ព្រះសីហនុ:
ភ្ញៀវទេសចរមួយក្រុម មកពីក្រុងភ្នំពេញ
មានការភ្ញាក់ផ្អើលស្រែកឆោឡោ កាលពីព្រឹកថ្ងៃទី១៦ ខែមេសា ឆ្នាំ២០១២
បន្ទាប់ពីភ្ញាក់ពីដំណេក ឃើញបង្អួចបន្ទប់របើក ដោយចោរ លួចគាស់និ
ងលួចយកទ្រព្យសម្បតិ្តអស់ចំនួនប្រាំបន្ទប់។
ករណី គាស់បង្អួចផ្ទះសំណាក់ផ្កាចំប៉ី លួចយកទ្រព្យសម្បត្តិភ្ញៀវទេសចរនោះ បានកើតឡើង នៅយប់ថ្ងៃទី១៥ ខែមេសា ឆ្នាំ២០១២ ត្រូវនឹងថ្ងៃទី៣ នៃបុណ្យចូលឆ្នាំថ្មីប្រពៃណីជាតិខ្មែរ។ ផ្ទះសំណាក់យីហោ ផ្កាចំប៉ី ស្ថិតនៅផ្លូវទី២ ក្នុងតំបន់អូរឈើទាល ក្រុងព្រះសីហនុ ក្នុងភូមិ៤ សង្កាត់លេខ៤ ក្រុងព្រះសីហនុ។
ភ្ញៀវទេសចរ ដែលជាជនរងគ្រោះបានរៀបរាប់ថា
ពួកគាត់បានមកសម្រាកនៅផ្ទះសំណាក់ផ្កាចំប៉ី នេះចំនួន ៥ បន្ទប់ កាលពីយប់ថ្ងៃទី១៥ ខែមេសា ឆ្នាំ២០១២ លុះដល់ព្រឹកឡើងថ្ងៃទី១៦ ខែមេសា ឆ្នាំ២០១២ ពេលភ្ញាក់ឡើង ស្រាប់តែឃើញរបើកបង្អួច និងបាត់បង់អស់ទ្រព្យសម្បត្តិ សរុបរាប់ពាន់ដុល្លារ។ សម្ភារៈបាត់បង់ទាំងនោះ មានទូរស័ព្ទអាយហ្វូនហ្វ័រចំនួន ២គ្រឿង, អាយផេកចំនួន ២ គ្រឿង ចិញ្ចៀនពេជ្រមួយវង់ និងខ្សែករមាសមួយខ្សែ បើគិតជាទឹកប្រាក់សរុបអស់រាប់ពាន់ដុល្លារ។
ជនរងគ្រោះ បាននិយាយថា បើសម្ភារៈបាត់បង់ទៅហើយ ក៏បាត់ចុះ ប៉ុន្តែសំខាន់លើសម្តីរបស់ម្ចាស់ផ្ទះសំណាក់ គាត់និយាយសំអាងលើបទបញ្ជាផ្ទៃក្នុងរបស់ផ្ទះសំណាក់របស់គាត់ ដោយមិនគិតអំពីការបាត់បង់ និងសោកស្តាយរបស់ជនរងគ្រោះនោះទេ។
ម្ចាស់ផ្ទះសំណាក់ផ្កាចំប៉ី បានអះអាង ចំពោះមុខសមត្ថកិច្ចថា ផ្ទះសំណាក់របស់គាត់ បានបិទបទបញ្ជាផ្ទៃក្នុងរបស់ផ្ទះសំណាក់ ពាសពេញក្នុងបន្ទប់ និងក្រៅបន្ទប់ ដូចនេះគាត់មិនអាចទទួលខុសត្រូវ ចំពោះការបាត់បង់ទ្រព្យសម្បត្តិមានតម្លៃ ដែលដាក់ជាប់នឹងខ្លួនភ្ញៀវនោះទេ។
ប៉ូលិស ក្រុងព្រះសីហនុ បានប្រាប់គេហទំព័រ CEN ថា ករណីនេះ ជនរងគ្រោះបានដាក់ពាក្យបណ្តឹងរួចរាល់ហើយ បច្ចុប្បន្នប៉ូលិស កំពុងចាត់ការស៊ើបអង្កេត ដើម្បីរកមុខសញ្ញាហើយ៕
ករណី គាស់បង្អួចផ្ទះសំណាក់ផ្កាចំប៉ី លួចយកទ្រព្យសម្បត្តិភ្ញៀវទេសចរនោះ បានកើតឡើង នៅយប់ថ្ងៃទី១៥ ខែមេសា ឆ្នាំ២០១២ ត្រូវនឹងថ្ងៃទី៣ នៃបុណ្យចូលឆ្នាំថ្មីប្រពៃណីជាតិខ្មែរ។ ផ្ទះសំណាក់យីហោ ផ្កាចំប៉ី ស្ថិតនៅផ្លូវទី២ ក្នុងតំបន់អូរឈើទាល ក្រុងព្រះសីហនុ ក្នុងភូមិ៤ សង្កាត់លេខ៤ ក្រុងព្រះសីហនុ។
ភ្ញៀវទេសចរ ដែលជាជនរងគ្រោះបានរៀបរាប់ថា
ពួកគាត់បានមកសម្រាកនៅផ្ទះសំណាក់ផ្កាចំប៉ី នេះចំនួន ៥ បន្ទប់ កាលពីយប់ថ្ងៃទី១៥ ខែមេសា ឆ្នាំ២០១២ លុះដល់ព្រឹកឡើងថ្ងៃទី១៦ ខែមេសា ឆ្នាំ២០១២ ពេលភ្ញាក់ឡើង ស្រាប់តែឃើញរបើកបង្អួច និងបាត់បង់អស់ទ្រព្យសម្បត្តិ សរុបរាប់ពាន់ដុល្លារ។ សម្ភារៈបាត់បង់ទាំងនោះ មានទូរស័ព្ទអាយហ្វូនហ្វ័រចំនួន ២គ្រឿង, អាយផេកចំនួន ២ គ្រឿង ចិញ្ចៀនពេជ្រមួយវង់ និងខ្សែករមាសមួយខ្សែ បើគិតជាទឹកប្រាក់សរុបអស់រាប់ពាន់ដុល្លារ។
ជនរងគ្រោះ បាននិយាយថា បើសម្ភារៈបាត់បង់ទៅហើយ ក៏បាត់ចុះ ប៉ុន្តែសំខាន់លើសម្តីរបស់ម្ចាស់ផ្ទះសំណាក់ គាត់និយាយសំអាងលើបទបញ្ជាផ្ទៃក្នុងរបស់ផ្ទះសំណាក់របស់គាត់ ដោយមិនគិតអំពីការបាត់បង់ និងសោកស្តាយរបស់ជនរងគ្រោះនោះទេ។
ម្ចាស់ផ្ទះសំណាក់ផ្កាចំប៉ី បានអះអាង ចំពោះមុខសមត្ថកិច្ចថា ផ្ទះសំណាក់របស់គាត់ បានបិទបទបញ្ជាផ្ទៃក្នុងរបស់ផ្ទះសំណាក់ ពាសពេញក្នុងបន្ទប់ និងក្រៅបន្ទប់ ដូចនេះគាត់មិនអាចទទួលខុសត្រូវ ចំពោះការបាត់បង់ទ្រព្យសម្បត្តិមានតម្លៃ ដែលដាក់ជាប់នឹងខ្លួនភ្ញៀវនោះទេ។
ប៉ូលិស ក្រុងព្រះសីហនុ បានប្រាប់គេហទំព័រ CEN ថា ករណីនេះ ជនរងគ្រោះបានដាក់ពាក្យបណ្តឹងរួចរាល់ហើយ បច្ចុប្បន្នប៉ូលិស កំពុងចាត់ការស៊ើបអង្កេត ដើម្បីរកមុខសញ្ញាហើយ៕
