ប្រជាពលរដ្ឋ នៅខេត្តកំពង់ឆ្នាំង ជិត ៧០ភាគរយ ទៅបោះឆ្នោត នាព្រឹកនេះ

កំពង់ឆ្នាំងៈ អាជ្ញាធរខេត្តកំពង់ឆ្នាំង បានឲ្យដឹងថា គិតចាប់ពីវេលាម៉ោង ៧ ដល់ម៉ោង ១២ ថ្ងៃអាទិត្យ ទី ៣ ខែ មិថុនានេះ ប្រជាពលរដ្ឋជិត ៧០ភាគរយ បានទៅបោះឆ្នោតនៅមណ្ឌល និងការិយាល័យ បោះឆ្នោតរបស់ពួកគេ រៀងៗខ្លួន។

ប្រធានគណៈកម្មការរៀបចំការបោះឆ្នោតខេត្តកំពង់ឆ្នាំង អ្នកស្រី នួន ចន្នី បានមានប្រសាសន៍ថា គណបក្សចំនួន ៩ បានចូលរួមប្រកួតប្រជែងការបោះឆ្នោត ហើយមានប្រជាពលរដ្ឋគ្រប់អាយុ បោះឆ្នោតចំនួន ៣០៩.៩៥៨នាក់។

អ្នកស្រី នួន ចន្នី បានមានប្រសាសន៍ថា ដំណើរការបោះឆ្នោតពេញមួយព្រឹកនេះ ប្រព្រឹត្តិទៅយ៉ាងល្អប្រសើរ និង ដោយរលូន។