ភ្នំពេញ៖ រថយន្តដី ចំនួន២គ្រឿង កាលពីវេលាម៉ោង
ប្រហែល១៖៣០នាទី រសៀលថ្ងៃទី១៣ ខែមករា ឆ្នាំ២០១៣ នេះ បានបុកគ្នា បង្កឲ្យមាន
ភ្លើងឆាបឆេះ ទៅលើរថយន្តទាំង ពីរគ្រឿងនោះ នៅខាងជើង វត្តឃ្មួញចម្ងាយ១០០ម៉ែត្រ
ក្នុងសង្កាត់ឃ្មួញ ខណ្ឌសែនសុខ បណ្តាលឲ្យ មនុស្សពីរនាក់ស្លាប់ ។សេចក្តីរាយការណ៍ ពីសមត្ថកិច្ច បានឲ្យដឹងថា មុនពេលកើតហេតុ រថយន្តដឹកដីពេញ មួយគ្រឿង បានបើកវ៉ាគេ វ៉ាឯង រួចដល់ចំណុចកើតហេតុ ក៏ជ្រុលទៅបុក រថយន្តដឹកដី មួយគ្រឿងទៀត ប៉ុន្តែរថយន្តទទេ បណ្តាលឲ្យរថយន្ត ទាំងពីរគ្រឿង ឆាបឆេះ បណ្តាលឲ្យអ្នកបើករថយន្ត ម្នាក់ឆេះខ្លោច ស្លាប់ភ្លាមៗ នៅកន្លែងកើតហេតុ និងម្នាក់ទៀត ស្លាប់ពេលបញ្ជូន ដល់មន្ទីរពេទ្យកាល់ម៉ែត។
យ៉ាងណាក៏ដោយ ជនរងគ្រោះមិនទាន់ ស្គាល់អត្តសញ្ញាណ នៅឡើយទេ ៕
