 |
និងថៃ នៅលើសង្វៀនក្នុងសួនច្បារ ខាងមុខមន្ទីរទេសចរណ៍ ខេត្តព្រះសីហនុ ទៅតាមការរៀបចំរបស់ស្ថានីយទូរទស្សន៍ប៉ុស្តិ៍លេខ៥។
សម្រាប់ការប្រកួត ដែលគេរំពឹងថា នឹងមានប្រជាពលរដ្ឋរស់នៅខេត្តព្រះសីហនុ ចូលរួមទស្សនាភ្លូកទឹកភ្លូកដីនោះ គឺមានការប្រកួតរហូតដល់ទៅ៦គូឯណោះ ដោយក្នុងនោះមានការប្រកួតមិត្តភាពអន្តរជាតិចំនួន៣គូ ហើយការប្រកួតនឹងចាប់ដំណើរការពីម៉ោង៤រសៀលនាថ្ងៃស្អែកនេះ។
អ្នកជំនាញប្រើក្បាច់កែង វង្ស ណយ ដែលទើបទទួលជ័យជម្នះលើកីឡាករ ឯម វុត្ថា នាការប្រកួតការពារខ្សែក្រវាត់ស្រាបៀរកម្ពុជារបស់ខ្លួននោះ នឹងត្រូវធ្វើការប្រកួតជាមួយអ្នកប្រដាល់ជនជាតិរុស្ស៊ី Lemonn ក្នុងប្រភេទទម្ងន់៦៣,៥គីឡូក្រាម គឺបន្ទាប់ពីការប្រកួតមិត្តភាពរវាងកីឡាករក្នុងស្រុក ព្រំ សំណាង ជាមួយ សូយ វិរៈ និង សៅ ប៊ុននឿន ជាមួយ ផាវ ភឿត ហើយអ្នកប្រដាល់រុស្ស៊ីម្នាក់នេះ ធ្លាប់ប្រកួតបានចំនួន៣៥ដង ឈ្នះ២៥ ចាញ់៤ ស្មើ៦ និងធ្លាប់ផ្តួលគូប្រកួតឲ្យសន្លប់នៅលើសង្វៀន១០ដង។
ចំណែកអ្នកលេងកណ្តាប់ដៃ ជ័យ កុសល ក៏នឹងត្រូវបង្ហាញសមត្ថភាពពិតរបស់ខ្លួន នៅក្នុងឱកាសនោះដែរ ដោយរូបគេត្រូវជួបអ្នកប្រដាល់ជនជាតិបារាំង Allex ។
Allex ធ្លាប់ប្រកួតបានចំនួន៦២ដង ឈ្នះ៤០ដង ចាញ់១០ ស្មើ១២ និងធ្លាប់ផ្តួលដៃគូឲ្យសន្លប់ចំនួន១៥ដង ហើយស្ថិតិនេះ វាតិចជាង ជ័យ កុសល ឆ្ងាយណាស់ ព្រោះ កុសល ធ្លាប់ប្រកួតបានជិត២០០ដងទៅហើយ។ ប៉ុន្តែភាពវ័យចំណាស់ ឆាប់ធ្លាក់កម្លាំង និងការឡើងសង្វៀនមិនជាប់លាប់របស់ ជ័យ កុសល នៅតែធ្វើឲ្យរូបគេ មានភាពមន្ទិលនៅក្នុងការប្រកួតនេះដដែល។
អូត ភូថង ដែលទើបរួចផុតពីការបញ្ឈរជើងមិនឲ្យឡើងប្រកួតរយៈពេល៦ខែ ពីបទវាយមិនអស់សមត្ថភាពជាមួយក្មេងជំនាន់ក្រោយ ភេឌី ម៉ឺនសុភា នោះ នឹងត្រូវប្រឈមជាមួយអ្នកលេងក្បាច់មួយថៃ Pich Soriya ក្នុងប្រភេទទម្ងន់៦៧គីឡូក្រាម។
ការជួបជនជាតិថៃ ដែលធ្លាប់ប្រកួត៦៥ដង ឈ្នះ៤៣ ចាញ់១៧ ស្មើ៥ និងធ្លាប់ផ្តួលគូប្រកួតឲ្យសន្លប់ចំនួន១២ដងម្នាក់នេះ វាជាឱកាសដ៏សំខាន់បំផុតចំពោះ អូត ភូថង ក្នុងការលុបបំបាត់ភាពអាម៉ាស់របស់ខ្លួន ហើយវាក៏ជាពេលវេលា ដែលរូបគេត្រូវបង្វឹកខ្លួនឯង ឲ្យសមទៅនឹងស្ថានភាពនៃការប្រកួតវិញផងដែរ ពីព្រោះបន្ទាប់ពីការប្រកួតនេះទៅគេត្រូវឡើងប្រកួតការពារខ្សែ ក្រវាត់អាជ្ញាធរជាតិប្រយុទ្ធប្រឆាំងគ្រឿងញៀនរបស់ខ្លួននៅលើសង្វៀន ប៉ុស្តិ៍បាយ័ន។
គូប្រកួតបិទកម្មវិធី គឺតម្រូវលើ ម៉ី សុភាព និងទូច រាជសីហ៍ ដែលពួកគេត្រូវធ្វើការប្រកួតគ្នាក្នុងប្រភេទទម្ងន់៧៥គីឡូក្រាម៕
