សន្តិសុខ នៃការបោះឆ្នោត ក្នុងរាជធានីភ្នំពេញ ប្រព្រឹត្តិទៅយ៉ាងល្អ

ភ្នំពេញៈ ស្នងការនគរបាលរាជធានីភ្នំពេញ លោកឧត្តម សេនីយ៍ ទូច ណារ៉ុថ បានមានប្រសាសន៍ថា សន្តិសុខ នៅក្នុងថ្ងៃ បោះឆ្នោតគិតត្រឹមវេលាម៉ោង ៩ និង៣០នាទីព្រឹកថ្ងៃអាទិត្យ ទី០៣ ខែមិថុនា ឆ្នាំ២០១២ បានប្រព្រឹត្ត ទៅយ៉ាងល្អ ពុំទាន់មានឃើញភាពមិនប្រក្រតីណាមួយ កើតឡើងនោះឡើយ។

លោកឧត្តមសេនីយ៍ ទូច ណារ៉ុថ ដែលបានទៅចូលរួមបោះឆ្នោតក្រុមប្រឹក្សាឃុំ-សង្កាត់ នៅមណ្ឌលបោះឆ្នោត វិទ្យាល័យបឹងត្របែកបាន មានប្រសាសន៍ថា កម្លាំងនគរបាល និងកម្លាំងសមត្ថកិច្ចផ្សេងទៀត របស់រាជធានីភ្នំ ពេញ ត្រូវបានដាក់ពង្រាយការពារសន្តិសុខជូនប្រជាពលរដ្ឋ ដែលទៅចូលរួមបោះឆ្នោត បានយ៉ាងល្អ ពុំឃើញ ភាពអសកម្មណាមួយកើតឡើងនោះឡើយ។

យ៉ាងណាក៏ដោយស្នងការនគរបាលរូបនេះ បានអះអាងថា មានរឿងរ៉ាវបន្តិចបន្តួចកើតឡើង ទាក់ទិននឹងការប្តឹង របស់អ្នកទៅចូលរួមបោះឆ្នោត ក្នុងចំនួនតិចតួចបំផុត។

បើយោងតាមលោក ទូច ណារ៉ុថ កម្លាំងសមត្ថកិច្ចនៅតាមមណ្ឌល និងការិយាល័យបោះឆ្នោត បានបំពេញតួនាទី យ៉ាងត្រឹមត្រូវ និងជួយសម្រួលឲ្យដំណើរការបោះឆ្នោតប្រព្រឹត្តិទៅបានយ៉ាងល្អ៕