ភ្នំពេញ៖ បុរសជាកម្មករម្នាក់ ត្រូវបានប្រទះឃើញ ដេកស្លាប់ នៅក្នុងផ្ទះលក់គ្រឿងសង្ហារឹមមួយកន្លែង ដែលមានចំងាយ ៣០០ម៉ែត្រ ពីគល់ស្ពានស្ទឹងមានជ័យ សង្កាត់ បឹងសាឡាង ខណ្ឌទួលគោក កាលពីវេលាម៉ោង ៤៖៣០នាទី ល្ងាចថ្ងៃអាទិត្យ នេះ ។
ផ្ទះដែលកម្មករដេកស្លាប់នោះ ត្រូវបានគេដឹងថា ជាផ្ទះលក់គ្រឿងសង្ហារ ឈ្មោះ សៀង ហេង ស្ថិតតាមបណ្តោយផ្លូវ ២៧១ ហើយការស្លាប់នោះទំនងជាមកពីការ បង្ខាំងទុកកម្មករខាងក្នុង ព្រោះទ្វារជាប់សោរនៅខាងក្រៅ នេះបើតាមសមត្ថកិច្ច
ដឹងរឿងបន្តិចបន្តួចបាននិយាយប្រាប់ដើមអម្ពិល នៅល្ងាចថ្ងៃ កើតហេតុ ។
សមត្ថកិច្ចរូបនោះ បានបន្តថា សពជនរងគ្រោះ ត្រូវបានប្រទះឃើញដេកស្លាប់នៅ ក្បែរកំទេចកំទីសំរាមចំពោះជនរងគ្រោះឈ្មោះ ឡាន គុយ ហៅ ពីរ អាយុ ៣២ឆ្នាំ រស់នៅផ្ទះជួល ស្ថិតក្នុងសង្កាត់ទឹកល្អក់ ៣ ខណ្ឌទួលគោក និងមានស្រុកកំណើតនៅឃុំ ជ្រៃវេន ស្រុកកងមាស ខេត្តកំពង់ចាម ។
ចំណែកករណីឃាតកម្ម ខាងលើនេះ សមត្ថកិច្ចខណ្ឌ ទួលគោក ដែលស្ថិតនៅកន្លែងកើតហេតុ បានព្យាយាមលាក់បាំង មិនអោយអ្នកកាសែត ចូលថតរូប និងយកព័ត៌មានលំអិតនោះទេ ដោយនិយាយហាក់បីដូចជា មានអ្វីលាក់លៀម មិនចង់អោយដឹងលឺ ។ ដើមអម្ពិលនឹងបន្តតាមដានករណីខាងលើទៀត និងផ្សព្វផ្សាយបន្ថែម នៅពេលទទួលបានព័ត៌មានលំអិត ។(dap)
