សិស្សស្រីម្នាក់ត្រូវជាប់ពន្ធនាគារដោយសារកុហកថា កើតមហារីក

Angie Gomez អាយុ ១៩ឆ្នាំ មកពី Texas អាមេរិក ដែលធ្លាប់ត្រូវបានជ្រើសរើសជា "ក្សត្រី
Prom" ប្រមូលបានប្រាក់ដល់ទៅ ១៧.០០០ដុល្លារអាមេរិក បន្ទាប់ពីប្រកាសថាខ្លួនមានជម្ងឺ
មហារិកគ្រាប់ឈាម។

ចាប់តាំងពីខែមករា ឆ្នាំ ២០១១ Angie បាននិយាយប្រាប់អ្នករាល់គ្នាថា ខ្លួនកើតជម្ងឺមហារីក
គ្រាប់ឈាម និងអាចរស់នៅបានត្រឹមតែ ៦ខែទៀតប៉ុណ្ណោះ។ ព័ត៌មាននេះបានធ្វើអោយអ្នក
រាល់គ្នាមានការអាណិតអាសូរនាងយ៉ាងខ្លាំង និងបានឧបត្ថម្ភយ៉ាងច្រើនដល់នាង។

Angie បានទទួលប្រាក់ឧបត្ថម្ភតាមរយៈមូលនិធិមនុស្សធម៌មួយដែលត្រូវបានបង្កើតឡើង
នៅលើអ៊ីនធើរណែត។ មនុស្សរាប់រយនាក់បានចូលរួមជួយដល់ Angie ក្នុងការរៃអង្គាស
ប្រាក់មនុស្សធម៌នេះ។

ជាងនេះទៅទៀត នៅពេល Angie និយាយប្រាប់មិត្តភ័ក្ដនៅសាលា Da Vinci របស់ខ្លួនថា
នាងនឹងមិនអាចចូលរួមក្នុងពិធី prom បញ្ចប់ការសិក្សា ដោយសារតែត្រូវទៅព្យាបាលជម្ងឺ
ពេលនោះមិត្តភ័ក្ដរបស់នាងក៏បានធ្វើពិធីរៃអង្គាសប្រាក់អោយនាង។

យោងតាមការស្រាវជ្រាវរបស់នគរបាល ពុំមានឈ្មោះអ្នកជម្ងឺ Angie Gomez នៅក្នុងមន្ទីរ
ពេទ្យណាមួយនោះទេ ក្នុងរយៈពេល ១០មកនេះ។ ក្រោយមក នគរបាលក៏បានរកឃើញ
ការពិត នៅពេលបានត្រួតពិនិត្យគណនីធនាគាររបស់នាង។

ក្រោយមក នាងក៏ត្រូវបានចាប់ខ្លួនបន្ទាប់ពីក្រុមសមត្ថកិច្ចបានរកឃើញភ័ស្ដុតាងជាក់ស្ដែង
Angie Gomez ត្រូវទទួលទោសពីបទបោកប្រាស់៕