ដោយ ៖ ហេង សូរិយា
ថ្ងៃទី 21 មករា 2013ម៉ោង 15:17:04
ភ្នំពេញ ៖
ក្រសួងសង្គមកិច្ចអតីត យុទ្ធជន និងយុវនីតិសម្បទា និងជាសហ
ប្រធានក្រុមការងារ ទំនាក់ទំនងវិជ្ជាជីវៈ បានបញ្ជាក់ថា
ក្រុមការងារទំនាក់ទំនង វិជ្ជាជីវៈបានរៀបចំកិច្ចប្រជុំនៅថ្ងៃទី២១
ខែមករា ឆ្នាំ២០១៣ វេលាម៉ោង៨និង៣០នាទីព្រឹក
នៅសាលប្រជុំទីស្ដីការ ក្រសួងសង្គមកិច្ច អតីតយុទ្ធជន និងយុវ
នីតិសម្បទា ដើម្បីពិភាក្សាបញ្ហាប្រាក់ ឈ្នួលអប្បបរមារបស់កម្មករ
កម្មការីនី ធ្វើការនៅតាមរោងចក្រកាត់ដេរសម្លៀក បំពាក់
និងផលិតស្បែកជើង ដោយមាន ការចូលរួមពីតំណាងក្រសួង ស្ថាប័ន
តំណាងភាគីនិយោគជក តំណាងភាគី សហជីព អង្គការអន្ដរជាតិខាងការងារ
(ILO) អង្គការដៃគូពាក់ព័ន្ធ ព្រមទាំង
សមាជិកក្រុមការងារទំនាក់ទំនងវិជ្ជាជីវៈ។ បន្ទាប់ពីពិភាក្សាយ៉ាងល្អិតល្អន់ អង្គ ប្រជុំបានឯកភាពដូចខាងក្រោមៈ ១- ឯកភាពជាគោលការណ៍លើការពិភាក្សា ដំឡើងប្រាក់ខែឈ្នួលអប្បបរមាជូនដល់ កម្មករនិយោជិត ។
២- អង្គប្រជុំបានស្នើដល់ភាគីសហ ជីពទាំងអស់ជួបប្រជុំគ្នាលើកសំណើឯក ភាពរួមតែមួយលើការដំឡើងប្រាក់ ឈ្នួលអប្បបរមា ដើម្បីពិភាក្សាជាមួយ និងយោជករកដំណោះស្រាយ។ តំណាង អង្គការពលកម្មអន្ដរជាតិខាងការងារ (ILO) យល់ព្រមសម្របសម្រួលកិច្ច ពិភាក្សារបស់សហជីព និងការពិភាក្សា រវាងសហជីពជាមួយសមាគមនិយោ ជក ។ ក្រសួងសង្គមកិច្ច អតីតយុទ្ធជន និងយុវនីតិសម្បាទា ចាត់តាំងលោក ឃួន វ៉ានីន អនុរដ្ឋលេខាធិការ និងក្រសួង ការងារ និងបណ្ដុះបណ្ដាលវិជ្ជាជីវៈ ចាប់ តាំងលោក សាត សាមុទ្រ អនុរដ្ឋលេខា ធិការ ដើម្បីសម្របសម្រួល និងសហការ ជាមួយអង្គការ ILO ក្នុងការចូលរួមប្រជុំ ជាមួយតំណាងសហជីពទាំងអស់ និង តំណាងសមាគមនិយោជក ។
៣-ក្រុមការងារទំនាក់ទំនងវិជ្ជាជីវៈ នឹងរៀបចំកិច្ចប្រជុំដែលមានការចូល រួមពីគ្រប់ភាគីទាំងអស់ ដើម្បីពិនិត្យ និង សម្រេចលើសំណើដែលបានឯកភាព រវាងតំណាងសហជីពទាំងអស់នឹងសមា គមនិយោជក នៅថ្ងៃទី២៦ ខែកុម្ភៈ ឆ្នាំ ២០១៣ ។
៤-អង្គប្រជុំស្នើសុំដល់សហជីពទាំង អស់ និងស្នើសមាគមនិយោជកខិតខំ ដោះស្រាយឱ្យអស់លទ្ធភាពនូវសំណូម ពររបស់កម្មករ និយោជិត ដើម្បីកែលម្អ ជីវភាព និងប្រសិទ្ធភាពការងារនៃរោង ចក្រ សហគ្រាស ៕(NOKORWAT)
