ខេត្តឧត្តរមានជ័យ ៖
ស្ត្រីបំរើការក្នុងហាងខារ៉ាអូខេម្នាក់
បានធ្វើឃាតចងកសម្លាប់ខ្លួននៅក្នុង
បន្ទប់នៅក្បែរអាហារដ្ឋានខារ៉ាអូខេ យីហោ ស្ទង់ទឹក
ដែលហេតុការណ៍កើតឡើងតាំងពីវេលាម៉ោង១១យប់ ថ្ងៃ៧ ខែមករា
ឆ្នាំ២០១៣ ស្ថិតនៅភូមិផ្សារសំរោង សង្កាត់កូនក្រៀល ក្រុងសំរោង
ខេត្តឧត្តរមានជ័យ។ស្ត្រីរងគ្រោះត្រូវបានគេ ស្គាល់ឈ្មោះ កង ល័ក្ខ អាយុ២១ឆ្នាំ សញ្ជាតិខ្មែរ មានស្រុកកំណើតនៅភូមិត្បែង ឃុំត្រែង ស្រុកកំពង់ស្វាយ ខេត្តកំពង់ធំ សព្វថ្ងៃបំរើការនៅក្នុងហាងខារ៉ាអូខេស្ទង់ទឹក ក្នុងក្រុងសំរោង។
បើតាមឱ្យដឹងពីលោក សេង ឡូ ដែលជាម្ចាស់ហាងអាហារដ្ឋានខារ៉ាអូខេស្ទង់ទឹក បានឱ្យដឹងថា នៅយប់កើតហេតុស្ត្រីរងគ្រោះបានយកស្រាបៀរប្រហែល១០ដប នៅក្នុងកន្លែងធ្វើការ ហើយបានទូរស័ព្ទហៅប្រុសស្នេហ៍មកផឹកជាមួយ តែប្រុសស្នេហ៍មិនមកលុះព្រឹកឡើងទើបដឹងស្ត្រីរងគ្រោះបានចងក សម្លាប់ខ្លួន ។ ក្រោយកើតហេតុ សពត្រូវបានម្ចាស់ហាងខារ៉ាអូខេស្ទង់ទឹកយកទៅកប់ ពុំមានសាច់ញាតិណាម្នាក់មកទាន់យកសព្វធ្វើបុណ្យនៅស្រុកកំណើតទេ ៕(nokorwat)
