ភ្នំពេញៈ យោងតាមទីភ្នាក់ងារព័ត៌មានចិន “ស៊ិនហួ”
ចុះផ្សាយនៅថ្ងៃទី០១ ខែមេសា ឆ្នាំ២០១២ ថា ព្រះករុណា ព្រះបាទ
សម្ដេចព្រះនរោត្ដ សីហមុនី រៀបចំលាង សាយភោជ ដើម្បីស្វាគមន៍ដល់លោក ហ៊ូ ជីនតាវ
ប្រធានាធិបតី ចិន ដែលបានអញ្ជើញមកបំពេញ ទស្សនកិច្ចផ្លូវរដ្ឋមកកាន់
ព្រះរាជាណាចក្រកម្ពុជា ។ជាមួយគ្នានេះដែរ លោក ហ៊ូ និងភរិយា រួមទាំងគណៈប្រតិភូជាន់ខ្ពស់ចិន បានត្រូវព្រះករុណា អញ្ជើញចូលរួម លាង សាយភោជរួមគ្នា បន្ទាប់ពីព្រះអង្គទ្រង់សម្ដែង និងបង្ហាញអំពីវត្ថុអនុស្សារីយ៍ ដែលជាស្នាដៃខ្មែរ សម្រាប់ជូនដល់ លោក ហ៊ូ ជីនតាវ ។
កាលពីថ្ងៃពីថ្ងៃទី៣១ ខែមីនា ឆ្នាំ២០១២ ម្សិលមិញនេះ លោក ហ៊ូ និងភរិយា រួមទាំងគណៈប្រតិភូជាន់ខ្ពស់ចិនជា ច្រើនរូបបានមកកាន់វិមានឯករាជ្យ និងសំណេះសំណាល ជាកិច្ចស្វាគមន៍ជាមួយ សម្ដេចនាយករដ្ឋមន្ដ្រី ហ៊ុន សែន នាយករដ្ឋមន្ដ្រី នៃព្រះរាជាណាចក្រកម្ពុជា ផងដែរ ៕
