ភ្នំពេញ ៖ ក្រសួងទេសចរណ៍
និងស្ថាប័នពាក់ព័ន្ធបានបើកកិច្ចប្រជុំស្ដីពីការ
គ្រប់គ្រងស៊ីក្លូ និងការអភិរក្សស៊ីក្លូ ព្រឹក ថ្ងៃទី៩ ខែមករា
នៅទីស្ដីការក្រសួង ស្រប តាមអនុសាសន៍ណែនាំដ៏ខ្ពង់ខ្ពស់របស់
សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រី នាថ្ងៃទី២៦
ខែ វិច្ឆិកា ឆ្នាំ២០១២កន្លងមក ក្រោមវត្ដមានលោក ថោង ខុន
រដ្ឋមន្ដ្រីក្រសួង ទេសចរណ៍ ដោយមានការចូលរួមពី
ប្រធានសមាគមស៊ីក្លូរាជធានីភ្នំពេញ
និងអ្នកធាក់ស៊ីក្លូជាច្រើនរូប ។លោកនួន សុមេធ អនុរដ្ឋលេខាធិការ ក្រសួងទេសចរណ៍បានឱ្យដឹងថា នៅភ្នំពេញ សព្វថ្ងៃមានស៊ីក្លូសរុប៥១៧នៅក្នុង៤ខណ្ឌ ក្នុងខណ្ឌទួលគោកមាន៨១គ្រឿង, ដូនពេញមាន១១០គ្រឿង, ៧មករា២០៥ គ្រឿង និងខណ្ឌចំការមន៨៧គ្រឿង ហើយ សមាគមអភិរក្សស៊ីក្លូមាន៤០គ្រឿង និង ស៊ីក្លូរត់ចល័តមាន៥៤គ្រឿង ។
លោក អ៊ឹម សម្បត្ដិ ប្រធានសមាគម ស៊ីក្លូបានរាយការណ៍ថា ដំបូងឡើយក្នុង ឆ្នាំ១៩៩៩ ដោយមានការគ្រាំទ្រពីអង្គការ WHO លោកបង្កើតបានក្រុមគ្រប់គ្រង ស៊ីក្លូមួយក្រុមក្នុងគោលបំណងយកចិត្ដ ទុកដាក់លើបញ្ហាអប់រំសុខភាពតែប៉ុណ្ណោះ ។ ប៉ុន្ដែមកដល់ឆ្នាំ២០១០ បានឈានទៅ បង្កើតជាសមាគមអភិរក្សស៊ីក្លូ និង មុខរបរក្រៅប្រព័ន្ធ ហើយទទួលបានការ យល់ព្រមទទួលស្គាល់ពីក្រសួងមហាផ្ទៃ តាមលិខិតលេខ២២០ ស.ជ.ណ ចុះថ្ងៃទី៥ ខែកុម្ភៈ ឆ្នាំ២០១០ ។ សព្វថ្ងៃនេះសមាគម មានគណៈកម្មការដឹកនាំ៤នាក់ និងមាន សមាជិក៤៤៧រូប ដែលមានគោល បំណងសំខាន់ គឺជួយថែទាំសុខភាពតាម រយៈការអប់រំពីអនាម័យផលប៉ះពាល់នៃ ការជក់បារី ក៏ដូចជាជួយលើកស្ទួយជីវ ភាពប្រចាំថ្ងៃរបស់អ្នកធាក់ស៊ីក្លូ ។
ក្នុងកិច្ចប្រជុំនេះសមាគមស៊ី ក្លូមាន ការគាំទ្រអនុសាសន៍របស់សម្ដេចតេជោ ហ៊ុន សែន ក្នុងការអភិរក្សស៊ីក្លូដើម្បី បម្រើឱ្យការអភិវឌ្ឍទេសចរណ៍ និងការ ប្រឡងប្រណាំងទីក្រុងស្អាត សេវាល្អ និងគាំទ្រនយោបាយទេសចរណ៍អភិរក្ស ដើម្បីអភិវឌ្ឍន៍ ។
លោករដ្ឋមន្ដ្រីបានផ្ដល់អនុសាសន៍ ដល់សមាគមត្រូវពង្រឹងការដឹកនាំរបស់ ខ្លួន និងទំនាក់ទំនងឡើងវិញបញ្ចូល សមាជិកស៊ីក្លូឱ្យបានច្រើនថែមទៀត ព្រម ទាំងអភិរក្សវិស័យដឹកជញ្ជូនស៊ីក្លូឱ្យបាន ល្អឡើងវិញ ។ រៀបចំកែលំអស៊ីក្លូឱ្យមាន សោភណភាពចំពោះស៊ីក្លូ និងអ្នករត់ស៊ីក្លូ ត្រូវការចុះបញ្ជីគ្រប់គ្រងឱ្យបានច្បាស់ លាស់ មានស្លាកសញ្ញាត្រូវរៀបចំសិក្សា រៀនសូត្រអំពីការបដិសណ្ឋារកិច្ច ។ បង្កើនការគាំទ្រនិង ឧបត្ថម្ភពីអង្គការដៃគូ និងសប្បុរសជននានា ក្នុងនោះជាសំខាន់ ការរៀបចំវគ្គបំប៉នការយល់ដឹងពីការ ថែទាំសុខភាព សុវត្ថិភាព សីលធម៌ និង ច្បាប់ចរាចរណ៍ ។
ក្រសួងទេសចរណ៍ និងសាលារាជធានី ភ្នំពេញ បានកំណត់ទីតាំងចំណតស៊ីក្លូ ដឹកភ្ញៀវទេសចរ២កន្លែង គឺនៅចំណត រថយន្ដវត្ដបទុមវតី និងខាងត្បូងសាល ពិព័រណ៍វត្ដភ្នំ ។ រីឯផ្លូវរត់សម្រាប់ស៊ីក្លូ មានពីវត្ដភ្នំ, ផ្លូវនរោត្ដម, វិមានឯករាជ្យ, ព្រះសីហនុ, សុធារស, ស៊ីសុវត្ថិ ហើយ ត្រឡប់មកវត្ដភ្នំវិញ ៕
