ភ្នំពេញ ៖ បើទោះជាអ្នកគ្រប់គ្រង
មន្ទីរពហុព្យាបាលនិងសម្ភពវិសាលសុខ
ក៏ដូចជាវេជ្ជបណ្ឌិត១រូបទៀត បានចូល
ទៅបំភ្លឺនៅអយ្យការអមសាលាដំបូង រាជធានីភ្នំពេញ ក្នុងនាមជាចុងចោទ
កាលពីរសៀលថ្ងៃទី៥ ខែតុលា ឆ្នាំ២០១២
ពាក់ព័ន្ធទៅនឹងបណ្ដឹងរបស់ជនរងគ្រោះ ចោទប្រកាន់ថា
ការវះកាត់ក្រួសក្នុង ប្រមាត់បណ្ដាលឱ្យសមាជិករបស់ខ្លួន
ស្លាប់ក៏ដោយ ក៏មកទល់នឹងពេលនេះ
មន្ទីរពហុព្យាបាលនិងសម្ភពវិសាលសុខ នៅតែដំណើរការដដែល
ដូច្នេះក្រុមគ្រួ សារជនរងគ្រោះនៅតែមិនទាន់ទទួលបាន
ការសម្របសម្រួល ឬភាពយុត្ដិធម៌ណា មួយនៅឡើយ ។
ដើមហេតុនៃការប្ដឹងទៅលើនាយក គ្រប់គ្រងលោកវេជ្ជបណ្ឌិត ជា សំអាន អាយុ៥៥ឆ្នាំ និងវេជ្ជបណ្ឌិត ឃាង យ៉ាណា អាយុ៥៨ឆ្នាំ ដោយស្ដ្រីម្នាក់មកអយ្យការ អមសាលាដំបូងរាជធានីភ្នំពេញ ប្ដឹងពី បទមនុស្សឃាតដោយអចេតនា ព្រម ទាំងសុំឱ្យតុលាការផ្អាកដំណើរការមន្ទីរ ពហុព្យាបាលខាងលើនេះជាបណ្ដោះអាសន្ន ដោយសារតែខាងជនរងគ្រោះបានស្លាប់ បន្ទាប់ពីវះកាត់ក្រួសក្នុងប្រមាត់រយៈ ពេលមួយថ្ងៃក្រោយមក ។
ក្រុមគ្រួសារជនរងគ្រោះបានលើក ឡើងនៅក្នុងបណ្ដឹងរបស់ខ្លួនទៅកាន់អយ្យ ការថា ដោយសារការមានទំនុកចិត្ដទៅ លើក្រុមគ្រូពេទ្យនិងវេជ្ជបណ្ឌិត ឃាង យ៉ាណា ដែលបានទៅពិគ្រោះជំងឺបញ្ហា ក្រួសក្នុងប្រមាត់ ហើយលោកវេជ្ជបណ្ឌិត ឃាង យ៉ាណា បានអះអាងថា ជំងឺនេះ អាចព្យាបាលបានតាមរយៈការវះកាត់ និងពុំមានប៉ះពាល់ដល់អាយុជីវិតទេ ដូច្នេះ ដោយមានទំនុកចិត្ដពីវេជ្ជបណ្ឌិត ក៏ដូចជាអ្នកគ្រប់គ្រងមន្ទីរព្យាបាលនិង សម្ភពវិសាលសុខ ជនរងគ្រោះក៏បាន បើករថយន្ដមកកាន់មន្ទីរពហុព្យាបាល ជាមួយនឹងភរិយា ដើម្បីធ្វើការវះកាត់ ក្រួសក្នុងប្រមាត់ ។
ផ្ទុយទៅវិញ បន្ទាប់ពីមានការវះកាត់ រួចរាល់ អាការៈរបស់អ្នកជំងឺ(ជនរងគ្រោះ) បានហូរឈាមចេញពីកន្លែងស្នាមវះកាត់ ធ្វើឱ្យក្រុមគ្រួសារ ក៏ដូចជាភរិយារបស់ ជនរងគ្រោះមានការភ័យស្លន់ស្លោ និង អង្វរករឱ្យគ្រូពេទ្យជួយពិនិត្យឡើងវិញ ប៉ុន្ដែក្រុមគ្រូពេទ្យពេលពិនិត្យនិងដាក់ថ្នាំ រួចរាល់ ថែមទាំងពន្យល់ប្រាប់ទៅក្រុម គ្រួសារជនរងគ្រោះថា មិនអាចប៉ះពាល់ ដល់អាយុជីវិតអ្វីនោះឡើយ ។
បើទោះជាមានការអះអាងដោយ វេជ្ជបណ្ឌិតដែលបានវះកាត់ទៅលើជន រងគ្រោះបណ្ដាលឱ្យឈាមហូរចេញពី កន្លែងវះកាត់ ហើយមិនប៉ះពាល់ដល់ អាយុជីវិត ប៉ុន្ដែក្រោយមក ជនរងគ្រោះ បានស្លាប់នៅថ្ងៃបន្ទាប់ ដូច្នេះ ការស្លាប់ នេះ ក្រុមគ្រួសារជនរងគ្រោះបានធ្វើការ ចោទប្រកាន់ទៅលើក្រុមវេជ្ជបណ្ឌិតនិង អ្នកគ្រប់គ្រងមន្ទីរពហុព្យាបាលនិងសម្ភព វិសាលសុខ ធ្វេសប្រហែសចំពោះការ ងារវិជ្ជាជីវៈ ទើបធ្វើឱ្យសមាជិករបស់ខ្លួន បានស្លាប់នៅមន្ទីរព្យាបាលនេះ ។
នៅដំណាក់កាលអយ្យការ បើទោះជា ពុំមានប្រភពណាមួយបង្ហើបឱ្យដឹងថា តើចុងចោទទាំង២ខាងលើប្រឈមនឹងការ ចោទប្រកាន់ពីបទមនុស្សឃាតដោយ អចេតនានោះក៏ដោយ ប៉ុន្ដែប្រភពឱ្យជឿ ទុកចិត្ដបានពីតុលាការបញ្ជាក់ថា នាយក គ្រប់គ្រងមន្ទីរពហុព្យាបាលនិងសម្ភព វិសាលសុខ ព្រមទាំងវេជ្ជបណ្ឌិត ឃាង យ៉ាណា បានទទួលស្គាល់ថា ការវះកាត់ នេះពិតជាបណ្ដាលឱ្យជនរងគ្រោះស្លាប់ ពិតប្រាកដមែន ប៉ុន្ដែលោកវេជ្ជបណ្ឌិត ចាត់ទុកថា ជាកំហុសបច្ចេកទេសដែល ពុំមែនជាអំពើមនុស្សឃាតដោយអចេតនា ដូចអ្វីដែលក្រុមគ្រួសារជនរងគ្រោះ ចោទប្រកាន់នោះ ។
ក្រុមគ្រួសារជនរងគ្រោះធ្លាប់ ឱ្យដឹង ផងដែរថា កន្លងទៅ ខណៈដែលជនរងគ្រោះ បានស្លាប់ ខាងមន្ទីរពហុព្យាបាលបាន សម្របសម្រួលដើម្បីកុំឱ្យមានការប្ដឹង ផ្ដល់ផងដែរ ប៉ុន្ដែការសម្របសម្រួលនេះ មិនបានទទួលលទ្ធផល ទើបឈានដល់ ការពាក្យប្ដឹងមកកាន់អយ្យការអមសា លាដំបូងរាជធានីភ្នំពេញ ។
ពាក់ព័ន្ធនឹងបណ្ដឹងជនរងគ្រោះលើ អ្នកគ្រប់គ្រងនិងវេជ្ជបណ្ឌិត ឃាង យ៉ាណា ក្នុងបទអំពើមនុស្សឃាតដោយអចេតនា នេះ នគរវត្ដមិនអាចទាក់ទងបានទេពី លោកវេជ្ជបណ្ឌិតទាំង២រូបខាងលើ កាលពីព្រឹកថ្ងៃទី៩ខែតុលាឆ្នាំ២០១២ ដោយគ្មានលេខទូរស័ព្ទ ប៉ុន្ដែក្រុមគ្រួសារ ជនរងគ្រោះមានជំនឿថា តំណាងអយ្យ ការនឹងធ្វើការពិនិត្យស៊ើបអង្កេតក្នុង រឿងនេះ ដើម្បីឈានដល់ការផ្អាកដំណើរ ការមន្ទីរពហុព្យាបាលនិងសម្ភពវិសាល សុខ រហូតដល់មានការស៊ើបអង្កេតចប់ សព្វគ្រប់ក្នុងរឿងក្ដីនេះ ។
ចំពោះកំហុសឆ្គងបច្ចេកទេស ក៏ដូច ជាភាពខ្វះការទទួលខុសត្រូវរបស់អ្នកគ្រប់ គ្រង និងវេជ្ជបណ្ឌិត ក៏ដូចជាក្រុមគ្រូពេទ្យ នៅមន្ទីរពហុព្យាបាលនិងសម្ភពវិសាល សុខ មិនមែនត្រឹមតែកើតឡើងជាលើក ទី១សម្រាប់គ្រួសារជនរងគ្រោះប្ដឹងនេះ ទេ កន្លងទៅ មានបញ្ហាជាច្រើនទៀត ប៉ុន្ដែខាងមន្ទីរសុខាភិបាលរាជធានីភ្នំពេញ ក៏ដូចជាខាងក្រសួងសុខាភិបាល ហាក់ ដូចជាពុំបានគិតគូរពីបញ្ហានេះ ដូច្នេះ អ្នកជំងឺមួយចំនួនក៏បានលើកឡើងផង ដែរតាំងពីបញ្ហាសេវាព្យាបាលមានតម្លៃ ខ្ពស់ និងការព្យាបាលមិនបានបំពេញ កាតព្វកិច្ចឱ្យសមស្របទៅនឹងតម្លៃដែល អ្នកជំងឺត្រូវផ្ដល់ ។
សាស្ដ្រាចារ្យ១រូប ក៏បានលើកឡើង ផងដែរថា ខ្លួនធ្លាប់ទៅព្យាបាលជំងឺពោះ វៀនដុះខ្នែងនៅមន្ទីរពហុព្យាបាលនិង សម្ភពវិសាលសុខ ខណៈដែលអាការជំងឺ ពោះវៀនដុះខ្នែងនេះ ធ្វើឱ្យគាត់ចុកពោះ ខ្លាំង ប៉ុន្ដែទៅដល់មន្ទីរពហុព្យាបាល ក្រុម គ្រូពេទ្យនិងអ្នកគ្រប់គ្រងមិនបានយកចិត្ដ ទុកដាក់ បង្ខំឱ្យដេកចាំក្រុមគ្រូពេទ្យដែល កំពុងរវល់នៅខាងក្រៅ ដែលគាត់គិតថា ប្រសិនបើមិនបានចាកចេញពីមន្ទីរពហុ ព្យាបាលនិងសម្ភពវិសាលសុខទាន់ពេល វេលា ទៅវះកាត់នៅមន្ទីរពេទ្យកាល់ម៉ែត ទេនោះ គាត់នឹងរងគ្រោះ ដូច្នេះអាចនឹង មានអ្នកជំងឺផ្សេងទៀតទទួលការខកចិត្ដ ពីអ្នកគ្រប់គ្រងមន្ទីរពហុព្យាបាលខាងលើ ដូចគាត់ច្រើននាក់ទៀត ៕
