Hot News: June 2012

Saturday, June 30, 2012

សិក្ខាសាលាស្តីពី "អ៊ីនធឺណិតសម័យទំនើប៖យល់ដឹង ដើម្បី អាជីព” ត្រូវបានរៀបចំឡើងនៅសាកលវិទ្យាល័យធនធានមនុស្សដោយក្រុមហ៊ុន អ៊ីនធឺណិតឌីជី

ស្របពេលជាមួយនឹងសន្ទុះដ៏ខ្លាំងខ្លានៃចរន្តសាកលភាវុបនីយកម្ម នៅក្នុងព្រះរាជាណាចក្រកម្ពុជា វិស័យព័ត៌មានវិទ្យាកំពុងតែមានការរីកចំរើនយ៉ាងឆាប់រហ័ស។ ក្នុងនោះដែរ ចំនួននៃអ្នក ប្រើប្រាស់អ៊ីនធឺណិត ក៏កំពុងតែមានការកើនឡើងគួរឲ្យកត់សំគាល់ផងដែរ ។ ជាការពិតណាស់ អ្នកប្រើប្រាស់ភាគច្រើនយកអ៊ីនធឺណិតមកប្រើប្រាស់សំរាប់តែការសិក្សា ស្រាវជ្រាវ ការប្រាស្រ័យទាក់ទង និងកំសាន្តប៉ុណ្ណោះ ហើយពួកគេមិនទាន់បានដឹងអំពីអត្ថប្រយោជន៍ផ្សេងៗទៀតរបល់អ៊ីនធឺណិត នោះទេ។

ដើម្បីបំផុសនិងផ្លាស់ប្តូរទស្សនៈរបស់អ្នកប្រើប្រាស់ ដែលភាគច្រើនជាសិស្សនិស្សិតនោះ សិក្ខាសាលាមួយស្តីអំពី ” អ៊ីនធឺណិតសម័យទំនើប៖ យល់ដឹង ដើម្បី អាជីព ” នឹងត្រូវបានរៀបចំឡើងដោយ ក្រុមហ៊ុនអ៊ីនធឺណិត ឌីជី ដែលគ្រោងនឹងមានសិស្សនិស្សិតចូលរួមចំនួនជាង១០.០០០នាក់ដែលមកពី គ្រឹះស្ថានឧត្តមសិក្សានានានៅក្នុងរាជធានីភ្នំពេញ។ ក្នុងចំណោមនោះផងដែរ សិក្ខាសាលាទី៣ដែលនិយាយអំពីប្រធានបទនេះក៏ត្រូវបានរៀបចំឡើងនៅ សាកលវិទ្យាល័យធនធានមនុស្សនារសៀលថ្ងៃទី ២៩ ខែមិថុនា ឆ្នាំ២០១២ ដែលបានផ្តល់ជាគំនិត ព្រមទាំងឱកាសដល់សិស្សនិស្សិតក្នុងការធ្វើអាជីវកម្មដើម្បីរកប្រាក់ ចំណូលតាមប្រព័ន្ធអ៊ីនធឺណិតនេះវិញម្តង។ ក្រៅពីការចែករំលែកចំនេះដឹង នឹងបទពិសោធន៍ជាច្រើនរបស់វាគ្មិន ដែលមានបទពិសោធន៍ និងទទួលបានជោគជ័យក្នុងអាជីវកម្មតាមប្រព័ន្ធអ៊ីនធឺណិត ឌីជី បានជំរុញ ផ្តួចផ្តើម អោយសិស្សនិស្សិតដែលមានគំនិតល្អលើអាជីវកម្មតាមប្រព័ន្ធអ៊ីនធឺណិត ធ្វើការអនុវត្តន៍ និងបញ្ចេញភាពប៉ិនប្រសព្វរបល់ខ្លួនផងដែរ។ ទន្ទឹមនឹងនោះ ឌីជី នឹងធ្វើការគាំទ្រនិងផ្ដល់ជំនួយចំពោះអ្នកដែលនឹងត្រូវជ្រើសរើស ក្នុងការចាប់ផ្ដើមគម្រោងអាជីវកម្មនេះ។ លើសពីនេះទៅទៀត ចំពោះអ្នកដែលមានភាពប៉ិនប្រសព្វជាងគេ នឹងត្រូវបានផ្តល់ឱកាសការងារនៅក្រុមហ៊ុនអ៊ីនធឺណិត ឌីជី ទៀតផង។

ឯកឧត្តមបណ្ឌិត ឯក មនោសែន សាកលវិទ្យាធិការរង នៃសាកលវិទ្យាល័យធនធានមនុស្ស បានមានប្រ សាសន៍ថា” ពិភពលោកយើងនាសម័យបច្ចុប្បន្ននេះពិតមានការប្រែប្រួល និងអភិវឌ្ឍន៍លឿនណាស់ ជាពិសេលលើប្រព័ន្ធបច្ចេកវិទ្យា។វ ក្នុងនោះបច្ចេកវិទ្យាអ៊ិនធឺណិត ក៍បានដើរតួយ៉ាងសំខាន់ផង ដែរលើវិស័យការងារ និងការរស់នៅប្រចាំថ្ងៃ។ នៅតាមបណ្តាប្រទេសជឿនលឿនមួយចំនួន មាននិស្សិត មួយចំនួនធំបានយកប្រព័ន្ធ អ៊ិនធឺណិតធ្វើជាអាជីព ដើម្បីរកប្រាក់ចំណូល ហើយសំរាប់ ព្រះរាជាណាចក្រកម្ពុជា យើង នេះជាលើកទីមួយហើយដែលក្រុមហ៊ុន ឌីជី បានផ្តល់ឱកាសដល់និស្សិតខ្មែរ សំរាប់ការបង្កើត អាជីវកម្មលើប្រព័ន្ធអ៊ិនធីណិត។ ដូច្នេះយើងជានិស្សិតគួរតែចាប់យកឱកាសនេះឲ្យបានជាមួយនិងគម្រោងដ៍ ល្អ របស់ក្រុមហ៊ុម ឌីជី ដែលផ្តល់ជូន”។

នាយកផ្នែកទីផ្សារ កញ្ញា មេរៀ ទេពលុខិណា(Maria Teplukhina) បានមានប្រសាសន៍ថា “គោលដៅចម្បងរបស់យើងគឺផ្សព្វផ្សាយព័ត៌មានអំពីឱកាសតាមរយៈអ៊ីនធឺណិត ជាមួយនឹងការជួយជ្រោមជ្រែងដល់គម្រោងរបស់និស្សិត និងផ្សព្វផ្សាយអំពីតំបន់ភាវុបនីយកម្មនៃសេវាកម្មឌីជីដែលបាន បង្កើតឡើងយ៉ាងពិសេសផងដែរ។សម្រាប់ព័ត៌មានបន្ថែមអំពីគម្រោងនេះសូម ចូលទៅកាន់គេហទំព័រ http://www.digi.com.kh/eduction។ ឌីជី សូមថ្លែងអំណរគុណយ៉ាងជ្រាលជ្រៅដល់សាកលវិទ្យាល័យនានា ជាពិសេសសាកលវិទ្យាល័យធនធានមនុស្ស ដែលបានផ្តល់ឱកាស ទីកន្លែង ព្រមទាំងការសម្របសម្រួលនានា ដែលបង្កឲសិក្ខាសិលានេះអាចប្រព្រឹត្តទៅដោយជោគជ័យ។

ក្មេងស្ទាវបើករថយន្តកាមរី ចូលក្រោមរថយន្តកុងតឺន័រ របួសធ្ងន់ពីរនាក់

រថយន្តកាមរីមួយគ្រឿង បានបើកបោះពួយយ៉ាងលឿន ទៅបុករថយន្តកុងតឺន័រកំពុងតែបើកឆ្លងផ្លូវទាំងកម្រោល បណ្តាលឲ្យចូលទៅក្រោមរថយន្តកុងតឺន័រ របួសធ្ងន់ពីរនាក់។

ហេតុការណ៍នេះកើតឡើងកាលពីវេលាម៉ោង ៣ និង ៥០នាទី ទៀបភ្លឺ ថ្ងៃទី៣០ ខែមិថុនា ឆ្នាំ២០១២ នៅតាមផ្លូវលេខសហព័ន្ធរុស្ស៊ី ត្រង់ចំណុចស្តុបផ្សារដីហុយ ភូមិទឹកថ្លា សង្កាត់ទឹកថ្លា ខណ្ឌសែនសុខ។

ប៉ូលិសចរាចរណ៍ប្រចាំនៅគោលដៅស្តុបផ្សារដី ហុយ បាននិយាយថា រថយន្តកុងតឺន័រពណ៌ត្រួយចេក ពាក់ស្លាក ភ្នំពេញ 3A-6271 បើកបរដោយបុរសម្នាក់ គេចខ្លួនបាត់។ ចំណែករថយន្តកាមរីពណ៌ឈាមជ្រូក ពាក់ស្លាក យ ៧០៣៤ ភព២ ជិះគ្នាបីនាក់ របួសធ្ងន់ពីរនាក់ និងរបួសស្រាលម្នាក់។

មន្ត្រីប៉ូលិសដដែលបាននិយាយថា មុនពេលកើតហេតុ រថយន្តកុងតឺន័របានបើកតាមបណ្តោយផ្លូវភ្នំពេញ-ហាណូយ ក្នុងទិសដៅពីជើងទៅត្បូង លុះមកដល់ចំណុចកើតហេតុ រថយន្តបានបើកឆ្លងផ្លូវទៅផ្លូវណតប្រ៊ីត ពេលនោះក៏ស្រាប់តែឃើញរថយន្តកាមរីមួយគ្រឿង បើកបោះពួយយ៉ាងលឿនពីកើតទៅលិច តាមបណ្តោយផ្លូវសហព័ន្ធរុស្ស៊ី ក៏បុករថយន្តកុងតឺន័រចំពាក់កណ្តាល បណ្តាលឲ្យរថយន្តកាមរីចូលទៅកល់ក្រោមកុងតឺន័រ របួសធ្ងន់ពីរនាក់ ស្រាលម្នាក់។

ប្រភពដដែលបានបន្តថា ក្រោយពីកើតហេតុ ជនរងគ្រោះត្រូវបានដឹកយកទៅកាន់មន្ទីរពេទ្យឯកជន រីឯរថយន្តទាំងពីរគ្រឿងរក្សាទុកនៅសង់ត្រាល់

ថ្ងៃនេះបាល់ទះបញ្ចប់វគ្គជម្រុះ

ភ្នំពេញ: ការប្រកួតបាល់ទះក្នុងព្រឹត្តិការណ៍ Leo-Cup National Volleyball មណ្ឌលខេត្តកំពង់ចាម ថ្ងៃទី ៣០មិថុនានេះបញ្ចប់វគ្គជម្រុះហើយ ។

   បន្ទាប់ពីក្រុមស្រុកចំការលើ និង ក្រុមខេត្តក្រចេះហាលអាវនោះ ៤ក្រុមដែលនៅទោះបីត្រូវប្រកួតរកចំ ណាត់ថ្នាក់សម្រាប់មណ្ឌលរបស់ខ្លួនក៏ដោយក៏ក្រុមទាំង ៤ នេះមានកៅអីសម្រាប់លេងវគ្គ ២៤ក្រុមចុងក្រោយ នៅភ្នំពេញដែរ ។

   ២ប្រកួតថ្ងៃនេះក្រុមវិទ្យាល័យព្រះសីហនុប្រកួតចាញ់ក្រុមក្រុងសួង ០ ទល់ ៣សិតក្នុងពិន្ទុ២៣ ទល់ ២៥-១៩ ទល់ ២៥ និង១៥ ទល់ ២៥ ។ ក្រុមក្រុងសួងដែល ៥ ប្រកួតឈ្នះ ៣ ប្រកួតចាញ់ ២ ប្រកួតនោះ ស្ថិតក្នុងលំដាប់ទី ៣ ចំពោះក្រុមវិទ្យាល័យព្រះសីហនុវិញ ៥ ប្រកួតឈ្នះ ២ ប្រកួត ចាញ់ ៣ ប្រកួតស្ថិតក្នុង លំដាប់ទី ៤ ។

   មួយប្រកួតទៀតក្រុមសាលាខេត្តកំពង់ចាមឈ្នះ ក្រុមកងរាជអាវុធហត្ថខេត្តកំពង់ចាម ៣ សិតទល់ ០ក្នុង ពិន្ទុ ២៥ ទល់ ២០-២៥ ទល់ ២២ និង ២៥ ទល់ ២១ ។ ក្រុមសាលាខេត្តកំពង់ចាម ៥ ប្រកួតឈ្នះទាំង ៥ ប្រកួតស្ថិតលំដាប់ទី ១ ចំពោះក្រុមកងរាជអាវុធហត្ថខេត្តកំពង់ចាម ដែល ៥ ប្រកយតឈ្នះ ៤ ប្រកួតចាញ់ មួយប្រកួតនោះស្ថិតលំដាប់ទី ២ ។

   ស្អែកនេះក្រុមលំដាប់ទី ១ សាលាខេត្តកំពង់ចាម ជួបក្រុមវិទ្យាល័យព្រះសីហនុជាក្រុមលេខ ៤ និង ក្រុមលេខ ២កងរាជអាវុធហត្ថខេត្តកំពង់ចាម ជួបជាមួយក្រុមលំដាប់ទី ៣ ក្រុងសួង ។ ក្រុមដែលឈ្នះ នឹងជួប គ្នាម្ដងទៀរកក្រុមលេខ ១ ប្រចាំមណ្ឌល ។

កម្ពុជា សមកម្លាំង ក្នុងការទទួលគណៈប្រតិភូ ចូលរួមកិច្ចប្រជុំរដ្ឋមន្ត្រីការបរទេសអាស៊ាន និងកិច្ចប្រជុំពាក់ព័ន្ធជាច្រើនទៀត

ភ្នំពេញ: រាជរដ្ឋាភិបាលកម្ពុជា នាព្រឹកថ្ងៃសៅរ៍ ទី៣០មិថុនា ឆ្នាំ២០១២ បានផ្តើមការសាកល្បងកម្លាំងគ្រប់ផ្នែកទាំងអស់ ដើម្បីត្រៀមរៀបចំទទួលគណៈប្រតិភូ ក្នុងកិច្ចប្រជុំរដ្ឋមន្ត្រីការបរទេសអាស៊ាន និងកិច្ចប្រជុំពាក់ព័ន្ធជាច្រើនផ្សេងទៀត។ ក្នុងកិច្ចប្រជុំនោះ ក៏មានវត្តមានរបស់ប្រមុខការទូតប្រទេសមហាអំណាចធំៗ ដូចជា លោកស្រី ហ៊ីលឡារី គ្លីនតុន រដ្ឋមន្ត្រីការបរទសអាមេរិក មកចូលរួមកិច្ចប្រជុំ នៅភ្នំពេញ នាសប្តាហ៍ក្រោយផងដែរ។

ចាប់ តាំងពីព្រឹកព្រលឹមថ្ងៃសៅរ៍នេះ ផ្លូវសហព័ន្ធរុស្ស៊ី ចាប់ពីព្រលានយន្តហោះ ដល់ទីស្តីការគណៈរដ្ឋមន្ត្រី ត្រូវបានបិទ ជាមួយនឹងក្បួនឡាន ម៉ូតូស អមដោយសំឡេងសឺរ៉ែន លាន់ឮកងរំពង។ នៅផ្លូវតាមមុខសណ្ឋាគារធំៗ ក្នុងរាជធានីភ្នំពេញ ក៏ត្រូវបានបិទ និងមានក្បួនឡាន អមដោយម៉ូតូស របស់ប៉ូលិសនាំគណៈប្រតិភូ ចេញចូលផងដែរ។

ទាំងនេះ គ្រាន់តែជាការសាកល្បងកម្លាំង ដើម្បីត្រៀមទទួលគណៈប្រតិភូអន្តរជាតិ ដើម្បីចូលរួមក្នុងកិច្ចប្រជុំថ្នាក់រដ្ឋមន្ត្រីការបរទេសអាស៊ាន លើកទី៤៥ និងកិច្ចប្រជុំពាក់ព័ន្ធជាមួយនឹងប្រទេសដៃគូសន្ទនាជាច្រើនទៀត ចាប់ពីថ្ងៃទី៦ ដល់ថ្ងៃទី១៣ ខែកក្កដា ឆ្នាំ២០១២ នៅរាជធានីភ្នំពេញ៕

បើករថយន្តបុកគេស្លាប់ បន្លំធ្វើជាឆ្កួត ក្រែងបានរួចខ្លួន ចៃដន្យជាប់ដដែល!

រូបភាពខាងលើនេះលោកអ្នកបានឃើញស្រាប់ថាជារូបភាពមនុស្សម្នាក់ស្រាតននលដេកនៅនឹង
ថ្នល់មុខរថយន្តសង្រ្គោះមួយ។ ការពិតទៅហេតុការណ៍ពិតប្រាកដដែលបានកើតឡើងគឺមនុស្ស
ស្រីម្នាកដែលស្រាតដេកនៅនឹងមុខរថយន្តសង្រ្គោះនោះឈ្មោះ Zhang Yan។

កាលពីប៉ុន្មានសប្ដាហ៍មុននេះមានហេតុការណ៍គ្រោះថ្នាក់ចរាចរណ៍មួយដែលបានកើតឡើងនៅ
ខែត្រ Shandong ប្រទេសចិនដែលរថយន្តបានបើកបោលសំដៅទៅបុកម្ដាយកូន ២ នាក់ដែលកំពុងតែជិះកង់នៅតាមផ្លូវ។ Wang Yiting ក្មេងស្រីអាយុ ៤ ឆ្នាំដែលបានជិះកង់ជាមួយនឹងម្ដាយដែលជាអ្នកឌុប បានជាប់នៅខាងក្រោមរថយន្តដែលបើកមកបំបុកម្ដាយកូនទាំង ២ ហើយរថយន្ត
នោះត្រូវបានបើកបរដោយឈ្មោះ Zhang Yan ជាគ្រូបង្រៀននៅសាលកវិទ្យាល័យប្រចាំខែត្រ
Shandong ហេតុការណ៍ដ៏សែនតក់ស្លុតនេះត្រូវបានគេថតជាប់ក្នុងវីដេអូដែលទទួលបានការចូល
មើលក្នុង Internet ដល់ទៅជាង ៣ លានដងក្នុងរយៈពេលត្រឹមតែ ៣ ថ្ងៃប៉ុណ្ណោះ។ នៅកន្លែងកើត
ហេតុមានក្រុមប៉ូលីសក៏ដូចជាមនុស្សម្នាបាននាំគ្នាជួយទាញយកក្មេងស្រីចេញពីក្រិមរថយន្តដើម្បី
បញ្ជូនតាមរថយន្តសង្រ្គោះទៅកាន់មន្ទីរពេទ្យស្រាប់តែគេសង្កេតឃើញ Zhang Yan ដែលជាអ្នក
បើករថយន្តបង្ករហេតុបានស្រាតសម្លៀកបំពាក់ហើយដេកពាំងរថយន្តសង្រ្គោះមិនអោយចាកចេញ
តែយ៉ាងណាៗ ខាងប៉ូលីសបានជួយចាប់នារីម្នាក់នេះចេញដើម្បីអោយងាយស្រួលក្នុងការធ្វើការ។
ទោះបីជាខិតខំក្នុងការជួយសង្រ្គោះយ៉ាងណាក្ដីក៏ក្មេងស្រីអាយុ ៤ ឆ្នាំដែលបានជួបគ្រោះថ្នាក់ជា
មួយនឹងម្ដាយបានស្លាប់ នៅពេលដែលគេបញ្ជូននាងទៅដល់មន្ទីរពេទ្យ។ ចំណែកឯនាង Wang Yanliដែលជាម្ដាយរបស់ក្មេងស្រីរងគ្រោះគឺបានរួចផុតជីវិតប៉ុន្តែកំពុងតែឋិតក្នុងសភាពភ្លឹកមិនទានបាន
ដឹងខ្លួននៅឡើយ។

តាមរបាយការណ៍របស់ប៉ូលីសបានអោយដឹងថា Zhang Yan ដែលជាអ្នកបង្ករហេតុជាគ្រូសាកល
វិទ្យាល័យផ្នែកចិត្តសាស្រ្តហើយកត្តាដែលនាំអោយគេ ស្រាតសម្លៀកបំពាក់ទៅដេកនៅនឹងមុខរថ
យន្តសង្រ្គោះព្រោះតែចង់បន្លំធ្វើជាឆ្កួតដើម្បីអោយខ្លួនបានរួចទោស (ព្រោះច្បាប់មិនដាក់ទោសលើ
មនុស្សឆ្កួតឡើយ) តែជាអកុសលនាងត្រូវបានគេរកឃើញថាមិនមានរោគវិកលចារិតនោះឡើយ
ដូចនេះនាងត្រូវតែទទួលទោសលើករណីបើកបរបណ្ដាលអោយមានគ្រោះថ្នាក់ចរាចរណ៍មួយនេះ៕

យុវតីអាយុ ១៧ ឆ្នាំម្នាក់បានស្លាប់ ដោយសារគ្រោះថ្នាក់ចរាចរណ៍ ដ៏តក់ស្លុតនៅកោះពេជ្រ

កាលពីថ្ងៃព្រហស្បតិ៍ទី ២៨ មានហេតុការណ៍គ្រោះថ្នាក់ចរារចណ៍មួយដ៏គួរអោយ
តក់ស្លុតបានកើតឡើង ហើយបានបណ្ដាលអោយមានការភ្ញាក់ផ្អើលពេលបណ្ដាញសង្គមលើ
Internet Facebook ដោយសារមានគេថតរូបក្មេងស្រីរងគ្រោះបង្ហោះផ្ទាល់ដែលមើលទៅគឺពិត
ជាគួរអោយតក់ស្លុតមែនទែន។

យុវតីរងគ្រោះត្រូវបានគេស្គាល់ថាឈ្មោះ សោម ចាន់រស្មី អាយុ ១៧ ឆ្នាំរៀនថ្នាក់ទី ៩ ជាសិស្ស
វិទ្យាល័យផ្សារដើមថ្កូវ។ ថ្ងៃកើតហេតុម្សិលមិញនេះបើតាមសាក្សីឃើញផ្ទាល់បានបញ្ជាក់អោយ
ដឹងថាម៉ូតូរបស់យុវតីរងគ្រោះម៉ាក Click ពណ៌ឈាមជ្រូកបានបោះពួយយ៉ាងលឿនដូចព្យុះខណៈ
ពេលដែលក្រុមរបស់ខ្លួនកំពុងតែសប្បាយជិះយ៉ាងលឿនស្លេវនៅក្នុងបរិវេណទីក្រុងកោះពេជ្រ
នាវេលាម៉ោងប្រមាណ ៩ ព្រឹកស្រាប់តែពេលដែលកំពុងតែជិះយ៉ាងលឿន និងសប្បាយភ្លេចខ្លួន
នោះម៉ូតូរបស់យុវតីរងគ្រោះដែលមានដឹកគ្នាសរុប ៣ នាក់ទាំងអ្នកបើកដែលជានារីរងគ្រោះ
ផ្ទាល់បានមកដល់ផ្លូវកោងមួយ តែដោយសារតែបត់មិនទាន់ម៉ូតូរបស់យុវតីរងគ្រោះក៏បានបោះ
ពួយទៅបុកនឹងបង្គោលភ្លើង ហើយបានផ្លោងអ្នកបើកបរម៉ូតូខ្ទាតចេញពីម៉ូតូចូលទៅក្នុងគុម្ភត្រែង
យុវតីរងគ្រោះដែលជាម្ចាស់ និងអ្នកបើកបរម៉ូតូនេះផ្ទាល់បានរងរបួសដោយរយះភ្លៅទាំងគូ ត្រង់
ក្រលៀន ចំណែកឯអ្នកជិះកណ្ដាលបានសន្លប់ ខណៈពេលដែលអ្នកអង្គុយក្រោយគេទទួលរង
របួសស្រាលដោយចុកដើមទ្រូង។ យុវតីរងគ្រោះដែលជាម្ចាស់ម៉ូតូត្រូវបានគេដឹកទៅសង្គ្រោះ
នៅមន្ទីរពេទ្យកាល់ម៉ែត តែជាអកុសលក្មេងស្រីរូបនេះបានស្លាប់ ២ ម៉ោងក្រោយពេលទៅដល់
មន្ទីរពទេ្យ។

យើងឃើញថាសិស្សានុសិស្សសម័យ ២០១២ ដូចជាកំពុងតែមានការធ្លាក់ចុះបន្តិចទោះបីជានៅ
មានអ្នកដែលខិតខំរៀនសូត្រក៏ដោយ ដូចជាយើងបានឃើញស្រាប់ក្នុងករណីកើតហេតុខាងលើ
នេះគឺក្មេងស្រីរងគ្រោះបាន ស្លៀកពាក់ឯកសណ្ឋានជាសិស្សសាលា ដែលប្រហែលជាអាចនឹង
គេចចេញពីម៉ោងរៀនដើម្បីមកជិះដេញគ្នាសប្បាយនៅកោះពេជ្រទាំងព្រលឹម។ ចំពោះករណី
ខាងលើនេះដែរគេឃើញមានភាពប្រតិកម្មយ៉ាងខ្លាំងពីសំណាក់យុវវ័យដែលជាអ្នកប្រើប្រាស់
បណ្ដាញសង្គម Facebook ដែលភាគច្រើនយើងសង្គេតឃើញមានទាំងការចូលរួមសោកស្ដាយ
និងពាក្យស្ដីបន្ទោសដោយប្រយោល។ តែយ៉ាងណាក្ដីមនុស្សបានបាត់បង់ជីវិតទៅហើយ យើង
មិនគួរណាស្ដីបន្ទោសទៀតនោះទេ ហើយជាមួយគ្នានេះផងដែរ ចំពោះប្រសិនបើយើងក្រលេក
ទៅមើលខាងគ្រូបង្រៀនដែលទទួលខុសត្រូវលើម៉ោងរៀនរបស់ យុវតីម្នាក់នេះដូចជាមិនមានបាន
ទទួលការលើកមកពិភាក្សាសោះ តែបើយើងគិតអោយបានច្បាស់លាស់ទៅ ប្រសិនបើគ្រូមិនបាន
ឃើញសិស្សមករៀនគួរណាមានវិធានការណ៍ក្នុងការផ្ដល់ដំណឹងជូនឪពុកម្ដាយ ឬអាណាព្យាបាល
របស់សិស្សដើម្បីបានដឹងពីមូលហេតុ ការធ្វើបែបនេះវាអាចជាចំណុចមួយល្អផងដែរក្នុងការកាត់
បន្ថយអាត្រាគេចរៀនរបស់សិស្ស ទោះបីជាវាមិនអាចកាត់បន្ថយបានទាំងស្រុងក៏ដោយ ហើយ
ម្យាងទៀតនៅពេលដែលឪពុក ម្ដាយ ដឹងថាកូនរបស់ខ្លួនចេញទៅរៀន ពេលនោះពួកគាត់ច្បាស់
ជាយល់ហើយថា គ្រូបង្រៀនគឺជាអ្នកទទួលខុសត្រូវលើកូនរបស់ខ្លួនបន្ទាប់ពីខ្លួនផ្ទាល់ ចុះហេតុអ្វី
បានជាមិនមានការឆ្លើយតបលើបញ្ហានេះដូច្នេះទៅវិញ? បញ្ហានេះទុកជាប្រធានបទមួយជួនមិត្ត
អ្នកអានសម្រាប់ពិចារណា ហើយជាចុងក្រោយជាទឹកចិត្តល្អ Camnews សុំអំពាវនាវដល់ប្អូនជា
សិស្សក្ដី និស្សិតក្ដី ឬជាប្រជាពលរដ្ឋធម្មតាក្ដីគួរណាបើកបរក្នុងភាពទទួលខុសត្រូវ ជៀសវាងការ
បង្ករបញ្ហាដែលនាំអោយមានហានិភ័យដល់ខ្លួន និងអ្នកដទៃ ព្រោះវាគ្មានអ្វីចំណេញនោះទេ៕

កំហុសបុរសនៅ ក្នុងពេលរួមភេទ

ការធ្វើអ្វីៗទាន់ហន់ ខ្លាំងពេកធ្វើឱ្យការងារ នៅលើគ្រែពុំទទួល បាននូវភាពស្រណុក ស្រួលឡើយ ។ ជា ធម្មតាស្ដ្រី ត្រូវការភាពផ្អែមល្ហែម ស្រើបស្រាលបបោស អង្អែល ធ្វើឱ្យរំជួលចិត្ដ ទើបមានអារម្មណ៍ភេទ ។ បើចាប់ផ្ដើមភ្លែត វាយលុកភ្លាម វាមិនបានទទួល ផលល្អនោះឡើយ ។
-ការវាយសម្រុកខ្លាំងពេក ៖ នេះក៏ជាកំហុសឆ្គងមួយដែរ ពីព្រោះ អវយវៈភេទរបស់ស្ដ្រី ងាយរងនឹងការឈឺចាប់ ខ្លាំងណាស់ ។ ប្រសិនបើអ្នកវាយ លុកគំហុកខ្លាំងពេក ឬប្រើម្រាមដៃឆ្កឹះឆ្កៀលតាមរឿងវីដេអូសិចនោះ ។ ជា ពិសេសប្រើម្រាម ដៃអ្នកដែលមានក្រចកមិនស្អាត វែង វាអាចធ្វើឱ្យនាងរងការឈឺ ចាប់ដោយងាយ ។
-ដៃកុំនៅស្ងៀមស្ងាត់ពេក ៖ បញ្ហានេះវាជារឿងមួយ ដែលធ្វើ ឱ្យស្ដ្រីមានការមិនពេញចិត្ដ ព្រោះស្ដ្រីមួយចំនួន តែងតែពេញចិត្ដ និងស្រលាញ់បុរសដែល ប៉ិនប្រសប់បបោសអង្អែល ថ្នាក់ថ្នមទៅលើរូបកាយ បង្កើតឱ្យមាន ភាព ស្រើបស្រាលមុន ឈានទៅដល់រឿងលើគ្រែ ។ ប្រសិនបើអ្នកមិន បានបបោស អង្អែល ឬប៉ះពាល់ផ្នែក ផ្សេងៗរបស់ នាងខណៈដែលរួមរ័កនោះ វាអាចធ្វើឱ្យនាងតូចចិត្ដ និងតែងតែគិតថា អ្នកគ្រាន់តែចង់គេង ជាមួយនាងតែប៉ុណ្ណោះ គ្មានចិត្ដ ស្រលាញ់នាងទេ ។
-នៅពេលដែល អ្នកចេញទៅ មានអីៗនៅខាងក្រៅផ្ទះ ៖ នៅខាងក្រៅនោះ សូមកុំភ្លេចប្រើ ស្រោមអនាម័យ ព្រោះ ថា វាជាឧបករណ៍ ការពារដ៏មាន ប្រសិទ្ធភាពមួយឱ្យ អ្នកចៀសផុតពីក្ដីអស់សង្ឃឹម និងសោកស្ដាយនៅពេល ក្រោយ ។
-ការឈប់ពាក់ កណ្ដាលទី ៖ ជាមូលហេតុ ដែលធ្វើឱ្យស្ដ្រីមាន ការតូចចិត្ដដែរ ។ នៅពេលដែល អ្វីៗជិតទៅ ដល់ទិសដៅហើយ សូមកុំឈប់ ពាក់កណ្ដាលផ្លូវឱ្យសោះ ព្រោះវាបណ្ដាល ធ្វើឱ្យនាងមាន អារម្មណ៍អាក់អន់ចិត្ដ ។ ឧបមាថា អ្នកកំពុងបបោស អង្អែលនាងចាប់ ពីចុះមកដល់ ត្រង់ផ្ចិតទៅហើយ សូមកុំបន្ទុចឈប់ នៅត្រង់នេះអី សូមបន្ដទៅទៀត រហូតដល់គោល ដៅ កុំបង្ហាញកាយវិការដូចជាចង់ គេចវេសនៅម្ដុំនោះឱ្យសោះ ។
-ការមិនអើពើ នៅពេលរួមរ័ក ៖ ស្ដ្រីចង់ដឹងពីអ្វីដែលនាង ធ្វើឱ្យគូស្នេហ៍ពេញចិត្ដ ដូច្នេះបុរសពុំគួរលាក់ទុកនូវ អារម្មណ៍របស់ខ្លួន ទេ ត្រូវបញ្ចេញឱ្យ ទៅតាមធម្មជាតិ ប៉ុន្ដែកុំដង្ហក់ ឬក៏ថ្ងូរខ្លាំងពេក ។
-កុំរឹងស្ដូកដូច មនុស្សស្លាប់ ៖ សិចពុំមែនជា ការងារគួរឱ្យធុញ ទ្រាន់ទេ បុរសគួរតែ ញញឹមបង្ហាញ នូវភាពស្រស់ ស្រាយ និងដកដង្ហើមឱ្យ នាងបានឮខ្លះផង ។
-ស្ដ្រីគឺជាភាគីរង់ចាំ ៖ ស្ដ្រីតែង តែមានភាពខ្មាសអៀន ដូច្នេះភាគី បុរសជាអ្នកចាប់ផ្ដើមមុន ។ អ្នកមិនត្រូវដំអក់ រង់ចាំឱ្យនាងហាមាត់ ប្រាប់ ទើបចាប់ផ្ដើម ឬទាល់តែ នាងជាអ្នកបើក ឆាកចាប់ផ្ដើមមុន នោះទេ ។ ចូរគិតថា បើរវល់តែចាំគ្នា ទៅវិញទៅមក តើឱ្យអ្នកទាំងពីរ មានសេចក្ដីសុខ នឹងគ្នាម្ដេចបានទៅ លើកលែងតែអ្នកបានជួបស្ដ្រី ភេទនាងជាអ្នកចាប់ផ្ដើមមុន ។
-កំពុងអនុវត្ដសិចកុំ ប្រើពាក្យមិនគប្បី ៖ ស្ដ្រីជាច្រើនមិនចូលចិត្ដ ការនិយាយពាក្យដែល រំខានដល់អារម្មណ៍នាងទេ ។ ដូចនេះអ្នកពុំគួរ និយាយពាក្យ ផ្ដេសផ្ដាសខ្លះ ដែល ធ្វើឱ្យនាងមាន អារម្មណ៍មិនល្អនោះទេ ដូចជា“អូនឯងទៅដល់ទី ហើយ ឬនៅ ?” ស្ដ្រីមិនត្រូវការ ឱ្យហួសពី ការទៅដល់ ចំណុចកំពូលរបស់ នាងទេ ?។

សាលាបន្សាបភាពញៀន "សិច" នៅអាមេរិច

សាលា Oxbow នៅ Utah អាមេរិច គឺជាកន្លែងធ្វើឲ្យល្អប្រសើរឡើងវិញ សំរាប់ក្មេង
ប្រុសដែលជាអនិតិជន ដែលមានបញ្ហាចូលចិត្តកាមគុណ។

រឿងដែលទាក់ទងនឹងកាមគុណច្រើនបំផុត គឺបណ្តាលមកពីក្មេងប្រុសទាំងនោះញៀនទស្សនា
រឿងអាសអាភាសនៅក្នុងអ៊ីនធើណេត។ កន្លែងអប់រំនេះ គឺជាព្រះវិហារដែលមានជំនឿលើសាស
នាមួយ។ សិស្សដែលនាំមកនៅទីនេះ ត្រូវបានរៀបចំឲ្យគេងនៅលើគ្រែជាន់(គ្រែថ្នាក់ៗ) នៅក្នុង
អន្តេវេសិកដ្ឋានធំៗពីរ។

ពេលអាណាព្យាបាលនាំកូនប្រុសរបស់ខ្លួនមកផ្ញើនៅសាលានេះ ដែលត្រូវចំណាយទឹកប្រាក់ដល់
9.000 USD/ខែ ពួកគាត់ទទួលស្គាល់ថាកូនរបស់ខ្លួននឹងត្រូវប្រព្រឹត្តតាមនូវរបបដ៏តឹងរឹងមួយ ដែល
ធ្វើឲ្យពួកគេចៀសផុតពីទំលាប់អាក្រក់ដែលធ្លាប់មាន។

មានក្មេងប្រុសប្រហែលជាម្ភៃនាក់ដែលត្រូវព្យាបាលរោគ, ត្រូវបំពេញកិច្ចការនៅក្នុងផ្ទះ ដោយហាម
ប្រើទូរស័ព្ទ និងអ៊ីនធើណេត។

សិស្សៗនៅ Oxbow ដែលមានអាយុចាប់ពី13 ដល់ 17ឆ្នាំ នឹងត្រូវបានពិគ្រោះយោបល់ និងទាក់ទង
ជាមួយឪពុកម្តាយមួយសប្តាហ៍មួយដងតាមរយះ Skype។ ការហ្វឹកហាត់ត្រូវអូសបន្លាយដល់ម៉ោង
9h យប់។ នៅចុងសប្តាហ៍ ក្មេងៗទាំងនោះត្រូវធ្វើ Homework និងអនុវត្តការងារមួយចំនួនដូចជាបោក
ខោអាវជាដើម៕

Friday, June 29, 2012

អ្នកដេកស្រម៉ុកធ្ងន់ធ្ងរប្រឈមនឹងជំងឺរលាកសន្លាក់ឆ្អឹងទ្វេដង

ការសិក្សាថ្មីមួយបានបង្ហាញថា ការដេកស្រម៉ុកធ្ងន់ធ្ងរស្ទើរតែបង្កើនហានិភ័យនៃការវិវត្តន៍ជំងឺ រលាកសន្លាក់ឆ្អឹងទ្វេដងឯណោះ ។ ក្រុមអ្នកស្រាវជ្រាវបានរកឃើញថា អ្នកជំងឺដែលធ្វើរោគវិនិច្ឆ័យឃើញមានអាការៈពាក់ព័ន្ធនឹងការដេកស្រ ម៉ុកដូចជាការដេកអត់ដកដង្ហើមជាដើមគឺស្ទើរតែទទួលរងនូវជំងឺរលាក សន្លាក់ឆ្អឹងរហូតដល់ទៅពីរដង ។

របកគំហើញដែល កើតចេញពីការស្រាវជ្រាវធ្វើឡើងនៅតៃវ៉ាន់មួយនេះគឺជារឿងដ៏គួរឲ្យ ភ្ញាក់ផ្អើលខណៈដែលជំងឺរលាកសន្លាក់ឆ្អឹងដែលប៉ះពាល់មនុស្សជាង ៣៥ ម៉ឺននាក់នៅអង់គ្លេស ត្រូវគេគិតថាបង្កឡើងនៅពេលមានអ្វីមួយមិនស្រួលជាមួយនឹងប្រព័ន្ធ ភាពស៊ាំ ។

ការសិក្សាដដែលនេះ ក៏បានរកឃើញការកើនឡើងគ្រោះថ្នាក់នៃជំងឺមួយទៀតផងដែរដែលគេហៅថា Autoimmune Disorders (វិបត្តិប្រព័ន្ធភាពស៊ាំ) ដែលធ្វើឲ្យប្រព័ន្ធការពាររាងកាយចាប់ផ្តើមវាយប្រហារលើជាលិកាដែលមាន សុខភាពល្អ ។

ក្រុមអ្នកវិទ្យាសាស្ត្រនិយាយថា ពួកគេជឿថាការដេកស្រម៉ុកធ្ងន់ធ្ងរអាចបណ្តាលឲ្យហើមរលាកក្នុង សរសៃឈាមធំពេញរាងកាយទាំងមូលដែលដើរតួជាកាតាលីករមួយសម្រាប់ជំងឺ រលាកសន្លាក់ឆ្អឹងនេះ ។ បើទោះបីជាការសិក្សាមុនៗបានលើកឡើងថាការដេកស្រម៉ុកអាចបង្កើន ហានិភ័យនៃជំងឺបេះដូងក៏ដោយ ក៏ការសិក្សាចុងក្រោយនេះគឺជាការសិក្សាលើកដំបូងគេហើយដែលបង្ហាញនូវ ទំនាក់ទំនងជាមួយជំងឺរលាកឆ្អឹង ៕

យានShenzhou-9នាំអវកាសយានិកចិនបីនាក់មកកាន់ផែនដីវិញ

យានអវកាសចិនមួយដែលដឹកអវកាសយានិកបីនាក់បានវិលមកដល់ផែនដីវិញបន្ទាប់ពីបេសកកម្មរយៈពេល១ថ្ងៃ។
រូបភាពការចុះចតរបស់យាននៅតំបន់អ៊ិននឺ ម៉ុងហ្គោលី នៅម៉ោង១០និង០៥នាទីព្រឹកត្រូវបានចាក់ផ្សាយផ្ទាល់ក្នុងទូរទស្សន៍។
អវកាសយានិកដែលរួមមាន ស្ត្រីចិនលើកដំបូង បានធ្វើការចុះចតជាមួយនឹងបន្ទប់យានTiangong-1។
បេសកកម្មនេះគឺជាការបោះជំហានសំខាន់មួយឆ្ពោះទៅកាន់គោលដៅរបស់ចិន ក្នុងការស្ថាបនាស្ថានីយអវកាសមួយនៅយ៉ាងយូរត្រឹមឆ្នាំ២០២០។
ក្នុងពេលជាមួយគ្នា នាយករដ្ឋមន្ត្រីវេន ជាបាវបានអបអរបេសកកម្មនេះថាជា"ជោគជ័យទាំងស្រុង"មួយ។
បេសកកម្មនេះបានទទួលការចាប់អារម្មណ៍ពីប្រព័ន្ធផ្សព្វផ្សាយរដ្ឋ ដោយការចុះចតរបស់យាននៅវាលស្មៅនៃតំបន់អ៊ិននឺ ម៉ុងហ្គោលីត្រូវបានផ្សាយបន្តផ្ទាល់។
ក្នុងចំណោមអវកាសយានិកដែលត្រូវបានគេជួយគ្រាហ៍ចេញពីបន្ទប់យានគឺ លីវ យ៉ាវ អវកាសយាននិកស្ត្រីលើកដំបូងរបស់ចិន។
ដោយមិនបានដឹងខ្លួនរហូតដល់ពេលតែប៉ុន្មានថ្ងៃមុនបេសកកម្មនេះ នាងឥឡូវបានវិលមកកាន់ផែនីវិញក្នុងនាមជាមនុស្សដែលមានការ ទទួលស្គាល់បំផុតនៅចិន។

ក្នុងអំឡុងពេលនៅក្នុងអវកាស ពួកអវកាសយានិកបានធ្វើការចូលចតឬតភ្ជាប់យានក្នុងតារាវិថីដែល ត្រូវបានគេមើលឃើញថាជាការបោះជំហានសំខាន់ប្រសិនបើប្រទេសចិនត្រូវ សំរេចអោយបានក្នុងការស្ថាបនាស្ថានីយអវកាសមួយនៅមួយទសវត្សរ៍ខាងមុខ។ រដ្ឋាភិបាលក្រុងប៉េកាំងក៏លើកឡើងអំពីលទ្ធភាពបញ្ជូនមនុស្សទៅកាន់ ឋានព្រះចន្ទផងដែរ។
ចិននៅតែនៅពីក្រោយមហាអំណាចអវកាសរុស្ស៊ីនិងអាមេរិកបើនិយាយ អំពីជំនាញបច្ចេកវិទ្យាអវកាស។តែពេលនេះលុយនិងចលករកំពុងស្ថិតនៅ ខាងចិនបើនិយាយអំពីការសិក្សាស្រាវជ្រាវអវកាស។
លោកវេនបាននិយាយនៅក្នុងទីក្រុងប៉េកាំងថា"នេះជាការចូលរួមចំណែក ធំមួយទៀតដោយប្រជាជនចិនចំពោះកិច្ចខិតខំរបស់មនុស្សជាតិដើម្បី សិក្សាស្រាវជ្រាវនិងប្រើអវកាស"។
អវកាសយានិកលីវ វ៉ាងបាននិយាយថា"វាមានអារម្មណ៍ល្អណាស់ដើម្បីឈរលើផែនដី និងវាកាន់តែល្អដែលវិលមកកាន់មាតុប្រទេស។យានTiangong-1 ផ្ទះរបស់យើងនៅក្នុងអវកាសផ្តល់ផាសុភាពនិងគួរចង់អោយរស់នៅ។យើង មានមោទនភាពអំពីប្រជាជាតិរបស់យើង"។
អវកាសយាននិកទាំងបីបានចុះចតនៅខណ្ឌស៊ីហ្សីវ៉ានៃតំបន់អ៊ិននឺ ម៉ុងហ្គោលី ដោយប្រើឆត្រយោងសំរាប់ពន្យឺតល្បឿន ហើយនៅពេលចេញពីបន្ទប់យាន អវកាសយានិកទាំងបីមានសុខភាពល្អ៕

តារាចង្រៀងពីរដួង ជាកូនធម៌ សម្ដេចតេជោ និងលោកជំទាវ រៀបការ

អាពាហ៍ពិពាហ៍ របស់លោក អ៊ុក ណារីម និងឆោម ឆពុំ បានប្រព្រឹត្ដដោយភាពអធឹកអធមបំផុត ក្រោមការចាត់ចែង របស់លោកជំទាវ ប៊ុន រ៉ានីហ៊ុនសែន ហើយក៏មានភ្ញៀវកិត្ដិយសសុទ្ធតែជាមន្ដ្រីជាន់ខ្ពស់ និងជាភរិយា របស់មន្ដ្រីធំក្នុងជួររាជរដ្ឋាភិបាល។ អាពាហ៍ពិពាហ៍ តារាចម្រៀងមួយគូរនេះ នឹងទទួលភ្ញៀវ ចំនួនជាង១០០តុនៅអាគារ G កោះពេជ្រ នាល្ងាចថ្ងៃទី២៩ ខែមិថុនា ឆ្នាំ២០១២។

ពិធីនេះ បានប្រារឰទៅដោយរលូន ហើយគ្មានអ្នកណា ម្នាក់ទ្រាំមិនស្ងើចសរសើរចំពោះអាពាហ៍ពិពាហ៍របស់តារាពីរដួងនេះទេ នឹងអាចនិយាយបានទៀតថា ជាប្រវត្ដិសាស្ដ្រនៃមង្គលការរបស់តារាសិល្បៈខ្មែរ។ ទោះជាធ្លាប់មានពិធីមង្គលការរបស់អ្នកសិល្បៈមុនៗ ក៏មិនអាចប្រៀបផ្ទឹមបានដែរ។

ក្បួនហែរជំនូនដ៏សម្បូរហូរហៀរ បស់តារាមានវាសនាខ្ពស់ពីរដួង បានរំលេចចេញនូវភាពអឹកអធឹក ដោយសារតែអ្នកហែរជំនូនជាង១០០គូរ មានស្លៀកពាក់យ៉ាងមានរបៀបរៀបរយមានអ្នកខ្លះចង ក្បិន អ្នកខ្លះទៀតពាក់តឺនុយអាវធំ និងមួយចំនួនទៀតសុទ្ធតែអ្នកធំ។ យើងគិតពីច្រកចូលរហូតដល់រោងជ័យឃើញមានកម្លាំងការពារ ដែលមិនខុសពីអាពាហ៍ពិពាហ៍របស់កូនមន្ដ្រីធំនោះឡើយ។

ពិធីកាត់សក់បង្កក់សិរីបានមកដល់កូនកំលោះអ៊ុក ណារីម និងកូនក្រមុំឆោម ឆពុំ ប្រកបដោយទឹកមុខអររំភើបរីករាយឥតឧបមា។

លោកជំទាវគតិព្រឹទ្ធបណ្ឌិត ប៊ុន រ៉ានី ហ៊ុន សែន ក៏បានចូលរួមកាត់សក់ដល់កូនកំលោះ កូនក្រមុំ និងជូនពរឱ្យស្រឡាញ់គ្នាដល់ចាស់កោងខ្នង នឹងដើម្បីជាការលើក មុខមាត់ដល់គូរភរិយាថ្មីលោកជំទាវបានជូនគ្រឿងពេជ្រមួយឈុតមានតម្លៃ រាប់ម៉ឺនដុល្លារ ហើយត្រូវគេបានដឹងថា តារាចម្រៀងពីរដួងនេះត្រូវជាកូនធម៌ របស់សម្ដេចនិងលោកជំទាវមានរយៈពេល៦ឆ្នាំ មកហើយ។

គួររំលឹកថា សម្ដេចហ៊ុន សែន និងលោកជំទាវ បានផ្សំផ្គុំឱ្យពួកគេទាំងពីរមានពិធីមង្គលការនេះ ឡើងតាមបំណងប្រាថ្នា ហើយបានឱ្យលោកឧត្ដមសេនីយ ហ៊ីង ប៊ុនហៀង និងលោកស្រីធ្វើជាមេបាខាងស្រី។ នាងឆោម ឆពុំ មានឈ្មោះពិតគឺឆោម សុជាតា កើតថ្ងៃទី៩ខែធ្នូឆ្នាំ១៩៨២ នៅឃុំកូប ស្រុកសេរីសោភ័ណ ខេត្ដបាត់ដំបង។ ចំពោះលោកអ៊ុក ណារីម កើតថ្ងៃទី៣ខែកក្កដា ឆ្នាំ១៩៨១ នៅក្រុងភ្នំពេញ៕

អ៊ីគីន ចេង និយាយថាហុងកុងកកកុញខ្លាំងណាស់ មិនល្អសម្រាប់ការចិញ្ចឹមកូននោះទេ

បណ្តាញព័ត៌មានហុងកុងបានរាយការណ៍ថា តារាភាពយន្ត និង តារាចម្រៀងហុងកុង លោក អ៊ីគីន ចេង បានបង្ហើបប្រាប់ក្នុងកិច្ចសម្ភាសន៍មួយនាពេលថ្មីៗថា លោកមិនចង់បានកូននោះទេ បន្ទាប់ពីរៀបការជាមួយមិត្តស្រីដែលជាតារាភាពយន្តស្រី នាង យ៉ូ យ៉ូ មុង ។

លោកបានអះអាងថាហុងកុងមិនសក្តិសមនឹង ការចិញ្ចឹមបីបាច់កូននោះទេ ។ លោកចេងដែលធ្លាប់ប្រាប់ថាកូនមិនមែនជារឿងចាំបាច់សម្រាប់ខ្លួន នោះបាននិយាយថា "ប្រសិនបើមានជនចំណាកស្រុកច្រើនថែមទៀតមកកាន់ហុងកុង នោះវានឹងកាន់តែកកកុញ រួចហើយផ្ទុះតែម្តង ។ វាមិនសក្តិសមសម្រាប់ការចិញ្ចឹមបីបាច់កូននោះទេ ។ ខ្ញុំច្បាស់ណាស់នឹងមិនយកកូននោះទេ ។ កូនៗនៅហុងកុងភាគច្រើនមិនសប្បាយរីករាយនោះទេ ។ ការរកបានដៃគូដែលចុះសម្រុងជាមួយអ្នកគឺជារឿងដ៏គួរឲ្យរីករាយណាស់ រួចទៅហើយ ។ ចិញ្ចឹមសត្វពីរបីនៅផ្ទះគឺប្រសើរជាង" ។

នៅពេលសួរថាតើគាត់បានពិភាក្សាជាមួយនាងមុងអំពីការគិតចង់មានកូន ហើយឬនៅ លោកចេងបាននិយាយថា នាងមុងក៏មានអារម្មណ៍មិនទាន់ចង់មានកូនដែរ ។ តារាវ័យ ៤៤ ឆ្នាំរូបនេះនិយាយថា "នាងមានអារម្មណ៍ថាយើងមានមិត្តភក្តិច្រើននៅជុំវិញខ្លួនយើង និង អាចលេងជាមួយកូនៗរបស់អ្នកដទៃបាន ។ យើងទាំងពីរមានអារម្មណ៍ថាមានកូនគឺមានសម្ពាធខ្លាំងណាស់" ។

បើទោះបីជាលោកចេងបានប្រកាសទំនាក់ទំនងស្នេហារបស់លោកជាមួយនាងមុងជា សាធារណៈអស់ពេលជាយូរមកហើយ ក៏តារាចម្រៀងរូបនេះមិនទាន់បានបញ្ជាក់ថានៅពេលណាទើបលោកពាក់ចិញ្ចៀនលើ ម្រាមដៃរបស់នាងនោះទេ ដោយលោកគ្រាន់តែនិយាយថា "លោកប្រាកដជារៀបការមុនទីបញ្ចប់នៃពិភពលោក" ៕

១០ប្រទេស មានអត្រាអ្នកគ្មានការងារធ្វើ ខ្ពស់បំផុត ក្នុងពិភពលោក

យោងទៅលើទិន្នន័យឆ្នាំ ២០១១ របស់អង្គការពលកម្មអន្ដរជាតិ (ILO) ទំព័រ CNBC បានបញ្ចេញ
របាយការណ៍មួយដែលនិយាយអំពីប្រទេសមួយចំនួនដែលមានអត្រាអ្នកគ្មានការងារធ្វើខ្ពស់បំផុត
ក្នុងចំណោមប្រទេសមានសេដ្ឋកិច្ចធំៗទាំង ៥០ក្នុងពិភពលោក។ ខាងក្រោមនេះគឺជាប្រទេសចំនួន
១០ ដែលមានអត្រាអ្នកគ្មានការងារធ្វើ ខ្ពស់ជាងគេ។

១.អាហ្វ្រិកខាងត្បូង

អត្រាគ្មានការងារធ្វើឆ្នាំ ២០១១ ៖ ២៤,៧%

កំណើន GDP ឆ្នាំ ២០១១ ៖ ៣,១%

ចាប់តាំងពីឆ្នាំ ១៩៩៧ អត្រានៃភាពគ្មានការងារធ្វើនៅប្រទេសអាហ្វ្រិកខាងត្បូង ដែលមានសេដ្ឋកិច្ច
ធំបំផុតនៅទ្វីបអាហ្វ្រិកនេះ តែងស្ថិតនៅលើ ២០%។ មូលហេតុដែលនាំអោយមានបញ្ហានេះ គឺ
ដោយសារការរើសអើងពូជសាសន៍ នេះបើតាម លោក Sparreboom អ្នកជំនាញការជាន់ខ្ពស់ផ្នែក
សេដ្ឋកិច្ចរបស់ ILO ។

ក្នុងត្រីមាសទីមួយនៃឆ្នាំ ២០១២នេះ អត្រាគ្មានការងារធ្វើរបស់អាហ្រ្វិកខាងត្បូងបានកើនឡើងដល់
២៥,២%។

២.អេស្បាញ

អត្រាគ្មានការងារធ្វើឆ្នាំ ២០១១ ៖ ២១,៦%

កំណើន GDP ឆ្នាំ ២០១១ ៖ ០,៧%

អេស្បាញ គឺជាប្រទេសដែលមានសេដ្ឋកិច្ចធំទីបួនក្នុងតំបន់ប្រើប្រាស់ប្រាក់រួមនៅអ៊ឺរ៉ុប និងជា
ប្រទេសដែលមានអត្រាគ្មានការងារធ្វើខ្ពស់បំផុតនៅទីនេះ។

នៅក្នុងត្រីមាសទីមួយ ឆ្នាំ ២០១២នេះ អត្រាគ្មានការងារធ្វើរបស់ប្រទេសអេស្បាញបានកើតដល់ ២១,៣% គឺខ្ពស់ជាងពីរដង ធៀបទៅនឹងមធ្យមភាគនៅអ៊ឺរ៉ុប។ មនុស្សប្រមាណជា ៤,៩លាននាក់
ក្នុងចំណោមពលករ ៤៥លាននាក់ បានបាត់បង់ ឬគ្មានការងារធ្វើ បណ្ដាលអោយអត្រាគ្មានការងារ
ធ្វើ កើនឡើងខ្ពស់បំផុតក្នុងអំឡុង ១៤ឆ្នាំមកនេះ។

៣.ប្រទេសក្រិក

អត្រាគ្មានការងារធ្វើឆ្នាំ ២០១១ ៖ ១៧,៧%

កំណើន GDP ឆ្នាំ ២០១១ ៖ -៦,៩%

វិបត្តិសេដ្ឋកិច្ចបានធ្វើអោយអត្រាគ្មានការងារធ្វើនៅប្រទេសក្រិកកើនឡើងដល់ ២១,៧% ក្នុងខែកុម្ភៈ
កន្លងទៅ។ ប្រជាជន ៥៤% ក្នុងវ័យ ១៥ ដល់ ២៥ឆ្នាំ គ្មានការងារធ្វើ។ សរុប អ្នកគ្មានការងារធ្វើបាន
ឡើងដល់ ១,‌១លាននាក់ កើន ៤២% ធៀបនឹងខែកុម្ភៈឆ្នាំទៅ។
៤.អៀរឡង់

អត្រាគ្មានការងារធ្វើឆ្នាំ ២០១១ ៖ ១៤,៤%

កំណើន GDP ឆ្នាំ ២០១១ ៖ ០,៧%

ក្នុងខែឧសភា ឆ្នាំ ២០១២ អត្រាគ្មានការងារធ្វើនៅអៀរឡង់ គឺ ១៤,៧% កើនឡើងច្រើន ធៀបទៅ
នឹង ៤,៥% ក្នុងឆ្នាំ ២០០៧។

ក្រុមហ៊ុនជាច្រើនបានកាត់រំសាយបុគ្គលិក ក្នុងនោះមានធនាគារកណ្ដាល ដែលបានរំសាយបុគ្គលិក
ជាង ១,០០០នាក់។ គិតមកដល់ចុងឆ្នាំ ២០១១ ធនាគារនេះ បានកាត់បន្ថយបុគ្គលិកពី ១៦,០០០
នាក់ មកនៅត្រឹមតែ ១៣,០០០ពាន់នាក់ ថយចុះ។

៥.ព័រទុយហ្គាល់

អត្រាគ្មានការងារធ្វើឆ្នាំ ២០១១ ៖ ១២,៧%

កំណើន GDP ឆ្នាំ ២០១១ ៖ -១,៥%

ឆ្នាំ ២០១១ អត្រាអ្នកគ្មានការងារធ្វើរបស់ ព័រទុយហ្គាល់ គឺ ១២,៧%។ ប៉ុន្ដែ វាបានកើនឡើងដល់
១៤,៩% ក្នុងត្រីមាសទីមួយ ឆ្នាំ ២០១២ នៅពេលប្រទេសនេះជួបវិបត្តិសេដ្ឋកិច្ចដ៏អាក្រក់បំផុត ចាប់
តាំងពី ឆ្នាំ ១៩៧០។

ប៉ុន្ដែ វិធានការរបស់រដ្ឋាភិបាល ព័រទុយហ្គាល់ ដែលប្រតិបត្តិតាមលក្ខណនៃកញ្ចប់ជំនួយ ១១៦ពាន់
លានដុល្លារ ពី EU និង IMF បានធ្វើអោយទីផ្សារការងារបានល្អប្រសើរជាងមុនបន្ដិច។

៦.អ៊ីរ៉ាក់

អត្រាគ្មានការងារធ្វើឆ្នាំ ២០១១ ៖ ១១,៥%

កំណើន GDP ឆ្នាំ ២០១១ ៖ N/A

៧.កូឡុំប៊ី

អត្រាគ្មានការងារធ្វើឆ្នាំ ២០១១ ៖ ១០,៨%

កំណើន GDP ឆ្នាំ ២០១១ ៖ ៥,៩%

៨.ទួរគី

អត្រាគ្មានការងារធ្វើឆ្នាំ ២០១១ ៖ ៩,៨%

កំណើន GDP ឆ្នាំ ២០១១ ៖ ៨,៥%

៩.ហូឡង់

អត្រាគ្មានការងារធ្វើឆ្នាំ ២០១១ ៖ ៩,៦%

កំណើន GDP ឆ្នាំ ២០១១ ៖ ៤,៣%

១០.បារាំង

អត្រាគ្មានការងារធ្វើឆ្នាំ ២០១១ ៖ ៩,៣%

កំណើន GDP ឆ្នាំ ២០១១ ៖ ១,៧%

អ្នកភូមិបឹងកក់១៣នាក់ត្រូវបានដោះលែង

ក្រុមអ្នកភូមិបឹងកក់ និងមន្ត្រីអង្គការសង្គមស៊ីវិល ដែលបានចូលរួមនៅក្នុងអង្គសវនាការសាលាឧទ្ធរណ៍ បានស្រែកដោយក្តីរំភើបរីករាយព្រមៗគ្នា ខណៈពេលដែលប្រធានចៅក្រមជំនុំជម្រះសាលាឧទ្ធរណ៍បានសម្រេចដោះលែង អ្នកភូមិបឹងកក់ចំនួន១៣នាក់ឲ្យមានសេរីភាពឡើងវិញ។
លោក សេង ស៊ីវុត្ថា ប្រធានចៅក្រមជំនុំជម្រះនៃសាលាឧទ្ធរណ៍បានសម្រេចតម្កល់សាលដីកានៃ សាលាដំបូងចំពោះករណីអ្នកភូមិបឹងកក់ចំនួន១៣នាក់។ ក៏ប៉ុន្តែលោកបានសម្រេចបន្ធូរបន្ថយទោសអ្នកភូមិបឹងកក់ទាំង១៣នាក់ ពីការជាប់ពន្ធនាគាររយៈពេលពីរឆ្នាំ និងប្រាំមួយខែមកនៅត្រឹមមួយខែ បីថ្ងៃវិញ។ លោកបានមានប្រសាសន៍ទៀតថា ដោយផ្អែកលើអាយុកាលនៃការចាប់ឃុំខ្លួន រយៈពេលមួយខែ នឹងបីថ្ងៃ ជនជាប់ចោទទាំង ១៣នាក់ ត្រូវបានតុលាការសម្រេចដោះលែងឲ្យមានសេរីភាពឡើងវិញ ចាប់ពីថ្ងៃប្រកាសសាលក្រមនេះតទៅ។
អ្នកភូមិបឹងកក់ទាំង ១៣នាក់ នៅក្នុងសម្លៀកបំពាក់ជាអ្នកទោសបានអង្គុយព្រមៗគ្នា ក្រាបសំពះប្រធានចៅក្រមជំនុំជម្រះ និងបាននិយាយថាសាលាឧទ្ធរណ៍ពិតជាបានផ្តល់យុត្តិធម៌ដល់ពួកគេ ដើម្បីឲ្យទៅជួបជុំប្រពន្ធកូនឡើងវិញ។
«ខ្ញុំអរមែនទែន។ វាធ្វើឲ្យមានយុត្តិធម៌សម្រាប់ពួកខ្ញុំ។ ចាប់ពីថ្ងៃនេះ ខ្ញុំបានទៅជួបកូនខ្ញុំវិញហើយ»។
អ្នកស្រី ទេព វន្នី តំណាងប្រជាពលរដ្ឋតំបន់បឹងកក់បានថ្លែងប្រាប់វីអូអេសំឡេងសហរដ្ឋ អាមេរិក ក្រោយពេលដែលអ្នកស្រី និងអ្នកភូមិបឹងកក់ចំនួន ១៣នាក់ផ្សេងទៀត ត្រូវបានសាលាឧទ្ធរណ៍សម្រេចដោះលែងជាផ្លូវការ។
អ្នកស្រីមានប្រសាសន៍ដោយក្តីរំភើបរីករាយ លាយឡំជាមួយនឹងទឹកភ្នែក ដែលហូរនៅជាប់ថ្ពល់ថា សេចក្តីសម្រេចនេះ ពិតជាត្រឹមត្រូវ។
«ខ្ញុំចង់បញ្ជាក់ថា សាលាឧទ្ធរណ៍គាត់កាត់ក្តីនេះ បង្ហាញពីភាពស្អាតស្អំដល់ពួកខ្ញុំពិតប្រាកដតែម្តង»។
អ្នកស្រី ពុង ឈាវហ្គិច ប្រធានអង្គការសិទ្ធិមនុស្សលីកាដូ បានស្វាគមន៍ចំពោះសាលាឧទ្ធរណ៍ដែលបានសម្រេចដោះលែងអ្នកភូមិបឹងកក់ ចំនួន ១៣នាក់។
«ខ្ញុំមានការរីករាយ សូមអរគុណតុលាការ។ នេះគឺជាសេចក្តីសម្រេចមួយគួរឲ្យទទួលយកបាន ខ្ញុំពេញចិត្ត។ ក៏ប៉ុន្តែខ្ញុំសោកស្តាយមួយទៀត ដែលសប្បាយចិត្តអ្នកទាំងអស់គ្នា នឹងរួចខ្លួនថ្ងៃហ្នឹង។ ក៏ប៉ុន្តែខ្ញុំមានការឆ្ងល់មួយថា អ្នកទាំងអស់គ្នា ឥតបានប្រព្រឹត្តបទល្មើសហ្នឹងសោះ»។
តុលាការក្រុងភ្នំពេញកាលពីថ្ងៃទី២៤ ខែឧសភា កន្លងទៅនេះ បានកាត់ទោសអ្នកភូមិបឹងកក់ចំនួន ១៣នាក់ ឲ្យជាប់ពន្ធនាគារក្នុងម្នាក់ៗ រយៈពេលពីរឆ្នាំ និងប្រាំមួយខែពីបទជេរប្រមាថ និងប្រឆាំងនឹងអ្នករាជការសាធារណៈ។
អាជ្ញាធរដ្ឋាភិបាលកម្ពុជាកាលពីថ្ងៃទី២២ ខែឧសភាកន្លងទៅនេះ បានចាប់ខ្លួនប្រជាពលរដ្ឋតំបន់បឹងកក់ចំនួន ១៥នាក់ ដាក់ពន្ធនាគារដោយសារតែពួកគេបានចូលរួមជាមួយនឹងប្រជាពលរដ្ឋចំនួន ១៨គ្រួសារផ្សេងទៀតនៅភូមិមួយ ដើម្បីប៉ុនប៉ងសាងសង់ផ្ទះនៅលើដីដែលបានបូមពន្លិច។
ថ្លែងប្រាប់នៅក្នុងអង្គសវនាការ អ្នកភូមិបឹងកក់ទាំង ១៣នាក់ បានប្រាប់តុលាការដូចៗគ្នាថា ពួកគេពិតជាបានចូលរួមនៅក្នុងព្រឹត្តិការណ៍នោះមែន។ ក៏ប៉ុន្តែមិនបានប្រឆាំង និងជេរប្រមាថសមត្ថកិច្ចទេ។ ពួកគេទាំងនោះ បាននិយាយថាឧបករណ៍សាងសង់ផ្ទះ ដូចជាកាំបិទ ញញួរ រណា និងដំបង មិនមែនជារបស់ពួកគេទេ។ ហើយក្នុងពេលហេតុការណ៍នោះ មានមនុស្សមួយក្រុម ដែលជាមិនមែនអ្នកភូមិបឹងកក់ បានកាន់ញញួរ ដំបង និងពូថៅ ដើម្បីមកបង្កហេតុក្នុងគោលបំណង មកលើអ្នកភូមិបឹងកក់។
ក្នុងខណៈពេលដែលសាលាឧទ្ធរណ៍កំពុងបើកសវនាការ ក្រុមអ្នកភូមិបឹងកក់ប្រមាណជាង ២០០នាក់ ដោយមានការចូលរួមពីកុមារ ត្រូវបានកម្លាំងសមត្ថកិច្ច ប្រដាប់ដោយអាវុធ ខែល និងដំបងឆក់ ជាច្រើនរាប់រយនាក់ បានរាំងខ្ទប់ មិនឲ្យមកតវ៉ានៅក្នុងបរិវេណរបស់តុលាការ។
ក្នុងការប៉ះទង្គិចជាមួយនឹងកម្លាំងសមត្ថកិច្ច យ៉ាងតិចមានមនុស្សប្រមាណបួននាក់ បានទទួលរងរបួសស្រាល នឹងមានស្ត្រីដែលមានផ្ទៃពោះចំនួនពីរខែ បានរលូតកូនចេញពីផ្ទៃ ដោយសារតែសមត្ថកិច្ចបានវាយចំពោះ៕

១២សន្លឹក បង្ហាញទុក្ខសោក និងសមិទ្ធផលពិភពលោក

រូបថត ១២ សន្លឹកនេះ បានរៀបរាប់ពីទុក្ខវិបត្តិ ក្ដីសោកសង្រេង ការរើសអើង សង្គ្រាម និងសមិទ្ធផលនានា ជុំវិញពិភពលោក ខណៈរូបភាពជាច្រើនបានបំផុសឲ្យមានការផ្លាស់ប្ដូរជាវិជ្ជមាន។

១. ១៧ ធ្នូ ១៩០៣៖ បងប្អូនត្រកូល Wright ចាប់ផ្ដើមការហោះហើរដំបូងរបស់ពួកគេ។ Wilbur កំពុងរត់តាមយន្តហោះ ខណៈ Orville កំពុងបញ្ជាយន្តហោះ។ គ្មាននរណាម្នាក់ជឿចំពោះសមិទ្ធផលរបស់ពួកគេទេ ប្រសិនបើមិនបានឃើញរូបថតនេះ។

២. ៧ សីហា ១៩៣០៖ លោក Lawrence Beitler បានចាប់ខ្លួន និងព្យួរកបុរសស្បែកខ្មៅពីរនាក់គឺ Thomas Shipp និង Abram Smith ដោយចោទប្រកាន់ថា បានរំលោភស្ត្រីស្បែកសម្នាក់។ រូបថតនេះ ក្រោយមកត្រូវបានចែកចាយរាប់ពាន់សន្លឹក និងក្លាយជាកាតប៉ូស្ដាល់ បង្ហាញពីឧត្តមភាពរបស់ជនស្បែកសលើជនស្បែកខ្មៅ។

៣. ៩ សីហា ១៩៤៥៖ យន្តហោះប្រយុទ្ធរបស់អាមេរិកមួយ បានថតរួបផ្សែងខ្មួលពីការបំផ្ទុះគ្រាប់បែកបរមាណូរបស់ខ្លួន ឈ្មោះថា Fat Man នៅលើទីក្រុងណាហ្គាសាគី។ ក្រៅពីនេះ គ្រាប់បែកបរមាណូមួយគ្រាប់ទៀត បានទម្លាក់លើទីក្រុង ហ៊ីរ៉ូស៊ីម៉ា ដែលបានសម្លាប់ជីវិតប្រជាជនជប៉ុន ១៥០០០០នាក់។ បន្ទាប់ពីការបំផ្ទុះគ្រាប់បែកទាំងពីរគ្រាប់ហើយ ជប៉ុនបានចុះចាញ់សង្គ្រាមជាមួយនឹងអាមេរិក ដោយយល់ព្រមសងសំណងខូចខាតនានាដោយសង្គ្រាម។

៤. ២៣ កុម្ភៈ ១៩៤៥៖ កងម៉ារីនអាមេរិក ៦ នាក់ បានដោតទង់ជាតិរបស់ខ្លួនអំឡុងការប្រយុទ្ធក្នុងតំបន់ Iwo Jima ដែលក្រោយមកទាហានបីនាក់ក្នុងចំណោមពួកគេបានស្លាប់ក្នុងការ ប្រយុទ្ធ។ រូបថតនេះ តំណាងឲ្យការបញ្ចប់សង្គ្រាមលោកលើកទី ២ និងត្រូវបានចាត់ទុកថា ជារូបភាពដ៏គួរឲ្យចងចាំក្នុងទីក្រុង វ៉ាស៊ីនតោន ឌីស៊ី។

៥. ៤ កញ្ញា ១៩៥៧៖ រូបភាពស្ត្រីស្បែកខ្មៅ Elizabeth Eckford កំពុងត្រូវបានប្រមាថ ដោយនាង Hazel Massery និងសិស្សដទៃទៀត នៅពេលដែលនាងចូលទៅកាន់សាលាពួកស្បែកស។ វាបានចំណាយពេល ៤ ឆ្នាំ ទម្រាំតុលាការកំពូល ចាត់ទុកការបែងចែកពណ៌សម្បុរនេះថា ខុសច្បាប់។ រូបភាពនេះជាសក្ខីភាពមិនអាចប្រកែកបាន ខណៈដែលពួកស្បែកសមួយចំនួនចាត់ទុកថា សារព័ត៌មានចុះផ្សាយបំផ្លើស។

៦. ១ កុម្ភៈ ១៩៦៨៖ លោក Eddie Adams បានថតរូប Nguyen Ngoc Loan ផ្ដាច់ជីវិតមេកងវៀតកុង Nguyen Van Lem ដែលរូបថតនេះ បានជំរុញឲ្យសាធារណជនងើបឡើងប្រឆាំងនឹងសង្គ្រាម។

៧. ១៩៦៩៖ អវកាសយានិកអាមេរិកលោក Neil Armstrong ថតរូបសហការីរបស់ខ្លួនគឺលោក Buzz Aldrin នៅពេលឡើងទៅកាន់ភពព្រះចន្ទលើកដំបូងរបស់មនុស្សជាតិ។

៨. ១៩៨៤៖ លោក Steve McCurry បានថតរូបក្មេងស្រីវ័យ ១២ ឆ្នាំ ជនជាតិអាហ្វហ្គានីស្ថានម្នាក់ ដែលនាងបានក្លាយជា Cover លើទំព័រ National Geographic រហូតមក គឺតំណាងឲ្យជនភៀសខ្លួន។

៩. ៥ មិថុនា ១៩៨៩៖ លោក Jeff Widener បានផ្ដិតយករូប ”បុរសដែលហ៊ានស្លាប់មុខរថក្រោះ” “Tank Man” ដែលជាអ្នកតវ៉ាប្រឆាំងម្នាក់នៅ Tiananmen Square ទីក្រុងប៉េកាំង។ រូបភាពនេះជាសញ្ញានៃការបញ្ចប់សង្គ្រាមត្រជាក់ និងស៊ីវិល។

១០. ១៩៩៤៖ លោក Kevin Carter បានថតរូបភាពកុមារស៊ូដង់ម្នាក់ វាទៅកាន់ជំរំស្បៀងរបស់អ.ស.ប ដែលមានចម្ងាយកន្លះម៉ាយ (៨០០ ម៉ែត្រ)។ រូបភាពនេះ បានធ្វើឲ្យលោកឈ្នះពានរង្វាន់ Pulitzer។ ដោយក្ដីសង្វេគ អ្នកថតរូបរូបនេះបានធ្វើអត្តឃាតរយៈពេល ៣ ខែក្រោយមក។ រូបភាពនេះ បាននាំសោកនាដកម្មក្នុងប្រទេសស៊ូដង់ទៅកាន់ពិភពលោក។

១១. ១១ កញ្ញា ២០០១៖ លោក Richard Drew បានថតរូបបុរសម្នាក់លោតចុះពីអគារពាណិជ្ជកម្មពិភពលោកដើម្បីគេច ចេញពីភេរវកម្ម ដែលបង្កដោយក្រុមអាល់កៃដា។ ថ្ងៃនោះ បានក្លាយជាថ្ងៃសោកនាដកម្មដ៏សោកសង្រេងបំផុតក្នុងប្រវត្តិសាស្ត្រ អាមេរិក និងជាការចាប់ផ្ដើមសង្គ្រាមប្រឆាំងក្រុមភេរវជនដែលប្រកាសឡើង ជុំវិញពិភពលោក។

១២. ២០០៤៖ រូបថតដ៏គួរឲ្យរន្ធត់ ពីការធ្វើទារុណកម្មដ៏ព្រៃផ្សៃពីសំណាក់ទាហានអាមេរិកទៅលើអ្នក ទោសអ៊ីរ៉ាក់ត្រូវបានលាតត្រដាង។ បន្ទាប់ពីនោះ ទាហានអាមេរិក ១៧ នាក់ត្រូវបានដកចេញពីតំណែង និង១១ នាក់ផ្សេងទៀតត្រូវចោទប្រកាន់ និងដាក់ទោស។ រូបនេះ បង្ហាញថា ទាហានអាមេរិកព្រៃផ្សៃមិនខុសពីក្រុមភេរវជនដែលខ្លួនតាមសម្លាប់ នោះទេ។

យោធាកម្ពុជានិងថៃចុះហត្ថលេខាលើកិច្ចព្រមព្រៀងទ្វេភាគី៨ចំណុច

កិច្ចប្រជុំលើកទី២ នៃក្រុមការងាររួម កម្ពុជា និងថៃ បានឈានដល់ទីបញ្ចប់ហើយ នៅថ្ងៃទី២៨ ខែមិថុនា ឆ្នាំ២០១២ នៅឯវិមានសន្តិភាព នៅទីក្រុងភ្នំពេញ ក្រោយពីបានបើកកិច្ចប្រជុំនេះ រយៈពេលបីថ្ងៃកន្លងមក។

កិច្ចប្រជុំក្រុមការងាររួម កម្ពុជា និងថៃ បញ្ចប់កាលពីថ្ងៃទី២៨ ខែមិថុនា ឆ្នាំ២០១២ នាឯវិមានសន្តិភាព រាជធានីភ្នំពេញ។

កិច្ចប្រជុំនេះ បានប្រព្រឹត្តិទៅក្នុងស្ថានការណ៍នៃការចរចាគ្នាយ៉ាងស្វិតស្វាញ និងម៉ឺងម៉ាត់ រវាងភាគីមន្ត្រីយោធាកម្ពុជា និងយោធាថៃ។ ជារួម ភាគីទាំងពីរបានបោះជំហានមួយថ្មីទៀត ឈានទៅរកការដកកងទ័ព និងដោះគ្រាប់មីននៅក្បែរប្រាសាទព្រះវិហារ។
ក្រុមការងាររួមខាងភាគីយោធា កម្ពុជា និងយោធាភាគីថៃ នៅថ្ងៃទី២៨ ខែមិថុនា ឆ្នាំ២០១២ បានចុះហត្ថលេខាលើកិច្ចព្រមព្រៀងទ្វេភាគី ចំនួន៨ចំណុច ដើម្បីអនុវត្តតាមដីកាបង្គាប់ជាបន្ទាន់ របស់តុលាការយុត្តិធម៌អន្តរជាតិ ចុះថ្ងៃទី១៨ ខែកក្កដា ឆ្នាំ២០១១ កន្លងទៅនេះ ដែលបានបង្គាប់ឲ្យយោធាកម្ពុជា និងយោធាថៃ ដកកងទ័ពចេញពីតំបន់គ្មានកងទ័ពបណ្ដោះអាសន្ន ទំហំជាង១៧គីឡូម៉ែត្រក្រឡា នៅក្បែរប្រាសាទព្រះវិហារ។
ចំណុចសំខាន់ៗនៅក្នុងចំណោមកិច្ចព្រមព្រៀងនោះ មានដូចជា ភាគីកម្ពុជា និងភាគីថៃ បានយល់ព្រមប្រគល់ភារកិច្ចឲ្យមជ្ឈមណ្ឌលកំចាត់មីនកម្ពុជា (CMAC) និងមជ្ឈមណ្ឌលកំចាត់មីនរបស់ថៃ (TMAC) បើកការពិភាក្សានៅសប្ដាហ៍ទី៣ នៃខែកក្កដា ឆ្នាំ២០១២ ខាងមុខនេះ នៅទីក្រុងបាងកក (Bangkok) ប្រទេសថៃ (Thailand) ផ្ដោតលើផែនការដោះមីនរួមគ្នា។
ការដោះគ្រាប់មីននោះ គឺដើម្បីផ្តល់សុវត្ថិភាពឲ្យក្រុមអ្នកសង្កេតការណ៍រួម និងសម្រួលដល់ការកែសម្រួលកងទ័ព ឬដកកងទ័ព នៃប្រទេសទាំងពីរ នាពេលខាងមុខ។
ចំពោះការដកកងទ័ព នៃប្រទេសទាំងពីរនោះ ក្រុមការងាររួមកម្ពុជា និងថៃ នឹងបន្តពិភាក្សាលើផែនការសមរម្យមួយ នៃការដកកងទ័ព។ ការដកកងទ័ពនឹងធ្វើឡើងនៅក្នុងអំឡុងពេល ៣០ថ្ងៃ ក្រោយពីមានការឯកភាពរបស់ក្រុមអ្នកជំនាញដោះមីន នៃប្រទេសទាំងពីរ នៅតំបន់ដែលមានការកែសម្រួលកងទ័ពបណ្ដោះអាសន្ននោះ។ ការដកកងទ័ព និងធ្វើឡើងក្រោមការត្រួតពិនិត្យ ដោយក្រុមអ្នកសង្កេតការណ៍រួម មកពីប្រទេសកម្ពុជា ថៃ និងឥណ្ឌូណេស៊ី (Indonesia)។
រដ្ឋលេខាធិការ នៃក្រសួងការពារជាតិកម្ពុជា លោកនាយឧត្តមសេនីយ៍ នាង ផាត និងជាសហប្រធាននៃក្រុមការងាររួម កម្ពុជា និងថៃ បានមានប្រសាសន៍ក្រោយពីការចុះហត្ថលេខារួមគ្នាថា ភាគីកម្ពុជា និងថៃ សប្បាយចិត្តនឹងលទ្ធផលនេះ។
លោកនាយឧត្តមសេនីយ៍ នាង ផាត៖ «សម្រាប់ភាគីថៃ លទ្ធផលនៃកិច្ចប្រជុំក្រុមការងាររួម កម្ពុជា ថៃ នឹងត្រូវរាយការណ៍ជូនគណៈកម្មការព្រំដែនទូទៅ ដើម្បីចាត់វិធានការតាមនីតិវិធីរបស់ខ្លួន។ សម្រាប់ភាគីកម្ពុជា លទ្ធផលនៃកិច្ចប្រជុំនេះ នឹងរាយការណ៍ជូនគណៈកម្មការព្រំដែនទូទៅ ជី.ប៊ី.ស៊ី (GBC) ដើម្បីចាត់ការ និងរាយការណ៍បន្តទៅក្រសួងការបរទេស និងសហប្រតិបត្តិការ»។
ជាមួយគ្នានេះដែរ លោកនាយឧត្តមសេនីយ៍ វូរ៉ាពង្ស សងហ្គានេត្រា (Worapong Sanganetra) ជាអគ្គមេបញ្ជាការកងទ័ពថៃ និងជាសហប្រធាន នៃក្រុមការងាររួម កម្ពុជា និងថៃ បានមានប្រសាសន៍ជាភាសាថៃ ហើយត្រូវបានប្រែសម្រួលជាភាសាខ្មែរថា កិច្ចប្រជុំនេះ អូសបន្លាយរយៈពេលយូរ ប៉ុន្តែយើងបានទទួលជោគជ័យ៖ «កិច្ចប្រជុំនេះ បានដំណើរការបានសម្រេចជោគជ័យមកដល់ថ្ងៃនេះ ហើយឆ្លៀតឱកាសនេះ ខ្ញុំក៏សូមថ្លែងអំណរគុណសាជាថ្មីម្តងទៀត ចំពោះឯកឧត្តម ព្រមទាំងក្រុមការងារ នៅក្នុងនោះ ក៏សូមថ្លែងអំណរគុណដែរ ចំពោះក្រុមការងារខាងភាគីថៃ»។
កិច្ចប្រជុំក្រុមការងាររួមលើកទី១ រវាងយោធាកម្ពុជា និងថៃ បានធ្វើរួចម្តងហើយ កាលពីខែមេសា ឆ្នាំ២០១២ កន្លងទៅនេះ នៅទីក្រុងបាងកក ប្រទេសថៃ គឺបានឯកភាពលើ ៨ចំណុចដែរ ប៉ុន្តែភាគីទាំងពីរមិនបានចុះហត្ថលេខាលើឯកសារនោះទេ។
កិច្ចប្រជុំក្រុមការងាររួមដដែលនេះ គេគ្រោងធ្វើឡើងលើកទី៣ នៅទីក្រុងបាងកក ប្រទេសថៃ នាពេលខាងមុខ ប៉ុន្តែពេលវេលាគេនឹងកំណត់ជាក្រោយ៕

ក្រសួងសេដ្ឋកិច្ច៖ក្រុមហ៊ុនផ្ទះល្វែងចំនួន១៧គ្មានអាជ្ញាប័ណ្ណប្រកបអាជីវកម្ម

ក្រុមការងារអន្តរក្រសួង ដើម្បីគ្រប់គ្រងអាជីវកម្មអភិវឌ្ឍន៍អចលនវត្ថុ នៃក្រសួងសេដ្ឋកិច្ច និងហិរញ្ញវត្ថុ រំលឹកប្រជាពលរដ្ឋឲ្យបានជ្រាបថា សព្វថ្ងៃនេះមានក្រុមហ៊ុនផ្ទះល្វែង ឬបុរីចំនួន១៧ សាងសង់គ្មានអាជ្ញាប័ណ្ណពីស្ថាប័នជំនាញទេ។

សេចក្តីជូនដំណឹង ចុះថ្ងៃទី២៥ ខែមិថុនា ឆ្នាំ២០១២ របស់ក្រសួងសេដ្ឋកិច្ចបានបង្ហាញឈ្មោះក្រុមហ៊ុនទាំង១៧ សង់គ្មានអាជ្ញាប័ណ្ណរួមមាន បុរី រុងរឿង Luxurious Apartment 240 បុរី អាកាសចរណ៍ សំណង់ផ្ទះល្វែង ម៉ៅ យឹម សំណង់ផ្ទះល្វែង តុល លន បុរី មនោរម្យ (ឫស្សីកែវ) បុរី សូនី បុរី កាំង ម៉េង Hawaii Apartment & Resort បុរី ពោធិចិនតុង បុរី ភូមិខ្ញុំ បុរីសែនមនោរម្យ បុរី ទំនើបឡូស៊ីផេង បុរី វាលស្បូវ បុរី New York City ក្រុមហ៊ុនផ្ទះល្វែង កូឡុន កម្ពុជា និងសំណង់ផ្ទះល្វែងរុក្ខជាតិបៃតង។
មន្ត្រីជំនាញឲ្យដឹងថា ក្រុមហ៊ុនទាំង១៧ នេះ កំពុងលក់លំនៅឋានរបស់ខ្លួន គ្មានអាជ្ញាប័ណ្ណប្រកបអាជីវកម្មអភិវឌ្ឍន៍អចលនវត្ថុ ពីក្រសួងសេដ្ឋកិច្ច ឲ្យស្របតាមប្រកាសចុះថ្ងៃទី១៥ ខែធ្នូ ឆ្នាំ២០០៩ ស្តីពីការគ្រប់គ្រងអាជីវកម្មអភិវឌ្ឍន៍អចលនវត្ថុនោះទេ។
ទោះក្រសួងសេដ្ឋកិច្ចបានបញ្ចេញឈ្មោះក្រុមហ៊ុន បុរី ឬផ្ទះល្វែងគ្មានច្បាប់ និងអំពាវនាវឲ្យពលរដ្ឋប្រយ័ត្នប្រយែងក្នុងការទិញផ្ទះក្តី ក៏ប៉ុន្តែត្រូវបានសមាជិកសភាបក្សប្រឆាំង និងមន្ត្រីសង្គមស៊ីវិលរិះគន់ធ្ងន់ធ្ងរទៅវិញ។
លោក យ៉ែម បុញ្ញប្ញទ្ធិ អគ្គលេខាធិការ និងជាសមាជិកសភាគណបក្ស សិទ្ធិមនុស្ស នៅថ្ងៃទី២៨ ខែមិថុនា ឆ្នាំ២០១២ លោកបានចាត់ទុកការគ្រប់គ្រង់របស់ក្រសួងពាក់ព័ន្ធទៅលើក្រុមហ៊ុន សំណង់ផ្ទះល្វែង ឬបុរី ថា មានភាពអន់ខ្សោយ និងមិនទទួលខុសត្រូវ។
លោកថា ក្រសួងជំនាញគួរជាអ្នកទទួលខុសត្រូវ ឬការពារសុវត្ថិភាពផ្នែកច្បាប់ជូនពលរដ្ឋ មិនមែនពលរដ្ឋរងគ្រោះជាអ្នកទទួលខុសត្រូវទេ ព្រោះរដ្ឋាភិបាល ឬក្រសួងជំនាញជាអ្នកអនុញ្ញាតិឲ្យក្រុមហ៊ុនផ្ទះល្វែង ឬបុរីសង់សំណង់គ្មានច្បាប់ ប៉ុន្តែគ្មានវិធានការទប់ស្កាត់ទៅវិញ។
លោក យ៉ែម បុញ្ញប្ញទ្ធិ៖ «ពេលសំណង់សង់ហើយ ប្រជាពលរដ្ឋទិញហើយ ទើបប្រកាសបែបនេះទៅវិញ។ ដូច្នេះ អ្នកដែលរងគ្រោះ គឺប្រជាពលរដ្ឋ ដោយសារលោកមិនបានដឹង ហើយផ្ទះអាចមានគ្រោះថ្នាក់ទៅថ្ងៃអនាគត ដោយសារគ្មានការធានារ៉ាប់រងច្បាស់លាស់ ខាតបង់ច្រើនណាស់។ ការប្រឈមមួយទៀត គឺការខាតបង់ថវិការបស់ប្រជាពលរដ្ឋនេះ ជារឿងមួយដ៏ធ្ងន់ធ្ងរបំផុត។ ខ្ញុំយល់ថា ការគ្រប់គ្រងបែបនេះមានផលវិបាកដល់សង្គមធ្ងន់ធ្ងរមែនទែន»។
មិនខុសគ្នាទេ សម្រាប់មន្ត្រីសង្គមស៊ីវិល ក៏បានរិះគន់របៀបគ្រប់គ្រងរបស់ថ្នាក់ដឹកនាំក្រសួងជំនាញ នៃរាជរដ្ឋាភិបាល ជុំវិញការអនុញ្ញាតិឲ្យសំណង់ផ្ទះល្វែង ឬបុរី សាងសង់គ្មានច្បាប់។
លោក សន ជ័យ ជាមន្ត្រីសម្របសម្រួលបណ្ដាញរួបរួម ដើម្បីគណនេយ្យភាពសង្គម ប្រចាំអាស៊ីបូព៌ា និងប៉ាស៊ីហ្វិក។ លោកថ្លែងថា ការអនុញ្ញាតិឲ្យក្រុមហ៊ុនផ្ទះល្វែង ឬបុរី រកស៊ីខុសច្បាប់ និងប្រាស់ប្រជាពលរដ្ឋស្ថាប័នជំនាញជាអ្នកទទួលខុសត្រូវ។
លោក សន ជ័យ៖ «យើងចង់ឲ្យរដ្ឋាភិបាលបំពេញតួនាទីឲ្យបានគ្រប់ ជ្រុងជ្រោយ។ ផ្ទះដែលបានទិញហើយ រដ្ឋាភិបាលត្រូវតែបំពេញភាពស្របច្បាប់របស់ខ្លួនឲ្យបានត្រឹម ត្រូវ។ ពិសេសក្រសួងរៀបចំដែនដី ឲ្យមានវិធានការជំរុញឲ្យក្រុមហ៊ុនតាមគ្រប់មធ្យោបាយ ដើម្បីឲ្យសំណង់ស្របច្បាប់ជូនពលរដ្ឋ។ បើមិនដូច្នេះទេ អ្នកដែលរងគ្រោះ គឺប្រជាពលរដ្ឋ ហើយអ្នកដែលកេងចំណេញពីផលប្រយោជន៍នៃការលក់អាគារ គឺក្រុមហ៊ុន ហើយអ្នកដែលត្រូវទទួលរងការស្តីបន្ទោស គឺរដ្ឋាភិបាលទៅវិញទេ»។
ទោះយ៉ាងណា ក្រសួងសេដ្ឋកិច្ច និងហិរញ្ញវត្ថុ បានដាស់ស្មារតីដល់សាធារណជន មិនគួរគប្បីទិញលំនៅឋានខុសច្បាប់ ក្នុងគម្រោងក្រុមហ៊ុនចំនួន១៧ ដែលក្រសួងបានជូនដំណឹងនេះទេ ដរាបណាម្ចាស់ក្រុមហ៊ុនមិនទាន់សង់រួច ឬគ្មានអាជ្ញាប័ណ្ណធ្វើអាជីវកម្មអភិវឌ្ឍន៍អចលនវត្ថុ ពីក្រសួងសេដ្ឋកិច្ច និងហិរញ្ញវត្ថុនោះ៕

ស្ត្រីកើតមហារីកស្បូនធ្ងន់ធ្ងរ នៅខេត្តព្រះសីហនុ ចេញពីមន្ទីរពេទ្យបង្អែកខេត្តវិញហើយ ដោយសារពេទ្យ គ្មានលទ្ធភាពសង្គ្រោះ

ព្រះសីហនុ: ស្ត្រីកើតមហារីកស្បូនធ្ងន់ធ្ងរ នៅខេត្តព្រះសីហនុ បានចាកចេញពីមន្ទីរពេទ្យបង្អែកខេត្ត ត្រឡប់ទៅលំនៅដ្ឋាន ទាំងក្តីអស់សង្ឃឹម រួមនឹងតំណក់ទឹកភ្នែក កាលពីវេលាម៉ោងប្រហែលជា ១០ និង ៣០ នាទី ព្រឹកថ្ងៃទី២៧ ខែមិថុនា ឆ្នាំ២០១២នេះ។ ការចាកចេញបែបនេះ ដោយសារតែការអស់សង្ឃឹម ក្នុងការជួយសង្គ្រោះរបស់គ្រូពេទ្យនៅមន្ទីពេទ្យបង្អែកខេត្ត ព្រះសីហនុ។

ស្ត្រីរងគ្រោះឈ្មោះ ឆាយ ឈុនលាង បានរៀបរាប់ប្រាប់គេហទំពរ័ CEN កាលពីព្រឹកថ្ងៃទី២៨ ខែមិថុនា ឆ្នាំ២០១២ ថា គាត់អស់សង្ឃឹមហើយពេលនេះ មិនអាចរស់រានមានជីវិតបន្តទៀតបានទេ ព្រោះអីទៅកន្លែងព្យាបាលទីណា ក៏តម្រូវឲ្យបង់លុយកាក់ដែរ។

កន្លងមកគាត់ធ្លាប់ទៅដល់ មន្ទីរពេទ្យរុស្ស៊ីម្តងរួចហើយ កាលពីឆ្នាំកន្លងមក ពេលនោះគេទារថ្លៃវះកាត់ ចំនួន ១.០០០ ដុល្លារអាមេរិច។ តែគាត់អត់មានលុយ គេដេញគាត់ចេញមកវិញ រហូតដល់សព្វថ្ងៃនេះ។

ស្ត្រី ឆាយ ឈុនលាង បាននិយាយទាំងក្តុតក្តួលបន្ថែមទៀតថា "នាងខ្ញុំ មិនបំភ្លេចគុណដ៏ធំធេងនេះបានទេ ប៉ុន្តែគ្រូពេទ្យនៅមន្ទីរពេទ្យ បង្អែកខេត្តគេប្រាប់ខ្ញុំថា ពុំមានលទ្ធភាពសង្គ្រោះទេ ដូចនេះមានតែបង្ខំចិត្តវិលមកផ្ទះវិញ ដើម្បីជួបមុខកូនប្រុស មុនពេលស្លាប់"។

ទាក់ទងបញ្ហានេះ លោកវេជ្ជបណ្ឌិត យន់ សេង ទទួលបន្ទុកសង្គ្រោះបន្ទាន់ នៅមន្ទីរពេទ្យបង្អែកខេត្តព្រះសីហនុ បានប្រាប់គេហទំព័រ CEN នៅមន្ទីរពេទ្យបង្អែកខេត្ត កាលពីព្រឹកថ្ងៃទី២៨ ខែមិថុនា ឆ្នាំ២០១២ ថា មន្ទីរពេទ្យបង្អែកខេត្ត មិនមានលទ្ធភាពសង្គ្រោះព្យាបាលទេ ព្រោះជំងឺរបស់គាត់ វាជ្រុលពេលទៅហើយ។

ចំណែកលោកស្រី ប្រាក់ ច័ន្ទសុខា អភិបាលរងខេត្តព្រះសីហនុ បានមានប្រសាសន៍ថា បើស្តាប់តាមសេចក្តីរាយការណ៍របស់គ្រូពេទ្យ គេនិយាយប្រាប់ថា ជនរងគ្រោះធ្លាប់ឆ្លងកាត់មន្ទីរពេទ្យច្រើនរួចមកហើយកន្លងមក នៅតែមិនអាចព្យាបាលបាន។ ឥឡូវនេះ មិនដឹងថា គិតយ៉ាងដូចម្តេចទៀតទេក្នុងការសង្គ្រោះនោះ។

ប៉ុន្តែ អាជ្ញាធរខេត្តមានជំហរមួយថា នឹងសាងសង់ផ្ទះមួយ ដើម្បីឲ្យគាត់រស់នៅ និងធ្វើសេចក្តីរាយការណ៍ទៅកាកបាទក្រហម ឲ្យជួយសង្គ្រោះផែ្នកជីវភាពគាត់ ឲ្យបានគ្រប់គ្រាន់មុនពេលស្លាប់តែប៉ុណ្ណោះ។

គ្រូពេទ្យ ម្នាក់ នៅមន្ទីរពេទ្យបង្អែកខេត្តព្រះសីហនុបានពន្យល់ថា ប្រសិនបើជនរងគ្រោះ មានការឧបត្ថម្ភ និងគាំទ្រដោយមូលនិធិអង្គការណាមួយ ឬក៏អាជ្ញាធរដែនដី ឬក៏រាជរដ្ឋាភិបាលចេញមុខជនរងគ្រោះ អាចធ្វើការវះកាត់ និងបាញ់កាំរស្មីអិច ទើបរស់រានបានបន្តទៀត។ ប៉ុន្តែបើដូចជាសព្វថ្ងៃនេះ គ្មានអ្នកគាំទ្រគ្មានអ្នកឧបត្ថម្ភ គឺត្រូវបញ្ចប់ជីវិតហើយ ព្រោះបច្ចុប្បន្នអ្វីៗស្ថិតនៅលើលុយទាំងអស់។

ទោះជា យ៉ាងនេះក្តី ប្រជាពលរដ្ឋដែលរស់នៅជិតៗជនរងគ្រោះ បាននិយាយពន្យល់ថា ជនរងគ្រោះមានអាយុទើបតែ ៣៩ ឆ្នាំ មិនអាចបង្ខំបញ្ចប់ជីវិតបានទេ។ ដូចនេះពួកគាត់ជាអ្នកជិតខាងដោយមានការអាណិតអាសូ ក៏សូមអំពាវនាវម្តងហើយម្តងទៀត ដល់សម្តេចអគ្គមហាសេនាបតីតេជោ និងលោកជំទាវ មេត្តាជួយសង្គ្រោះ និងបានធ្វើការវះកាត់ផង។

សូមបញ្ជាក់ថា ជនរងគ្រោះរស់នៅសំយ៉ាបផ្ទះគេ នៅក្រោយសាលាសង្កាត់លេខ១ ក្នុងក្រុម១០ ភូមិ១ សង្កាត់លេខ១ ក្រុងព្រះសីហនុ៕

តុលាការកោះកុង នឹងលើកយកសំណុំរឿងលោក ប៊ុន សុខា មកបើកសវនាការនៅដើមខែកក្កដា

កោះកុង: ប្រភពពីមន្ត្រីអង្គការសិទិ្ធមនុស្សនៅខេត្តកោះកុង បានបងើ្ហបឲ្យដឹងថា តុលាការខេត្តនឹងលើកយកសំណុំរឿងលោកផ្កាយពីរ ប៊ុន សុខា នាយរងសេនាធិការនៃកងអង្គរក្សសមេ្តច ហ៊ុន សែន ព្រមទាំងគូកន មកបើកសវនាការនៅព្រឹកថៃ្ងទី៥ ខែកក្កដា ឆ្នាំ២០១២ ខាងមុខនេះ។

លោក អ៊ិន គង់ជិត មន្ត្រីអង្គការលីកាដូ បាននិយាយថា ករណីលោកផ្កាយពីរ ប៊ុន សុខា និងបក្ខពួក បើសិនជាតុលាការរកឃើញថា មានពិរុទ្ធភាពពិតមែន យោងតាមមាត្រាទី២១៨ ក្រមព្រហ្មទណ្ឌថី្ម ត្រូវប្រឈមនឹងការផ្តន្ទាទោសឲ្យជាប់ពន្ធនាគារពី ២-៥ឆ្នាំ និងពិន័យជាប្រាក់ពី ៤-៦ លានរៀល។

ក្រុមមន្ត្រីអង្គការ សិទិ្ធមនុស្ស បានសាទរចំពោះចំណាត់ការរបស់តុលាការ ហើយក៏បានសម្តែងនូវការព្រួយបារម្ភផងដែរ ចំពោះការបើកសវនាការនាពេលខាងមុខនេះ ខ្លាចតុលាការបន្ធូរបន្ថយស្ថានទម្ងន់ទោស ឬក៏ដោះលែងជនដៃដល់ឲ្យរួចខ្លួន។

សូមរម្លឹកថា លោកផ្កាយពីរ ប៊ុន សុខា និងអង្គរក្សចំនួនបីនាក់ ត្រូវបានសមត្ថកិច្ចប៉ូលិសខេត្តកោះកុងឃាត់ខ្លួន កាលពីថៃ្ងទី២៣ ខែមេសា ឆ្នាំ២០១២ ក្រោយពីលោកបានប្រើអំពើហិង្សាយ៉ាងព្រៃផ្សៃ ទៅលើជនរងគ្រោះចំនួនបួននាក់ ឲ្យរងរបួសធ្ងន់ និងស្រាល ប្រព្រឹត្តឡើងកាលពីយប់ថៃ្ង២២ ខែមេសា ឆ្នាំ២០១២ នៅសណ្ឋាគារកោះកុងស៊ីធី ក្នុងក្រុងខេមរភូមិន្ទ ខេត្តកោះកុង។

លោក ប៊ុន សុខា និងអង្គរក្សបីនាក់ ត្រូវបានតុលាការខេត្តកោះកុងចេញចេញដីកាឃុំខ្លួនបណ្តោះអាសន្ន នៅល្ងាចថៃ្ងទី២៥ ខែមេសា ឆ្នាំ២០១២។ បន្ទាប់មក ឃី្លបវីដេអូដែលជាភស្ភុតាងនៃការប្រើអពើហិង្សារបស់លោក ក៏ត្រូវបានផ្សព្វផ្សាយយ៉ាងទូលំទូលាយ ឲ្យសាធារណជនទូទៅបានដឹងផងដែរ។ បន្ទាប់ពីបង្កហេតុ លោកផ្កាយពីរ ប៊ុន សុខា ត្រូវបានព្រះមហាក្សត្រឡាយព្រះហស្ថលេខា ដកតំណែងចេញពីទីប្រឹក្សាសម្តេចតេជោ ហ៊ុន សែន៕

ឃាត់ខ្លួនបុរសម្នាក់ បញ្ជូនទៅស្នងការដ្ឋាន ពីបទរំលោភកូនបង្កើត

កំពត: អធិការដ្ឋានស្រុកកំពង់ត្រាច បានឃាត់ខ្លួនបុរសម្នាក់ កាលពីថ្ងៃទី២៧ ខែមិថុនា ឆ្នាំ២០១២ តាមបណ្ដឹងរបស់ប្រពន្ធ ពីបទសង្ស័យរំលោភកូនស្រីបង្កើត វ័យ ៩ឆ្នាំ រួចបញ្ជូនមកកាន់ស្នងការដ្ឋាន ដើម្បីចាត់ការបន្ដ។

ទោះបីជា មិនបានសារភាពពីទង្វើរបស់ខ្លួនក្ដី តែក្នុងបណ្ដឹងរបស់ប្រពន្ធ ដែលអះអាងថា បានយកឱ្យគ្រូពេទ្យធ្វើកោសល្យពិច័យ ហើយគ្រូពេទ្យអះអាងថា កូនស្រីរូបនោះ បានរងនូវការរំលោភពិតៗ។

ប៉ូលិស ព្រហ្មទណ្ឌកម្រិតធ្ងន់ នៃស្នងការដ្ឋានបានរៀបរាប់ថា នារសៀលថ្ងៃទី២៨ ខែមិថុនានេះ អធិការដ្ឋានស្រុកកំពង់ត្រាច បានបញ្ជូនមកដល់នូវជនសង្ស័យម្នាក់ ពីបទ រំលោភកូនស្រីបង្កើត អាយុ ៩ឆ្នាំ ប្រព្រឹត្ដឡើង កាលពីយប់ថ្ងៃទី២៦ ខែមិថុនា ឆ្នាំ២០១២ ដែលជនសង្ស័យរូបនោះ ឈ្មោះ នាក់ សារិទ្ធ អាយុ៥៣ឆ្នាំ ទីលំនៅភូមិកំពង់ត្រាចទី២ ឃុំកំពង់ត្រាចខាងលិច ស្រុកលំពង់ត្រាច ខេត្ដកំពត។

បណ្ដឹងប្រពន្ធជនសង្ស័យ និងជាម្ដាយបង្កើតកុមារីរងគ្រោះ បានឱ្យដឹងថា កាលពីយប់ថ្ងៃទី២៦ ខែមិថុនា ឆ្នាំ២០១២ ពេលប្ដី កំពុងមើលទូរទស្សន៍ម្នាក់ឯង គាត់បានដេកនៅគ្រែមួយ ឆ្ងាយពីកូនស្រីភ្លោះបីនាក់។ លុះវេលាម៉ោងប្រហែល ៩យប់ ប្ដីរបស់គាត់បិទទូរទស្សន៍ ហើយឮសំរឹបដើរសំដៅទៅគ្រែកូនៗ តែគាត់គិតថា ប្រហែលជាប្ដី ទៅដណ្ដប់ភួយឱ្យកូនគាត់ ក៏មិនចាប់អារម្មណ៍អ្វីដែរ។

លុះ ព្រឹកឡើងថ្ងៃខ្ពស់ណាស់ទៅហើយ កូនស្រីគាត់ម្នាក់ ក្នុងចំណោមកូនទាំងបីនោះ ដេកមិនក្រោកសោះ ទើបគាត់ចូលទៅដាស់ ហើយស្ទាបផ្នែកខាងក្រោម មានទឹករំអិល។ លុះសួរកូននោះ ក៏ប្រាប់ថា កាលពីយប់មិញ ឪពុករបស់គេ ចូលអង្អែលប្រដាប់ភេទ រួចឡើងពោបពីលើ ហើយកូននោះ មិនបានដឹងអ្វីទេ ក៏ដេកបន្ដទៀត។

ស្ដ្រីដដែលបន្ដថា ឮដូច្នោះ គាត់ក៏យកកូនទៅពេទ្យឆ្មប ត្រូវគេប្រាប់ថា កូននេះ ទទួលរងនូវការរំលោភផ្លូវភេទហើយ។
ដោយមិនអស់ចិត្ដគាត់បានយកកូននេះ មកកាន់មន្ទីរពេទ្យខេត្ដទៀត ដើម្បីឱ្យធ្វើកោសល្យពិច័យ នៅតែគ្រូពេទ្យអះអាងដូចគ្នា។ គាត់ក៏សម្រេចចិត្ដដាក់ពាក្យបណ្ដឹង ឱ្យសមត្ថកិច្ចឃាត់ខ្លួនតែម្ដង។

ប៉ូលិសបញ្ជាក់ថា នៅចំពោះមុខសមត្ថកិច្ច ជនសង្ស័យមិនបានសារភាពពីទង្វើរបស់ខ្លួនទេ។ ម្ល៉ោះហើយការងារនេះ ប៉ូលិសនៃស្នងការដ្ឋាន នឹងចាត់ការបន្ដទៀត ដើម្បីបំពេញសំណុំរឿងតាមនីតិវិធី៕

យុវជនស្ម័គ្រចិត្ត ៧៣៤នាក់ ជួយវាស់ដីជូនប្រជាពលរដ្ឋ ៧ខេត្ត

យុវជនស្ម័គ្រចិត្តចំនួន៧៣៤នាក់ មកពីសាកលវិទ្យាល័យផ្សេងៗគ្នាក្នុងរាជធានីភ្នំពេញ បានចេញដំណើរទៅកាន់៧ខេត្ត នាព្រឹកមិញនេះ ដើម្បីបំពេញបេសកកម្ម “គោលនយោបាយចាស់ សកម្មភាពថ្មី” នៃយុទ្ធនាការវាស់វែងដីធ្លី ផ្ដល់សិទ្ធិស្របច្បាប់ជូនប្រជាពលរដ្ឋខ្មែរ។

ក្នុងសំលៀកបំពាក់ឯកសណ្ឋាន ភ្ជាប់ដោយនិមិត្តសញ្ញាក្រសួងរៀបចំដែនដី នគរោបនីយកម្ម និងសំណង់ យុវជនស្ម័គ្រចិត្តទាំងនេះ នឹងចុះទៅបំពេញភារកិច្ចនៅ ខេត្តរតនគិរី មណ្ឌលគិរី ក្រចេះ កំពង់ចាម បាត់ដំបង បន្ទាយមានជ័យ និងកំពត រយៈពេលពីរខែ។

ឯកឧត្តម អ៊ឹម ឈុនលឹម ទេសរដ្ឋមន្ត្រី រដ្ឋមន្ត្រី ក្រសួងរៀបចំដែនដី នគរោបនីយកម្ម និងសំណង់ បានមានប្រសាសន៍ ថា បេសកកម្មវាស់វែងដីធ្លីជូនប្រជាពលរដ្ឋនេះ មានរយៈពេលពីរ ខែ វាស់វែងដីសរុបប្រមាណ ៣៥០ ០០០ ហិកតា ដែលកំពុងកាន់កាប់ដោយប្រជាពលរដ្ឋចំនួន ១០០ ០០០គ្រួសារ។

ប្រមុខរដ្ឋាភិបាលកម្ពុជា ធ្លាប់បានរំលឹកថា ដោយសារតែការងារចុះបញ្ជីដីធ្លី ដើម្បីផ្ដល់ប័ណ្ណកម្មសិទ្ធិជូនប្រជាពលរដ្ឋ ទាមទាភាពហ្មត់ចត់ ជាក់លាក់ និងច្បាស់លាស់ ដូច្នេះការងារនេះ ត្រូវអនុវត្តឲ្យបានហ្មត់ចត់បំផុត ដោយមិនត្រូវបន្សល់ ទុកបញ្ហានាពេលក្រោយឡើយ៕

Hot News