ក្រុងបាងកកៈ អតីតនាយករដ្ឋមន្រ្តី
ថៃនិរទេស លោក ថាក់ស៊ីន ស៊ីណាវ៉ាត្រា
បានប្រារព្ធថ្ងៃឈប់សម្រាកសំខាន់បំផុតរបស់ថៃនៅក្នុងប្រទេសជិត
ខាងកម្ពុជាកាលពីចុងសប្តាហ៍នេះ
ដោយប្រាប់ក្រុមអ្នកគាំទ្រក្លៀវក្លារាប់ពាន់នាក់ដែល
បានធ្វើដំណើរឆ្លងព្រំដែនមកជួបលោកដែលមានបំណងវិលត្រឡប់មក
ស្រុកវិញឆាប់ៗ តាមតាមវិធីរបស់លោក។
លោក ថាក់ស៊ីន
ដែលត្រូវបានទម្លាក់ក្នុងរដ្ឋប្រហារយោធាមួយកាលពីឆ្នាំ២០០៦
បន្ទាប់ពីត្រូវគេចោទប្រកាន់ពីបទរំ លោភអំណាច
និងមិនគោរពរបបរាជានិយម បាន
ដឹកនាំការជួបជុំប្រកបដោយការរាំច្រៀងដើម្បីអបអរ្ធពិធីបុណ្យ
ចូលឆ្នាំថ្មី។ នៅពេលបង្ហាញមុខនៅលើឆាក លោក
ធ្វើឲ្យហ្វូងមនុស្សនឹកឃើញដល់យុទ្ធនាការនយោបាយរបស់លោកពី
អតីតកាល។
លោកថាក់ស៊ីន វ័យ៦២ឆ្នាំ
បាននិងកំពុងរស់នៅបរទេសចាប់តំាងពីមិនបានបង់ប្រាក់ធានាឲ្យនៅ
ក្រៅឃុំឆ្នាំ២០០៨ ដើម្បីគេចពីការជាប់ពន្ធនាគារពីរឆ្នាំ
ពីបទពុករលួយ ដែលលោកនិយាយថា ជាហេតុផលនយោបាយ។ ព្រឹត្តិ
ការណ៍កាលពីថ្ងៃសៅរ៍
ដែលគេជិះរថយន្តត្រឹមតែពីរ-បីម៉ោងពីភាគឦសាននៃប្រទេសថៃ
បានលើកជាសំណួរថាៈ តើលោក
នឹងប្រារព្ធពិធីចូលឆ្នាំឆ្នាំក្រោយនៅក្នុងស្រុកឬយ៉ាងណា?
លោកថាក់ស៊ីន ដែលជាអ្នកនយោបាយម៉ឺងម៉ាត់បំផុតនៅថៃ
បាននិយាយក្នុងពេលពីរ-បីថ្ងៃចុងក្រោយនេះថា
ការវិលត្រឡប់របស់លោក នឹងត្រូវធ្វើឡើង«ពី៣ទៅ៤ខែខាងមុខ»
«មិនយូរណាស់ណាទេ»
និងនៅពេលដែល«អ្វីៗគ្រប់យ៉ាងមានស្ថិរភាព»។(postkhmer)
