ចាប់ម៉ូតូអត់ស្លាក លេខ ឈានដល់ចាប់ មេខ្លោង និងបក្ខពួកចែកចាយ គ្រឿងញៀន ៧នាក់

ភ្នំពេញ 

៖ ជនសង្ស័យចំនួន៧នាក់ ក្នុង នោះមានម្នាក់ជាមេខ្លោងធំ ធ្វើសកម្មភាព ចែកចាយគ្រឿងញៀន ក្នុងមួយថ្ងៃចន្លោះពី ០,៥គីឡូក្រាម ទៅ១គីឡូក្រាម ហើយជន នេះមានមុខរបរជាអ្នកទិញនិងលក់រថយន្ដ ទៀតផង ។
ប្រតិបត្ដិការដែលធ្វើឡើងពីកម្លាំងនគរ បាលខណ្ឌពោធិ៍សែនជ័យ ដឹកនាំដោយលោក អធិការនគរបាលខណ្ឌ ប៊ន សំអាត និងកម្លាំង នគរបាលខណ្ឌទួលគោក ដឹកនាំដោយលោក អធិការហួត ចាន់យ៉ារ៉ាន់ បានបញ្ចេញប្រតិ បត្ដិការតាំងពីយប់រហូតដល់ព្រឹកថ្ងៃទី០៩ ខែមករា ឆ្នាំ២០១៣ ដោយឃាត់ខ្លួនជន សង្ស័យទាំង៧នាក់ ក្នុងនោះប្រុស៤នាក់ ស្រី ៣នាក់ ដែលការចាប់ខ្លួនជាបន្ដបន្ទាប់ធ្វើ ឡើងក្នុងខណ្ឌចំនួន៣ គឺខណ្ឌពោធិ៍សែនជ័យ ខណ្ឌទួលគោក និងខណ្ឌមានជ័យ បានកើត ឡើង ដោយផ្ដើមចេញពីការឃាត់បុរសម្នាក់ ជិះម៉ូតូអត់ស្លាកលេខ ខណៈកម្លាំងសមត្ថកិច្ច កំពុងត្រួតពិនិត្យច្បាប់ចរាចរជើងគោកនៅ សង្កាត់ចោមចៅ ខណ្ឌពោធិ៍សែនជ័យ កាល ពីយប់ថ្ងៃទី៨ ខែមករា ឆ្នាំ២០១៣។
យោងតាមប្រភពព័ត៌មានពីសមត្ថកិច្ច ដែលបានចូលរួមក្នុងប្រតិបត្ដិការតាមចាប់ មេខ្លោង និងបក្ខពួកទាំង៧នាក់ដែលធ្វើសកម្ម ភាពជួញដូរនិងចែកចាយគ្រឿងញៀនដ៏ធំមួយ ខាងលើនេះ បានឱ្យដឹងថា បន្ទាប់ពីសមត្ថកិច្ច បានឃាត់ខ្លួនបុរសម្នាក់ ជិះម៉ូតូអត់ស្លាកលេខ រួចមក សមត្ថកិច្ចបានសួរក៏បែកធ្លាយជាប់ ពាក់ព័ន្ធនឹងសកម្មភាពប្រើប្រាស់ចែងចាយ គ្រឿងញៀន ដែលមានមេខ្លោងនៅខណ្ឌ ទួលគោក ។
សមត្ថកិច្ចបានបន្ដថា បន្ទាប់ពីសួរនាំជន សង្ស័យរូបនេះ ដឹងរឿងហេតុអស់ហើយនោះ កម្លាំងសមត្ថកិច្ចខណ្ឌពោធិ៍សែនជ័យ របស់ លោកប៊ន សំអាត បានសុំសហការជាមួយ កម្លាំងនគរបាលខណ្ឌទួលគោក ដោយមាន ការឯកភាពពីព្រះរាជអាជ្ញាអមសាលាដំបូង រាជធានីភ្នំពេញនោះ បានចុះទៅឆែកឆេរនៅ ផ្ទះលេខ២២៧ ផ្លូវលេខ១៣៨ សង្កាត់ទឹក ល្អក់ទី១ ក្រោយមន្ទីរពេទ្យលោកសង្ឃ ក្នុង ខណ្ឌទួលគោក ដោយឃាត់ខ្លួនមនុស្សចំនួន ៤នាក់ រួមទាំងថ្នាំញៀននិងកាំភ្លើងមួយដើម ផងដែរ។
បើយោងតាមសមត្ថកិច្ច ក្រោយពីការ ឃាត់ខ្លួន ជនសង្ស័យទាំង៤នាក់រួមទាំងមេ ខ្លោងផងនោះ កម្លាំងសមត្ថកិច្ចបានបន្ដទៅ ឆែកឆេរនៅទីតាំងមួយទៀត ក្នុងខណ្ឌមាន ជ័យ ដោយឃាត់ខ្លួនជនសង័្សយចំនួន២នាក់ ថែមទៀត ដូច្នេះសរុបទាំងអស់ ចំនួន៧នាក់។
ប្រភពព័ត៌មានពីសមត្ថកិច្ចបានបន្ដថា ជន សង្ស័យទាំង៧នាក់ ដែលត្រូវចាប់ខ្លួនជាបន្ដ បន្ទាប់ខាងលើនេះ រួមមានទី១ ឈ្មោះហេង សេង ជាមេខ្លោង អាយុ៣០ឆ្នាំ មុខរបរទិញ និងលក់រថយន្ដស្នាក់នៅផ្ទះលេខ២២៧ ផ្លូវ លេខ១៣៨ សង្កាត់ទឹកល្អក់ទី១ ខណ្ឌទួល គោក ដែលជននេះក្នុងមួយថ្ងៃអាចធ្វើសកម្ម ភាពចែកចាយថ្នាំញៀន ចន្លោះពី០,៥គីឡូ ក្រាមទៅ១គីឡូក្រាម ទី២ ឈ្មោះហេង ស៊ីម ភេទប្រុស អាយុ២៨ឆ្នាំ មុខរបរជាសិស្ស សាលា ស្នាក់នៅខណ្ឌ៧មករា ទី៣ ឈ្មោះ អ៊ុំ វណ្ណី ភេទប្រុស អាយុ១៧ឆ្នាំ មុខរបរជាសិស្ស រស់នៅខេត្ដកំពង់ស្ពឺ ទី៤ ឈ្មោះគង់ លីហ្សា ភេទស្រី អាយុ២៣ឆ្នាំ មុខរបរលក់ដូរ ស្នាក់ នៅជាមួយមេខ្លោង ទី៥ ឈ្មោះសុវណ្ណ សិទ្ធិ ការ ភេទស្រី អាយុ២១ឆ្នាំ ស្នាក់នៅជាមួយ មេខ្លោង មុខរបរលក់ដូរ ទី៦ ឈ្មោះអ៊ុក ទីយ៉ានិត ភេទស្រី អាយុ១៩ឆ្នាំ ស្នាក់នៅ សង្កាត់ស្ទឹងមានជ័យ ខណ្ឌមានជ័យ និងទី៧ មិនទាន់ស្គាល់អត្ដសញ្ញាណនៅឡើយ ដែល ជននេះ ត្រូវបានសមត្ថកិច្ចឃាត់ខ្លួនកាលពី យប់ថ្ងៃទី៨ ខែមករា ឆ្នាំ២០១៣ បន្ទាប់ពីជិះ ម៉ូតូអត់ស្លាកលេខ ។
ទាក់ទិនការបង្ក្រាបមេខ្លោងនិងបក្ខពួក ចែកចាយគ្រឿងញៀនដ៏ធំមួយ នៅក្នុងរាជ ធានីភ្នំពេញ ខាងលើនេះ ត្រូវបានសមត្ថកិច្ច បញ្ជាក់ថា ក្រោយចាប់ខ្លួនសមត្ថកិច្ចបានរឹប អូសថ្នាំញៀនមួយចំនួន រថយន្ដមួយគ្រឿង ម៉ូតូធុនធំ ចំនួន២គ្រឿង និងកាំភ្លើងខ្លីមួយ ដើម ដែលកាំភ្លើងខ្លីនេះ ត្រូវបានមេខ្លោង ឈ្មោះហេង សេង លាក់ទុកនៅក្នុងសៀវភៅ ធំមួយ ហើយគ្មាននរណាដឹងនោះទេ ។
អធិការនគរបាលខណ្ឌពោធិ៍សែនជ័យ លោកប៊ន សំអាត បានប្រាប់អ្នកកាសែតថា ជនសង្ស័យទាំង៧នាក់ខាងលើនេះ ជាមេខ្លោង ដ៏ធំ ដែលធ្វើសកម្មភាពចែកចាយគ្រឿងញៀន ដ៏ សកម្មនាពេលកន្លងមក ក្នុងរាជធានីភ្នំ ពេញ ។
បន្ទាប់ពីឃាត់ខ្លួនជនសង្ស័យទាំងនេះ ត្រូវបានសមត្ថកិច្ចបញ្ជូនខ្លួនទៅសួរបន្ដទៀត នៅអធិការដ្ឋាននគរបាលខណ្ឌពោធិ៍សែនជ័យ ដើម្បីកសាងសំណុំរឿងបញ្ជូនទៅតុលាការ ចាត់ការតាមនីតិវិធី៕(dapnews)

មេខ្លោងចែក ចាយថ្នាំញៀន ឈ្មោះហេង សេង