបានរាជរដ្ឋាភិបាលយក
ចិត្តទុកដាក់ និងផ្តល់អាទិភាពបំផុត ៕
