បេក្ខនារីចំណាត់ថ្នាក់លេខ២ក្នុងកម្មវិធីប្រលងបវរកញ្ញាវៀតណាមឆ្នាំ២០១០ នាង Vu Hoang My
នឹងតំណាងឲ្យប្រទេសវៀតណាមក្នុងការចូលរួមប្រលងបវរកញ្ញាពិភពលោក
ឆ្នាំ ២០១២ ដែលប្រព្រឹត្តទៅនៅក្នុងទីក្រុងរណប Ordos
ប្រទេសចិនក្នុងខែសីហាខាងមុខនេះ។
Hoang My
បានទទួលលិខិតអញ្ជើញពីអ្នករៀបចំកម្មវិធីប្រលងបវរកញ្ញា
ពិភពលោក(Miss World Organisation) កាលពីថ្ងៃទី ២៧ ខែ
មិថុនាកន្លងទៅនេះ ហើយ Elite Vietnam ដែលជា
agencyខាងម៉ូដែលអន្តរជាតិក្នុងការបញ្ជូនបេក្ខនារីវៀតណាមឲ្យចូល
រួមប្រកួតក្នុងកម្មវិធីធំៗតែមួយគត់នៅក្នុងប្រទេសវៀតណាមក៏បាន
ទទួលលិខិតអនុញ្ញាតពី Performing Arts Agency ផងដែរ។
បច្ចុប្បន្ន Hoang My
កំពុងមមាញឹកក្នុងការហាត់សមដើម្បីត្រៀមប្រកួត។
នាងរំពឹងថានាងនឹងលេចធ្លោក្នុងការប្រកួតយកតំណែង Miss Sport
Competition។
ថ្មីៗនេះនាងបានចូលរួមក្នុងព្រឹត្តិការណ៍ប្រកួតផ្សេងៗគ្នាដូច
ជាការរត់ marathon និង ការរាំបែបកីឡាជាដើម។
Hoang My
ធ្លាប់ជាបេក្ខនារីតំណាងឲ្យប្រទេសវៀតណាមក្នុងការចូលរួមប្រកួត
បវរកញ្ញាចក្កវាឡឆ្នាំ ២០១១ នៅក្នុងប្រទេសប្រេស៊ីល
ប៉ុន្តែនៅពេលនោះនាងបានធ្លាក់ពីការប្រកួត។
ប៉ុន្តែទោះជាបែបនេះក្តី អ្នកជំនាញបាននិយាយថា Hoang My
គឺជាបេក្ខនារីលេចធ្លោម្នាក់នៅក្នុងប្រទេសវៀតណាមដោយសារតែនាង
ពូកែភាសាអង់គ្លេស
មានបទពិសោធន៍ក្នុងការចូលរួមប្រកួតប្រជែងផ្នែកសម្រស់និង
ចំណេះដឹង
ដូច្នេះនាងពិតជាស័ក្ដិសមក្នុងការចូលរួមប្រកួតបវរកញ្ញាពិភពលោក
ឆ្នាំ ២០១២នេះ។
Hoang My វ័យ ២៤ ឆ្នាំគឺជានិស្សិតផ្នែក “multimedia design”
នៅសកលវិទ្យាល័យ RMIT International University ទីក្រុងហូជីមិញ។ ចំណែកMiss
World 2012 នឹងចាប់ផ្ដើមចាប់ពីថ្ងៃទី១៨ ខែ កក្កដា ដល់ថ្ងៃទី ១៨
ខែសីហា៕
