ពាក់ព័ន្ធករណីឃាដកម្មនេះ នគរបាលព្រហ្មទណ្ឌកំរិតធ្ងន់នៃស្នងការដ្ឋាននគរបាល ខេត្តកំពង់ធំ បានឲ្យដឹងថា ដោយមានបញ្ជាពីលោកឧត្តមសេនីយ៍ត្រី ផាន់ សុផេង ស្នងការនគរបាលខេត្ត ជនដៃដល់ឈ្មោះ ចក គឹមជីន អាយុ៤៣ឆ្នាំ មានតួនាទីជា នាយប៉ុស្តិ៍រដ្ឋបាលនគរបាល ឃុំចំណាក្រោម ស្រុកស្ទោង ត្រូវបានចាប់បញ្ជូនខ្លួនទៅ សាលាដំបូងខេត្តកំពង់ធំ បន្ទាប់ពីជននេះបានធ្វើបាញ់សម្លាប់កូនប្រុស ទី១-ឈ្មោះ ចក សុជាតិ អាយុ១៤ឆ្នាំ បណ្ដាលឲ្យស្លាប់ ទី២-ឈ្មោះចក ចិន្តា ភេទស្រី អាយុ៥ឆ្នាំ រងរបួសធ្ងន់ និងទី៣ឈ្មោះ ហើ សភឿន អាយុ៣៤ឆ្នាំ ត្រូវជាប្រពន្ធ រងរបួសធ្ងន់ កាលពីវេ លាម៉ោង២១និង១០នាទីយប់ថ្ងៃទី២០ មករា ឆ្នាំ២០១៣ នៅចំណុចភូមិព្រះនង្គ័ល ឃុំចំណាក្រោម ស្រុកស្ទោង ខេត្តកំពង់ធំ។
នគរបាលព្រហ្មទណ្ឌកម្រិតធ្ងន់បានបន្តថា តាមការឲ្យដឹងពីសាក្សីនៅជិតកន្លែងកើតហេតុ បញ្ជាក់ថា មុនពេលកើតហេតុគេបានឃើញប្រពន្ធជនសង្ស័យដើរត្រឡប់ មកពីមើលទូរទស្សន៏នៅផ្ទះអ្នកជិតខាងរួច ក៏ចូលក្នុងផ្ទះទាញទ្ធារបិតយ៉ាងខ្លាំង ស្របពេលដែលប្ដីដូចជាស្រវឹងតិចៗផង ។ មួយសន្ទុះក៏ស្រាប់តែឮស្នូរផ្ទុះគ្រាប់កាំភ្លើង ផ្ទួនៗជាច្រើនគ្រាប់តែម្តង ធ្វើឲ្យអ្នកជិតខាងភិតភ័យស្មានតែមានចោរប្លន់ ។ ប្រភពក៏បានបន្តថា កន្លងមកប្ដីតែងតែមានការប្រច័ណ្ឌប្រពន្ធ ហើយជនសង្ស័យធ្លាប់បាននិយាយប្រាប់អ្នកជិតខាង អំពីឮសកម្មភាពប្រពន្ធលួចទៅមានទំនាក់ទំនងស្នេហាជាមួយបុរសម្នាក់ ផ្សេងទៀត ជាហេតុធ្វើ ឲ្យជនសង្ស័យ មិនសប្បាយចិត្ត ។ នគរបាលបានបន្តថា ករណីនេះអាចជារឿងផ្ទៃក្នុងគ្រួសារ ។
ប៉ុន្តែទោះយ៉ាងណាពាក់ព័ន្ធករណីនេះ លោកឧត្តមសេនីយ៍ត្រី ផាន់ សុផេង ស្នងការខេត្តកំពង់ធំ បានបញ្ជាក់ថា លោកបានសុំគោលការពី នាយឧត្តមសេនីយ៍អគ្គស្នងការ និងបានអនុវត្តតាមច្បាប់ហើយ ។
នៅរសៀលថ្ងៃទី២១ ខែមករា ឆ្នាំ២០១៣ ជនដៃដល់ ត្រូវបាននគរបាលព្រហ្មទណ្ឌកម្រិតធ្ងន់កសាងសំណុំរឿងបញ្ជូនខ្លួនទៅ សាលាដំបូងខេត្តកំពង់ធំ ហើយដើម្បីបន្តនីតិវិធី ។
ពាក់ព័ន្ធករណីនេះប្រជាពលរដ្ឋជាច្រើន បានធ្វើការរិះគន់ យ៉ាងខ្លាំងទៅលើបុគ្គលម្នាក់នេះ ដែលខ្លួនមានតួនាទីជាអ្នកអនុវត្តច្បាប់ម្នាក់មិនគួរជ្រើ សរើសយកវិធីអគតិបែបនេះសម្រាប់ដោះស្រាយប
