ប្រជាពលរដ្ឋភាគច្រើន ដែលកំពុងរស់នៅ
ជុំវិញបឹងទន្លេសាប គឺមានមុខរបរជាអ្នកនេសាទ។ ពួកគាត់សប្បាយចិត្ត
នៅពេលដែលនេសាទត្រីបានច្រើន។
ដោយមើលឃើញនូវបញ្ហាចំពោះមុខរាជរដ្ឋាភិបាលកម្ពុជា
ដែលមានសម្តេចអគ្គមហាសេនាបតីតេជោ ហ៊ុន សែន ជាប្រមុខ
បានសម្រេចធ្វើកំណែទម្រង់វិស័យជលផលជាថ្មី ដោយលុបឡូត៍នេសាទ
នៅទូទាំងប្រទេស ទុកអោយប្រជាពលរដ្ឋ ធ្វើនេសាទជាលក្ខណៈ គ្រួសារ
និងរៀបចំ ជាកន្លែងអភិរក្សជលផល លើផ្នែកខ្លះ។
គោលនយោបាយនេះ
ត្រូវបានប្រជាពលរដ្ឋនៅទូទាំងប្រទេស គាំទ្រយ៉ាងពេញទំហឹង
និងសប្បាយរីករាយយ៉ាងក្រៃលែង ពីព្រោះពួកគាត់ អាចនេសាទត្រីបានស្រួល
និងចាប់ត្រីបានច្រើន មិនដូចពីពេលមុន ការនេសាទរបស់ពួកគាត់
ត្រូវបានហាមឃាត់ ពីពួកថៅកែឡូត៍។
នៅក្នុងខ្នើតខែបុស្សនេះ ត្រីបានចាប់ផ្តើមចរាចរណ៍
ហែចុះពីបឹងទន្លេសាប ជាបន្តបន្ទាប់ទៀត ដែលធ្វើអោយប្រជានេសាទ
ចាប់ត្រីបានច្រើន ជាពិសេស គឺត្រីសម្រាប់ ធ្វើប្រហុក ផ្អក
និងត្រីឆ្អើ។
ប្រជានេសាទ បានអោយដឹងនៅថ្ងៃ១២ មករា ថា
ប្រភេទត្រីលិញ ត្រីរៀល និងត្រីស្លឹកឫស្សី ដែលជាប្រភេទត្រី
សម្រាប់ធ្វើប្រហុក ផ្អក មួយក្បាលទូកៗ អាចចាប់បានពី ១០០ គីឡូក្រាម
ទៅ ២០០ គីឡូក្រាម ក្នុងមួយថ្ងៃ។ សម្រាប់ត្រីធំ មួយក្បាលទូក
អាចចាប់បានពី ១៥ គីឡូក្រាម ទៅ ៣០គីឡូក្រាម ក្នុងមួយថ្ងៃ។
ចំពោះតម្លៃវិញ ឡើងចុះមិនទៀងទាត់ ទៅតាមត្រីសម្បូរ ឬមិនសម្បូរ។
ប្រជានេសាទបានសម្តែងនូវការសប្បាយរីករាយ នៅពេលដែលពួកគាត់
នេសាទត្រីបានច្រើន ហើយពួកគាត់ក៏បាន ថ្លែងអំណរគុណផងដែរ
ចំពោះសម្តេចអគ្គមហាសេនាបតីតេជោ ហ៊ុន សែន ដែលបានលុបឡូត៍នេសាទ
ទុកអោយប្រជាពលរដ្ឋ ធ្វើការនេសាទ ជាលក្ខណៈគ្រួសារ បានងាយស្រួល
មិនដូចពេលមុន។
លោក
សេង ប៊ុនឈឿន នាយខ័ណ្ឌរដ្ឋបាលជលផល
កំពង់ឆ្នាំង បានអោយដឹងថា ត្រីធំ បានចាប់ផ្តើមត្រូវ កាលពីថ្ងៃទី១០
និងត្រីល្អិត សម្រាប់ធ្វើប្រហុក ផ្អក បានចាប់ផ្តើមត្រូវខ្លាំង
នៅតំបន់ឆ្នុកទ្រូ កាលពីថ្ងៃទី១២ ខែមករា ឆ្នាំ២០១៣
ហើយនៅព្រឹកថ្ងៃទី១៣ ខែមករានេះ ត្រីបានចុះមកដល់ឡូត៍លេខ៦
និងឡូត៍លេខ៩ ខេត្តកំពង់ឆ្នាំងហើយ។ ប្រជាពលរដ្ឋ អាចចាប់ត្រី
បានច្រើន ពីព្រោះត្រី នឹងបន្តត្រូវជាបន្តទៀត៕(cen)
