ភ្នំពេញ:
អ្នកតំណាងជាន់ខ្ពស់សហភាពអឺរុបសំរាប់កិច្ចការបរទេស
និងគោលនយោបាយសន្តិសុខ លោកស្រី កាថឺរីន អាសតុន (Catherine Ashton)
បានសម្តែងការព្រួយបារម្ភយ៉ាងខ្លាំង ចំពោះការកាត់ទោសលើលោក
ម៉មសូណង់ដូ នាយកវិទ្យុសំបុកឃ្មុំ
និងជាប្រធានសមាគមន៍អ្នកប្រជាធិបតេយ្យ ព្រមទាំងជនជាប់ចោទផ្សេងទៀត
ដូចជា លោក ផន ស្រឿន តូច រៀម និងខាន់ សុវាន់ កាលពីថ្ងៃចន្ទ ទី១
ខែតុលា ឆ្នាំ២០១២ ដោយតុលាការក្រុងភ្នំពេញ។
ក្នុង សេចក្តីថ្លែងការណ៍ សហភាពអឺរ៉ុប បានហៅការកាត់ទោសនេះ ថាធ្វើឲ្យមានមន្ទិលសង្ស័យយ៉ាងខ្លាំងអំពីភាពមិនឯករាជ្យរបស់ តុលាការ។
លោកស្រី Catherine Ashton បានស្នើរដ្ឋាភិបាលកម្ពុជា ឲ្យការពារសិទ្ឋិជាមូលដ្ឋាន សំរាប់ប្រជាជនទាំងអស់ ក្នុងការបញ្ចេញមតិរបស់ពួកគេ ដោយសេរី ឲ្យស្របទៅតាមសេចក្តីថ្លែងការណ៍ ជាសកល ស្តីពី សិទ្ធិមនុស្ស និងអនុសញ្ញាអន្តរជាតិ ស្តីពី សិទ្ធិស៊ីវិល និងនយោបាយ។ រដ្ឋាភិបាល មានកាតព្វកិច្ចក្នុងការការពារសេរីភាពនៃការបញ្ចេញមតិ និងប្រព័ន្ធផ្សព្វផ្សាយឯករាជ្យ ហើយនេះ វាមានសារៈសំខាន់ សំរាប់កម្ពុជា ក្នុងការបោះឆ្នោត ក្នុងឆ្នាំ២០១៣។
សូម រម្លឹកថា សេចក្តីថ្លែងការណ៍របស់សហភាពអឺរ៉ុប ដែលមាន ២៧ ប្រទេស ជាសមាជិកដូច្នេះ បានធ្វើភ្លាមៗ ខណៈដែលតុលាការរាជធានីភ្នំពេញ បានសម្រេចផ្តន្ទាទោសលោកម៉មសូណង់ដូ ដាក់ពន្ធនាគារ ២០ ឆ្នាំ និងពិន័យជាប្រាក់ចំនួន ១០ លានរៀល ក្នុងរឿងចោទប្រកាន់ បង្កើតតំបន់អបគមន៍ ប្រឆាំងរដ្ឋាភិបាល តាមរយៈជម្លោះដីធ្លី នៅភូមិប្រម៉ា ឃុំកំពង់ដំរី ស្រុកឆ្លូង ខេត្តក្រចេះ។
ក្នុង រឿងក្តីនោះ តុលាការក៏បានផ្តន្ទាទោស អ្នកភូមិសរុបចំនួន ១២ នាក់ផ្សេងទៀត ក៏ត្រូវបានតុលាការសម្រេចផ្តន្ទាទោស ដាក់ពន្ធនាគារពី ១០ ខែ រហូតដល់ ៥ ឆ្នាំ តែត្រូវព្យួរទោស។ ពោលគឺពលរដ្ឋពាក់ព័ន្ធរឿងដីធ្លីនៅខេត្តក្រចេះ ដែលបានជាប់ឃុំឃាំង ជាមួយលោកម៉មសូណង់ដូ ត្រូវបានតុលាការសម្រេចដោះលែងវិញហើយ។
បន្ទាប់ពីតុលាការប្រកាសសេចក្តីសម្រេចដូច្នេះភ្លាម ក្រុមពលរដ្ឋជាង ១០០ នាក់ ដែលគាំទ្រលោកម៉មសូណង់ដូ បានស្រែកយំ តវ៉ា លើកបដា និងដើរបាតុកម្មតាមផ្លូវ។ ប្រជាពលរដ្ឋ បានដាក់ញត្តិស្នាមមេដៃ ទៅកាន់ស្ថានទូតអាមេរិក និងលុតជង្គង់ នៅមុខព្រះបរមរាជវាំង ស្នើសុំព្រះមហាក្សត្រ ឲ្យជួយដោះលែងលោកម៉មសូណង់ដូ៕(CEN)
ក្នុង សេចក្តីថ្លែងការណ៍ សហភាពអឺរ៉ុប បានហៅការកាត់ទោសនេះ ថាធ្វើឲ្យមានមន្ទិលសង្ស័យយ៉ាងខ្លាំងអំពីភាពមិនឯករាជ្យរបស់ តុលាការ។
លោកស្រី Catherine Ashton បានស្នើរដ្ឋាភិបាលកម្ពុជា ឲ្យការពារសិទ្ឋិជាមូលដ្ឋាន សំរាប់ប្រជាជនទាំងអស់ ក្នុងការបញ្ចេញមតិរបស់ពួកគេ ដោយសេរី ឲ្យស្របទៅតាមសេចក្តីថ្លែងការណ៍ ជាសកល ស្តីពី សិទ្ធិមនុស្ស និងអនុសញ្ញាអន្តរជាតិ ស្តីពី សិទ្ធិស៊ីវិល និងនយោបាយ។ រដ្ឋាភិបាល មានកាតព្វកិច្ចក្នុងការការពារសេរីភាពនៃការបញ្ចេញមតិ និងប្រព័ន្ធផ្សព្វផ្សាយឯករាជ្យ ហើយនេះ វាមានសារៈសំខាន់ សំរាប់កម្ពុជា ក្នុងការបោះឆ្នោត ក្នុងឆ្នាំ២០១៣។
សូម រម្លឹកថា សេចក្តីថ្លែងការណ៍របស់សហភាពអឺរ៉ុប ដែលមាន ២៧ ប្រទេស ជាសមាជិកដូច្នេះ បានធ្វើភ្លាមៗ ខណៈដែលតុលាការរាជធានីភ្នំពេញ បានសម្រេចផ្តន្ទាទោសលោកម៉មសូណង់ដូ ដាក់ពន្ធនាគារ ២០ ឆ្នាំ និងពិន័យជាប្រាក់ចំនួន ១០ លានរៀល ក្នុងរឿងចោទប្រកាន់ បង្កើតតំបន់អបគមន៍ ប្រឆាំងរដ្ឋាភិបាល តាមរយៈជម្លោះដីធ្លី នៅភូមិប្រម៉ា ឃុំកំពង់ដំរី ស្រុកឆ្លូង ខេត្តក្រចេះ។
ក្នុង រឿងក្តីនោះ តុលាការក៏បានផ្តន្ទាទោស អ្នកភូមិសរុបចំនួន ១២ នាក់ផ្សេងទៀត ក៏ត្រូវបានតុលាការសម្រេចផ្តន្ទាទោស ដាក់ពន្ធនាគារពី ១០ ខែ រហូតដល់ ៥ ឆ្នាំ តែត្រូវព្យួរទោស។ ពោលគឺពលរដ្ឋពាក់ព័ន្ធរឿងដីធ្លីនៅខេត្តក្រចេះ ដែលបានជាប់ឃុំឃាំង ជាមួយលោកម៉មសូណង់ដូ ត្រូវបានតុលាការសម្រេចដោះលែងវិញហើយ។
បន្ទាប់ពីតុលាការប្រកាសសេចក្តីសម្រេចដូច្នេះភ្លាម ក្រុមពលរដ្ឋជាង ១០០ នាក់ ដែលគាំទ្រលោកម៉មសូណង់ដូ បានស្រែកយំ តវ៉ា លើកបដា និងដើរបាតុកម្មតាមផ្លូវ។ ប្រជាពលរដ្ឋ បានដាក់ញត្តិស្នាមមេដៃ ទៅកាន់ស្ថានទូតអាមេរិក និងលុតជង្គង់ នៅមុខព្រះបរមរាជវាំង ស្នើសុំព្រះមហាក្សត្រ ឲ្យជួយដោះលែងលោកម៉មសូណង់ដូ៕(CEN)
