ក្រុមចោរ ចូលប្លន់ ហាងទូរស័ព្ទ មួយកន្លែង នៅក្បែរ ផ្សារសូរិយា រួចគេចខ្លួនបាត់

ភ្នំពេញៈក្រុមចោរមួយក្រុម ដែលមានគ្នា២នាក់ នៅវេលាម៉ោង ៧និង៤០នាទី ព្រឹកថ្ងៃទី២០ ខែមករា ឆ្នាំ២០១៣នេះ បានចូលប្លន់ ហាងលក់ទូរស័ព្ទដៃ និងបញ្ចាំ មួយកន្លែង នៅក្បែរផ្សារទំនើបសូរិយា ស្ថិតនៅ ផ្ទះ១៣Eo ផ្លូវ១៩២ សង្កាត់ផ្សារថ្មី ខណ្ឌដូនពេញ រាជធានីភ្នំពេញ បង្កឱ្យមានការភ្ញាក់ផ្អើលយ៉ាងខ្លាំង ដល់ប្រជាពលរដ្ឋនៅក្បែរនោះ ។

សេចក្តីរាយការណ៍ ពីកន្លែងកើតហេតុបានឱ្យដឹងថា នៅវេលាម៉ោងកើតហេតុខាងលើនេះមានក្រុមចោរ២នាក់ បាន ជិះម៉ូតូមួយគ្រឿងមានម៉ាក់ ស្មាស រីវ៉ូ ដែលគេពុំទាន់ដឹងអត្តសញ្ញាណ បានចូលបន្លំខ្លួន ធ្វើជាអ្នក ទិញ ទូរស័ព្ទ ហើយក៏ដើរទៅជិតអ្នកលក់ បានភ្ជង់គំរាម ដោយកាំភ្លើងខ្លី រួចហើយក៏ប្រមូលទ្រព្យសម្បត្តិ និងលុយ ដែលគិតជាទឹកប្រាក់ទាំងអស់សរុបជិត២ម៉ឺនដុល្លារសហរដ្ឋអាមេរិករួចគេចខ្លួន បានដោយសុវត្ថិភាព តាមម៉ូតូមួយគ្រឿង។
សមត្ថកិច្ចដែលចុះទៅដល់កន្លែងបានឲ្យដឹងថា ជនរងគ្រោះភេទស្រី ឈ្មោះ ជា ទិន អាយុ៤៧ឆ្នាំ មានមុខ របរជាអ្នកលក់ទូរស័ព្ទ និងបញ្ចាំគ្រឿងលង្ការនានា នៅទីតាំងកន្លែងកើតហេតុនេះ នៅពេលដែលជនរងគ្រោះ រៀបចំ បើកលក់ដូរដូចសព្វមួយដងនោះស្រាប់តែបុរស២នាក់ បានមកឈប់នៅក្បែរខ្លួន ហើយធ្វើជាសួរ ទិញទូរស័ព្ទ មួយសន្ទុះក្រោយមក ក៏បានដកកាំភ្លើងខ្លី មកផ្ចងគំរាមយករបស់របរមានតម្លៃពីស្រ្តីរងគ្រោះ ក៏វាយប្រតបគ្នាទៅវិញទៅមក ហើយក្រុមចោរក៏បានឆក់កាបូមយកទៅតែម្តង ។ ឪពុកជនរងគ្រោះបានឲ្យដឹង ដែរ កូនស្រីរបស់គាត់បើកហាងលក់ដូរដូចធម្មតា ប៉ុន្តែនៅព្រឹកថ្ងៃទី២០ ខែមករា នេះ ជាអកុសលអាក្រក់ អ្វីបានជាចូល២នាក់បាន ចូលផ្ចង់ប្លន់យករបស់មានតម្លៃទាំងនេះទៅបាត់តែម្តងដោយសុវត្ថិភាព។
ឪពុកនារីស្រ្តីរងគ្រោះបន្តថា នៅពេលមានហេតុការណ៍នេះកើតឡើងក៏មាន ប្រជាពលរដ្ឋនៅក្បែរនោះ បានឃើញ ហើយ ក៏ប្រុងចូលជូយ ប៉ុន្តែត្រូវបានចោរពីរនាក់នោះយកកាំភ្លើងមក គំរាមបាញ់សម្លាប់ អ្នកដែលចូលមកជួយថែមទៀតផង។
បច្ចុប្បន្នសមត្ថកិច្ចកំពុងចុះធ្វើការស្រាវជ្រាវកំណត់រកមុខសញ្ញាជនសង្ស័យទាំងពីរដើម្បីយក មកផ្តន្ទាទោស តាមផ្លូវច្បាប់៕
ព័ត៌មានលម្អិត យ៉ាងណានោះ ដើមអម្ពិល នឹងធ្វើការរាយការណ៍ ជាក្រោយ ។(dapnews)