Hot News: May 2012

Thursday, May 31, 2012

មនុស្សស្លាប់៧នាក់ និងរបួសច្រើននាក់ រថយន្តបឺសខ្នាតធំបុកគ្នាពេញទំហឹងជាមួយរថយន្តដឹកឈើ

ខេត្តកំពង់ធំ ៖ រថយន្តបឺសកាពីតូលដឹកអ្នកដំណើរខ្នាតធំបានបុកគ្នាជាមួយរថយន្ត ដឹកឈើក្រពឹតរួញរៀងៗខ្លួនខ្ទាតឆ្ងាយពីគ្នាប្រហែល២ម៉ែត្រ ក្លាយជាសោកនាដកម្មដ៏គួរឱ្យរន្ធត់មួយស្លាប់មនុស្ស៧នាក់ រងរបួសធ្ងន់-ស្រាល២១នាក់ (ប្រុស១០នាក់ ស្រី១១នាក់ ក្នុងនោះមានក្មេងស្រីអាយុ៣ឆ្នាំម្នាក់) បង្កឱ្យមានការភ្ញាក់ផ្អើលកាលពីវេលាម៉ោង២និង៣០នាទីរសៀល ថ្ងៃទី៣១ ឧសភា ២០១២ លើកំណាត់ផ្លូវជាតិលេខ៦ ស្ថិតក្នុងភូមិថ្មី ឃុំប្រឡាយ ស្រុកស្ទោង ចំណុចបង្គោលគីឡូម៉ែត្រលេខ២២៤ ជាប់ព្រំប្រទល់ខេត្តសៀមរាប ។

តាមប្រភពព័ត៌មានពីមន្ត្រីប៉ូលិសបានឱ្យដឹងថា រថយន្តបឺសកាពីតូលខ្នាតធំពាក់ស្លាកលេខភ្នំពេញ 3A-3938 ដឹកមនុស្សប្រហែល៤០នាក់ ចេញពីភ្នំពេញ ជើងទី២ នាវេលាម៉ោង៨និង៣០នាទីព្រឹកថ្ងៃទី៣១ ឧសភា ២០១២ នេះ ឆ្ពោះទៅខេត្តសៀមរាប ចំណែករថយន្តដឹកឈើម៉ាកហ៊ីណូ ពណ៌ត្រេអីុ ខ្នាតធំពាក់ស្លាកលេខ «ន.ប» ធ្វើដំណើរបញ្ច្រាសទិសគ្នា លុះមកដល់ចំណុចកើតហេតុក៏បុកគ្នាពេញទំហឹងតែម្តង ធ្វើឱ្យរថយន្តទាំង២រួញក្រពឹតគួរឱ្យព្រឺសាច់។

រថយន្តបឺសកាពីតូល ស្លាប់៤នាក់ ក្រៅពីនេះរងរបួសធ្ងន់ និងស្រាល ចំណែករថយន្តហ៊ីណូដឹកឈើមានមនុស្សជិះ៣នាក់ (ប្រុស២ ស្រី១) ស្លាប់ទាំង៣នាក់ ។ ខណៈនោះប៉ូលិស-ប៉េអឹមបានចុះធ្វើអន្តរាគមន៍ដល់កន្លែងកើតហេតុ ដោយគាស់កន្លែងក្រពឹតស្វែងរកអ្នករបួសដែលជាប់ក្នុងរថយន្តយក ទៅសង្គ្រោះនៅមន្ទីរពេទ្យបង្អែកស្រុកស្ទោង និងគាស់ទាញយកសពចេញពីក្នុងរថយន្តដាក់តម្រៀបលើទីវាលក្បែរ កន្លែងកើតហេតុ ដើម្បីចាត់ចែងរក្សាទុកតាមការគួរ ព្រមទាំងស្វែងរកសាច់ញាតិ និងអត្តសញ្ញាណអ្នកស្លាប់ ។ សពអ្នកស្លាប់ក្នុងរថយន្តកាពីតូលត្រូវបានក្រុមហ៊ុនដឹកជញ្ជូនទៅ រក្សាទុកនៅសាលសពនៃមន្ទីរពេទ្យបង្អែកខេត្តសៀមរាប ចំណែកអ្នកស្លាប់ខាងរថយន្តដឹកឈើ «ន.ប» ត្រូវបានដឹកជញ្ជូនមកកាន់រាជធានីភ្នំពេញ ។

ទស្សនាសម្រស់ តាតៃ

តាតៃគឺជាកន្លែងទេសចរណ៍ធម្មជាតិមួយ ដែលរសាត់អណ្តែតចូលក្នុង ទន្លេ៤។តើតាតៃបានអភិរក្សនៅឆ្នាំណា? តាតៃជាតំបន់ទេសចរណ៍មួយដែល បានធ្វើការអភិវឌ្ឍនៅក្នុងខែវិច្ឆិកា កាលពីឆ្នាំ២០០៩មកម្ល៉េះ។
រមណីយដ្ឋានតាតៃជាតំបន់ទេសចរណ៍ដែលចាត់ទុកថាជាកន្លែងដែល ពេញនិយម និងឆើតឆាយជាងគេ ហើយក៏មានចំណាត់ថ្នាក់ទី១០ក្នុងចំណោម តំបន់ទេសចរណ៍ឯទៀតដូចជា ប្រាសាទព្រះវិហារ អង្គរវត្ត ឧទ្យានបូកគោ ក្រុងព្រះសីហនុ ខេត្តរតនៈគីរី ខេត្តមណ្ឌលគីរី ខេត្តក្រចេះ ភ្នំពេញ និងកោះកេរ សុទ្ធ សឹងជាតំបន់ទេសចរណ៍ដែលល្បីល្បាញ និងមានភាពល្អប្រណិត ព្រមទាំ ងមានភ្ញៀវទេសចរណ៍ជាច្រើនទៅកម្សាន្តនៅទីនោះយ៉ាងច្រើនកោះ ករ។ តាតៃគឺជាតំបន់ទេសចរណ៍មួយដែលស្ថិតនៅក្នុងខេត្តកោះកុង និង ស្ថិតនៅភាគខាងត្បូងឆៀងខាងលិចនៃប្រទេសកម្ពុជា។ អ្នកទេសចរណ៍អាច ធ្វើដំណើរទៅកាន់តាតៃដោយឡាន ឡានក្រុង កាណូតនិងធ្វើដំណើរតាម ផ្លូវជាតិលេខ៤ ព្រមទាំងត្រូវចំណាយរយៈពេលដល់ទៅ៥ម៉ោង តែបើអ្នក ធ្វើដំណើរតាមឡានអ្នកអាចមានឱកាសគយគន់សម្រស់ព្រៃប្រឹក្សានិងមាន ទេសភាពស្រស់បំព្រង ទទួលបានខ្យល់បរិសុទ្ធ គយគន់សម្រស់ព្រៃភ្នំ និងត្រូវធ្វើដំណើរឆ្លងកាត់ស្ពានចំនួន៤ថែមទៀតផង។ តើអ្នកចង់ កម្សាន្តនៅតំបន់ទេសចរណ៍តាតៃដែរឬទេ?

កំពូលអ្នកក្រឡុកស្រា !

អ្នកបានដឹងហើយថា ស្រាក្រឡុកឥឡូវទទួលការពេញនិយមយ៉ាងខ្លាំងសំរាប់មនុស្ស
ទូទៅ ពិសេសអ្នកដែលនិយមស្វែងរកការកំសាន្តនៅតាមរង្គសាល ក្លឹបកំសាន្ត...ជាដើម។
ហើយទន្ទឹមនឹងនោះ ក្រៅពីរសជាតិ ស្ទីលក្នុងការក្រឡុកស្រាក៏ជារឿងមួយគួរឲ្យទាក់
ទាញផងដែរ។
តាមរយះវីដេអូខាងក្រោមនេះ Camnewsសូមណែនាំមិត្តៗអ្នកអានទាំងអស់គ្នា ទស្សនានូវស្ទីល
ក្រឡុកស្រារបស់បុរសម្នាក់ដែលរស់នៅក្នុងប្រទេសប៉ែកអឺរ៉ុប គាត់មានទេពកោសល្យខ្ពស់ក្នុង
ការក្រឡុកស្រាដែលបានសម្តែងក្នុងកម្មវិធីប្រលងមួយ បានធ្វើឲ្យគណកម្មាធិការផ្តល់ពិន្ទុបិទ
មាត់មិនជិត ស្រែកហ៊ោរ កោតសរសើរចំពោះស្ទីលសម្តែងក្នុងការក្រឡុកស្រារបស់គាត់យ៉ាង
ខ្លាំង។ សូមទស្សនាការបង្ហាញសមត្ថភាពរបស់បុរសជំនាញក្រឡុកស្រានេះ ទាំងអស់គ្នាណា!

Wednesday, May 30, 2012

HOT ៖ Guardiola ចង់ជួបជជែក ជាមួយ Abramovich

អតីតគ្រូបង្វឹករបស់Barca ចង់ជួបនិយាយផ្ទាល់ជាមួយប្រធានក្លឹបChelsea លោក
Abramovich មុនពេលធ្វើការសំរេចថានឹងមកដឹកនាំក្លឹបតោខៀវរឺក៏អត់។
Guardiola ចង់ជួបជជែកជាមួយ Abramovich

Abramovich និង Guardiola

តាមកាសែតអង់គ្លេសបានឲ្យដឹងថា Pep Guardiola បានជួបនិយាយគ្នាជាមួយថ្នាក់ដឹកនាំក្លឹប
របស់Chelsea ប៉ុន្តែពុំទាន់មានការសំរេចជាលទ្ធផលអ្វីឡើយ។ ព័ត៌មានបន្ថែមនិយាយថា Pep
ចង់ជួបនិយាយដោយផ្ទាល់ជាមួយ Abramovich ដើម្បីចង់ដឹងពីផែនការ និងការអភិវឌ្ឍន៏ក្លឹប
ក្រោយមកទើបធ្វើការសំរេចថានឹងធ្វើការនៅStamford Bridge រឺក៏អត់នោះ។ តាមប្រភពព័ត៌មាន
ជាច្រើនបានឲ្យដឹងថា Abramovichត្រៀមជាស្រេចផ្តល់ដល់Pep 11លានផោន/ឆ្នាំ ដើម្បីអញ្ជើញ
Pepមកធ្វើគ្រូបង្វឹករបស់Chelsea។

Mourinho ចង់បាន Drogba

Mou គឺជាអ្នកដែលនាំ Drogba ឡើងដល់ចំនុចកំពូល

ក្រោយពីបានដឹងថាDrogba នឹងមិនបន្តកិច្ចសន្យាជាមួយChelsea Mourinhoចង់បានសិស្សសំណព្វ
ចិត្តរបស់គាត់មកលេងនៅBernabeu។ គាត់ចង់ឲ្យថ្នាក់ដឹកនាំReal ស្នើរសុំDrogba ចុះកិច្ចសន្យារយះ
ពេល2ឆ្នាំ។ ឆ្លើយតបការសំភាសន៏ក្រោយពេលសំរេចចិត្តចាកចេញពីChelsea Drogbaបាននិយាយ
ថា គាត់មិនបានចាប់អារម្មណ៍ពីបញ្ហាលុយឡើយ។ រឿងនេះមានន័យថា ឱកាសសំរាប់Real គឺមាន
ច្រើនបើសិនជាពួកគេពិតជាចង់បាន"ដំរីព្រៃ" មែន៕

ឆ្នាំងបុរាណចិនមានតំលៃដល់ទៅ៥៨០,០០០លានដុល្លារ

ហាងវត្តុអនុស្សាវរីយ៏នៅក្នុងប្រទេសអង់គ្លេស បានរកឃើញឆ្នាំងបុរាណចិន ហើយបានលក់វា
ក្នុងនាមបរិច្ចាកក្នុងតំលៃ ៥៨០,០០លានដុល្លារ។ បុគ្កលិកហាងខាងលើនេះដែលជួយរកប្រាក់
ចំណូលសំរាប់កន្លែងសង្រ្គោះក្មេងកំព្រា មនុស្សពិការ និងមនុស្សចាស់ដែលមានឈ្មោះថា St
Peter នារដ្ឋ Bristol សឹងតែមិនជឿដែលពួកគេមានសំណាងនៅពេលដែលពួកគេបានបើកកា
បូបយួរដៃនិងបានរកឃើញឆ្នាំងបុរាណចិននៅខាងក្នុង។

ឆ្នាំងដ៏កម្ររបស់ប្រទេសចិនក្នុងអំឡុងសតវត្សទី១៧
ទោះបីជាវាមើលទៅដូចជាចាស់បន្តិចមែន បុគ្គលិករួបនេះក៏បានប្រញាប់ប្រញាល់យកទៅ
កន្លែងអ្នកជំនាញក្នុងស្រុកដែលមានលោក Marc Burridge គាត់ក៏បាននិយាយប្រាប់ពីសក្តា
នុពលរបស់វា។ លោក Burridge បន្ទាប់មកក៏យកវាទៅអោយ John Axford ដែលជាអ្នកល្បី
ទូទាំងពិភពលោកក្នុងការពិនិត្យវិនិច្ឆ័យមើលទៅលើវត្តុបុរាណចិន ហើយគាត់ក៏បាននិយាយ
ទាក់ទងនិងឆ្នាំងមួយនេះផងដែរ៖ ទ្រង់ទ្រាយវាទាំងមូលរាងខូចខាតច្រើនណាស់ទៅហើយ
រីឯឈើវិញរាងរឹងស្ងួត និងប្រេះស្រាំ ហើយនិងបានបិទជ័រមានក្លិនមិនល្អ តែសំណាងល្អសក្តា
នុពលរបស់វានៅមាន ដោយវាជាវត្តុអស្ចារ្យនិងកម្រមួយដែលបានធ្វើឡើងដោយវិចិត្រករ
ជំនាញខាងឬស្សីក្នុងអំឡុងសតវត្សទី១៧។ វាគឺជាគ្រឿងប្រើប្រាស់បន្ទាប់បន្សំ ដែលត្រូវបាន
ធ្វើឡើងដោយអ្នកមានប្រាជ្ញនាសម័យនោះ ហើយក៏ត្រូវបានក្លាយជាសិល្បៈវត្តុមួយផងដែរ។
វាត្រូវបានគេប្រើប្រាស់ក្នុងការដាក់វត្តុប្រើបា្រស់ផ្សេងៗ និងវាក៏ត្រូវបានគេឆ្លាក់ជាមួយនិង
អ្នកជំនាញដោយប្រើប្រាស់កាំបិត។ ថ្វីបើឆ្នាំងឬស្សីនេះរាងខូចខាងច្រើនក៏ដោយ លោក Axford
បានណែនាំដល់ម្ចាស់ហាងខាងលើនេះ អោយមានការដាក់ដេញថ្លៃដែលវាអាចទាក់ទាញ
ចំណាប់អារម្មណ៏យ់ាងខ្លាំងចំពោះអ្នកទិញជនជាតិចិន។ វាត្រូវបានលក់ក្នុងតំលៃ ៥៨០,០០០
លានដុល្លារ នៅឯសាលតាំងបង្ហាញ Woolley និង Wallis នៅក្នុងរដ្ឋ salisbury ប្រទេស Wiltshire
ហើយម្ចាស់របស់វាឥឡូវជាអ្នកទិញដែលបានមកពីទីក្រុងហុងកុង។ ប៉ុន្តែអ្វីដែលពិបាកនៅពេល
នេះ គឺម្ចាស់របស់វាត្រូវស្វែងរកមនុស្សម្នាក់ក្នុងចំណោមបីនាក់នៅលើពិភពលោក ដើម្បីធានាយ៉ាងណា
រក្សាគុណភាពរបស់វាអោយបានយូរអង្វែង៕

វីដេអូ ៖ Sony Xperia S ប្រើប្រាស់ Android 4.0

Android 4.0 សំរាប់Xperia S នឹងបញ្ចេញលក់នៅចុងត្រីមាសទី២ឆ្នាំនេះ ហើយយើង
មានវីដេអូខ្លីមួយស្តីពីការអាប់ឌេត(Update)សំរាប់Xperia S ពី SonyXP សហគមអ្នក
ប្រើប្រាស់Xperiaនៅប្រទេសថៃ។

Sony Xperia S

ក្នុងខ្សែវីដេអូរយះពេលជាង៥នាទី យើងឃើញថាមានការផ្លាស់ប្តូរច្រើន កម្មវីធីដែលមាននៅលើ
Ice Cream Sandwich(ICS) បើប្រៀបធៀបទៅនឹងGingerbread កាលពីមុន។ ក្រៅពីនេះWidget
ក៏មានការផ្លាស់ប្តូរពីខ្នាតទំហំផងដែរ Xperia S ប្រើប្រាស់ ICS ក៏បានបំពាក់នូវកម្មវិធីស្តាប់ចម្រៀង
Walkman ដូចគ្នានឹងXperia GX រឺSX ដែលបានដាក់បង្ហាញនៅប្រទេសជប៉ុនផងដែរ។

វិធីប្តូរ Timeline មក Porfile ធត្មតាវិញ!!

ការUpdate User Interface របស់Facebook ចុងក្រោយបង្អស់Timelineបានធ្វើឲ្យបណ្ដាអ្នកប្រើប្រាស់ជាច្រើន ស្រលាញ់ពេញចិត្ត ព្រោះរាល់សកម្មភាពរបស់គេទាំងអស់ ត្រូវបានបែងចែកយ៉ាងច្បាស់ទៅតាមពេលវេលា ឬឆ្នាំដែលបានកំណត់ ប៉ុន្តែមានអ្នកខ្លះផ្សេងទៀត សំដែងការមិនពេញចិត្ត ចំពោះការអភិវឌ្ឍន៍ដល់ជំហាននេះ ហើយផ្ដល់អំណះអំណាងថា ទ្រង់ទ្រាយចាស់ល្អប្រើជាង។
មានមិត្តអ្នកអានមួយចំនួនធំ បានផ្ញើជាមតិ មកកាន់ក្រុមការងារយើង ដើម្បីឲ្យបង្ហាញពីវិធីលុប ឬDecactivate Timeline លើProfile របស់ខ្លួន។
ដូច្នេះដើម្បីឆ្លើយតបទៅនឹងតម្រូវការ នេះជំហានដំបូង Sabay សូមបង្ហាញពីរបស់លុបTimeline ចោល តាមរយៈ អ្នកដែលកំពុងប្រើប្រាស់Broswer «Chrome»ដើម្បីជាគម្រូ ព្រោះBrowser ផ្សេងៗ មិនមានលក្ខណៈខុសប្លែកគ្នាប៉ុន្មានទេ។
ធ្វើដូចម្ដេចទើបRemove Timeline ហ្នឹងចោលបាន ធុញដល់ហើយ? អនុវត្តតាមជំហានងាយៗដូចខាងក្រោម៖
១. ចូលទៅកាន់គេហទំព័រhttp://www.timelineremove.com
២. ជ្រើសរើស[ទាញយក]យកBrowser ដែលអ្នកកំពុងប្រើ(ដើម្បីបើកFacebookដូចជា Firefox, Chrome, Safari, IE)។ ក្នុងឧទាហរណ៍នេះ គឺChrome ដូច្នេះត្រូវចុចលើ រូបសញ្ញា [Logo] Chrome

៣. ក្រោយពីទាញយកAdd On នេះបានហើយ សូមចុចលើពាក្យ Add ដើម្បីបញ្ជាក់ថា អ្នកអនុញ្ញាតដំឡើងExtension ថ្មីនេះ។

៤. ក្រោយពីAdd “Timeline Remove” រួចហើយ អ្នកនឹងឃើញប៊ូតុង រាងអក្សរ «t» នៅផ្នែកខាងឆ្វេង ជិតរូបកូនសោ(Setting) ស្មើនឹងរបាAddress Bar។ ក្នុងករណីដំឡើងបានជោគជ័យហើយ មិនមានសញ្ញាអក្សរ «t» បង្ហាញទេ សូមRestart Chrome [បិទ ហើយបើកBrowser]របស់អ្នក។

៥. ពេលចុចលើសញ្ញារាង អក្សរ «t» សញ្ញា (X) ពណ៌ក្រហម បន្ទាប់មកRefresh នោះTimeline របស់អ្នកនឹងត្រូវបានRemove ភ្លាម។ ផ្ទុយទៅវិញ ប្រសិនបើចង់បង្ហាញTimeline វិញ គ្រាន់តែចុចលើ «t» ដដែល រួចចុចលើ (ធីក) ពណ៌ខៀវ នោះtimeline របស់អ្នកនឹងបង្ហាញចេញធម្មតា។

ក.លុបtimeline ចេញ

Click on-X-Bottun and then refresh; ur timeline is removed

បន្ទាប់ពីចុចលើសញ្ញាខ្វែងនេះហើយ Refresh នោះtimeline អ្នកនឹងបាត់ ហើយវិលទៅរកភាពដើម

ខ.បើកដំណើរការtimeline ឡើងវិញ

ពេលចង់បានtimeline វិញគ្រាន់តែចុចលើ ប៊ូតុង (ធីក) ពណ៌ខៀវ រួចRefresh នោះtimeline នឹងបង្ហាញដូចរូបខាងក្រោម

Tuesday, May 29, 2012

ចោរប្លន់បន្ទាប់ពីបង្ហោះរូបប្រាក់ដុល្លារមួយដុំលើ FB

កាលពីថ្ងៃព្រហស្បតិ៍សប្តាហ៍មុនចោរ បិទមុខមួយក្រុមមានគ្នាពីរនាក់បានចូលប្លន់ផ្ទះក្មេងស្រីវ័យ ១៧ ឆ្នាំសញ្ជាតិអូស្ត្រាលីម្នាក់បន្ទាប់ពីក្មេងស្រីរូបនេះបានជួយ រាប់ប្រាក់សន្សំរបស់យាយនាងរួចថតបង្ហោះលើ Facebook។

ប្រភពបានបញ្ជាក់ថារូបភាពសំណុំប្រាក់ខាងលើនេះបានបង្ហោះនៅម៉ោង ៤ល្ងាច កាលពីថ្ងៃព្រហស្បតិ៍ទី២៤ខែឧសភា។ នៅវេលាម៉ោង ១១កន្លះយប់ ថ្ងៃដដែលក្រុមចោរបិទមុខទាំងពីរនាក់បានធ្វើសកម្មភាពលួចចូលផ្ទះ ក្មេងស្រីរងគ្រោះដោយភ្ជាប់មកជាមួយកាំបិតនិងដំបងឈើធ្វើជា អាវុធ។ ពួកគេបានព្យាយាមគាស់ទ្វារចូលក្នុងផ្ទះជនរងគ្រោះតែសំណាងល្អ គ្រានោះក្មេងស្រីរងគ្រោះមិនបានស្ថិតនៅក្នុងផ្ទះនោះទេ។

មានតែបុរសចំណាស់វ័យ ៥៨ឆ្នាំម្នាក់ ស្ត្រីវ័យ ៤៧ឆ្នាំម្នាក់ និងក្មេងប្រុសអាយុ ១៤ឆ្នាំម្នាក់ប៉ុណ្ណោះដែលស្នាក់នៅក្នុងផ្ទះក្មេងស្រីខាងលើ។ ដូចនេះក្រុមចោរមិនអាចស្វែងរកប្រាក់ដែលនាងបានបង្ហោះនោះទេ ពួកគេចាកចេញជាមួយនឹងប្រាក់បន្តិចបន្តួចដែលបានស្វែងរកឃើញនៅក្នុង ផ្ទះប៉ុណ្ណោះ។

ប៉ូលិសកំពុងធ្វើការស៊ើបអង្កេតដើម្បីឈានដល់ការចាប់ខ្លួនចោរ ទាំងពីរនាក់នេះបន្ទាប់ពីទទួលបានពាក្យបណ្ដឹងពីម្ចាស់ផ្ទះ៕

ព័ត៌មាននេះអាចចាត់ទុកថាជាមេរៀនមួយ សម្រាប់អ្នកនិយមប្រើប្រាស់ Facebook ក៏ដូចជាបណ្ដាញទំនាក់ទំនងសង្គមផ្សេងទៀតដើម្បីចៀសវាងគ្រោះថ្នាក់ ដូចក្មេងស្រីខាងលើ។ សំណាងល្អហើយដែលនាងមិននៅផ្ទះចុះបើមិនដូច្នេះ តើនឹងមានអ្វីកើតឡើងបើចោរមានទាំងកាំបិតនិងដំបងដូច្នេះ?(sabay)

១ ដុល្លារបង្កើតស្នាមញញឹមដល់កុមារអភ័ព្វ

ក្នុងទិសដៅប្រមូលថវិកាដើម្បីជួយ ព្យាបាលកុមារកម្ពុជារាប់ពាន់នាក់ ដែលមានបញ្ហាឆែបមាត់ អង្គការ Operation Smile បានអំពាវនាវឲ្យមហាជនទូទៅជួយបរិច្ចាគម្នាក់ ១ ដុល្លារ ជាមូលនិធិសប្បុរសធម៌ដើម្បីប្រមែប្រមូលថវិកា យកទៅផ្គត់ផ្គង់ការចំណាយលើថ្លៃព្យាបាលដល់កុមារក្រីក្រដែលមាន បញ្ហាឆែបមាត់ពីកំណើត។

លោក Ng Meng Cheng និង កុមារ ដែល ទទួល បាន ការព្យាបាល វះកាត់ មាត់ ឆែប

នាឱកាសចូលរួមពិព័រណ៍ម៉ូតូធំអន្តរជាតិនៅ កោះ ពេជ្រ លោក Peter Ng Meng Cheng នាយករងអង្គការ Operation Smile បានអំពាវនាវបែបនេះ ក្នុងគ្រាដែលអង្គការកំពុងតែជួបបញ្ហាកង្វះខាតថវិកាចាំបាច់ ដើម្បីបន្តប្រតិបត្តិការណ៍ការងារក្នុងការវះកាត់ដល់កុមារដែលមាន បញ្ហាមាត់ឆែបនៅទូទាំងប្រទេសកម្ពុជា។
លោកបន្តថា ចាប់តាំងពីឆ្នាំ២០០២ មកអង្គការរបស់លោកបាន វះកាត់ដល់កុមារឆែបមាត់នៅទូទាំងប្រទេសដោយឥតគិតថ្លៃបានចំនួន ១៩ លើកស្មើនឹង ២៩០០ករណី ដែលដំណើការណ៍ទៅបាន អាស្រ័យដោយសារទទួលបានការឧបត្ថម្ភថវិកាពីសប្បុរសជនក្នុងស្រុកនិង ក្រៅស្រុកមួយចំនួន។
លោកបន្តថា ការចែករំលែកធនធានបន្តិចបន្តួចរបស់អ្នករាល់គ្នានៅពេលនេះ នឹងអាចជួយបង្កើតស្នាមញញឹមជាថ្មីម្ដងទៀត សម្រាប់កុមារអភ័ព្វក្រីក្រដែលមានបញ្ហាឆែបមាត់ពីកំណើតឲ្យពួកគេ មានក្តីសង្ឃឹម និងអាចបន្តកសាងអនាគតជាថ្មីឡើងវិញក្នុងឆាកជីវិត។
លោកបញ្ជាក់ថា អង្គការរបស់លោកចង់បន្តដំណើរការណ៍ ១០ ទៅ២០ឆ្នាំខាងមុខទៀតដើម្បីជួយបង្កើតស្នាមញញឹម ដល់កុមារអភ័ព្វខ្មែរក្រីក្ររាប់ពាន់នាក់ទៀតដែលកំពុងត្រូវការ ជំនួយសង្គ្រោះបន្ទាន់ សម្រាប់ការព្យាបាលវះកាត់បន្តទៀត។
លោក ព្រាប សុភាព ក្នុងនាមជាឪពុកម្ដាយដែលមានកូនកើតមកមានបញ្ហាឆែបមាត់ពីកំណើត បានបង្ហាញស្នាមញញឹម និងក្តីសង្ឃឹមឡើងវិញសម្រាប់កូនប្រុសរបស់លោកក្រោយពេលទទួលបាន ការវះកាត់ និងព្យាបាលជាសះស្បើយឡើងវិញ។

លោកបញ្ជាក់ថា លោកអស់សង្ឃឹមខ្លាំងណាស់ នៅពេលដែលកូនរបស់លោកកើតមកមានមាត់ឆែប។ លោកថា នេះជាកម្មពៀរនិងគិតថាកូនរបស់លោកនឹងរស់នៅក្នុងភាពអាម៉ាស់អស់ មួយជីវិត។ ប៉ុន្តែដោយសារតែមានអង្គការជួយព្យាបាលឲ្យជាសះស្បើយ ទើបធ្វើឲ្យលោកនិងគ្រួសារមានក្តីសង្ឃឹមឡើងវិញ។

ជាមួយគ្នានេះដែរ លោកចង់ឲ្យកុមារខ្មែរដទៃទៀតនៅទូទាំងប្រទេសដែលមានមាត់ឆែប ទទួលបានការព្យាបាលដូចកូនរបស់លោកដែរ ដោយលោកអំពាវនាវឲ្យបងប្អូនទាំងអស់ជួយបរិច្ឆាកថវិកាបន្តិចបន្តួច ជាមូលនិធិដល់អង្គការដើម្បីបន្តដំណើរការណ៍វះកាត់តទៅទៀត។

កម្មវិធីពិព័រណ៍ម៉ូតូធំៗ អន្តរជាតិ លើកទីមួយនៅកោះពេជ្រ ធ្វើឡើងក៏ក្នុងគោលបំណងដើម្បីស្វែងរកមូលនិធិសប្បុរសធម៌ជួយដល់ការ វះកាត់ដល់កុមារដែលមានបញ្ហាមាត់ឆែបផងដែរ។ ដោយក្នុងពិធីនោះមានការលក់ទំនិញនិងរបស់របរផ្សេងៗទៀត ដល់អ្នកចូលរួមទស្សនាដែលថវិកាទាំងអស់ដែលបានមកពីការលក់នឹងយកទៅ ជូនដល់អង្គការ Operation Smile ដើម្បីអនុវត្តប្រតិបត្តិការណ៍ការងាររបស់ខ្លួនបន្តទៀត។(sabay)

រដ្ឋាភិបាលស៊ីរីបដិសេធការចោទប្រកាន់ក្នុងការសម្លាប់រង្គាលនៅខេត្តហ៊ូឡា

រូបថត៖ REUTERS

កុមារស៊ីរី ដែលខ្លះត្រូវរងរបួស ឬស្លាប់ The bodies of children whom anti-government protesters say were killed by government security forces lie on the ground in Huola, near Homs May 26, 2012. A Syrian artillery barrage killed more than 90 people, including dozens of children, in the worst violence since the start of a U.N. peace plan to staunch the flow of blood from Syria's uprising, activists said on Saturday. The bloodied bodies of children, some with their skulls split open, were shown in footage posted to YouTube purporting to show the victims of the shelling in the central town of Houla on Friday. The sound of wailing filled the room. REUTERS/Shaam News Network/Handout (SYRIA - Tags: CIVIL UNREST POLITICS) FOR EDITORIAL USE ONLY. NOT FOR SALE FOR MARKETING OR ADVERTISING CAMPAIGNS. THIS IMAGE HAS BEEN SUPPLIED BY A THIRD PARTY. IT IS DISTRIBUTED, EXACTLY AS RECEIVED BY REUTERS, AS A SERVICE TO CLIENTS. TEMPLATE OUT

រដ្ឋាភិបាលស៊ីរីបានបដិសេធថាពួកទាហានខ្លួនមិនបានសម្លាប់រង្គាល មនុស្សយ៉ាងតិចណាស់៩២នាក់ដែលមួយភាគបីជាពួកកុមារកាលពីថ្ងៃ សុក្រនៅក្នុងក្រុងហ៊ូឡា Houla ទេ។
លោកជីហាដ ម៉ាកឌីស៊ី Jihad Makdissi អ្នកនាំពាក្យនៃក្រសួងការបរទេសស៊ីរីបានហៅការចោទប្រកាន់ប្រឆាំង នឹងរដ្ឋាភិបាលនៃប្រទេសស៊ីរីថាជា«រលកសមុទ្រស៊ូណាមី tsunami នៃការភូតកុហក»។លោកបានបន្ទោស«ពួកភេរវជន»ប្រដាប់អាវុធធុនធ្ងន់ ដោយលោកបានអះអាងថាពួកគេបានវាយប្រហារក្រុមទាហាន។
ពួកអ្នកសង្កេតការណ៍អ.ស.ប.បាននិយាយថាកាំភ្លើងធំនិងកងរថក្រោះ បានត្រូវប្រើប្រាស់ដើម្បីបាញ់ផ្តក់លើក្រុងហ៊ូឡា Houla ដែលឋិតនៅទិសពាយ័ព្យក្រុង ហូមHoms នៅភាគកណ្តាលប្រទេសស៊ីរី។
លោក ម៉ាកឌីស៊ីMakdissi បាននិយាយថាពួកទាហានបានតបតដើម្បីការពារទីតាំងរបស់ពួកគេ ក៏ប៉ុន្តែបានបដិសេធថាពួកគេមិនបានប្រើកាំភ្លើងធំនិងរថក្រោះនោះ ទេ។
ការសម្លាប់រង្គាលនៅ ហ៊ូឡាHoula ត្រូវបានកត់សម្គាល់ថាជាការវាយប្រហារដ៏ប្រល័យបំផុតចាប់តាំង ពីការបះបោរប្រឆាំងនឹងរដ្ឋាភិបាលស៊ីរីបានចាប់ផ្តើមប្រមាណ១៥ខែមុន នេះ។
អង់គ្លេស៖ ទីភ្នាក់ងារព័ត៌មាន AP បានផ្សាយពីក្រុង ឡុងដ៍Londres ថាលោក វិល្លៀម ហេគWilliam Hague រដ្ឋមន្ត្រីការបរទេសអង់គ្លេសបានមានប្រសាសន៍ថាលោកនឹងកោះហៅអ្នក ការទូតជាន់ខ្ពស់បំផុតរបស់ស៊ីរីនៅក្នុងប្រទេសអង់គ្លេសឱ្យទៅកាន់ ក្រសួងការបរទេសដើម្បីតវ៉ាអំពីការវាយប្រហារលើភូមិមួយចំនួនដែលបាន បណ្តាលឱ្យមនុស្សមួយចំនួនស្លាប់។
អាហ្វហ្កានិស្ថាន៖ លោកប្រធានាធិបតីអាហ្វហ្កានិស្ថានហាមីដ កាហ្សាយHamid Karzai បានបញ្ជាឱ្យមានការស៊ើបអង្កេតអំពីការវាយប្រហារតាមអាកាសមួយរបស់ ក្រុមចម្រុះដែលពួកមន្ត្រីបាននិយាយថាបានបណ្តាលឱ្យគ្រួសារមួយមាន សមាជិក៨នាក់ស្លាប់នៅក្នុងខេត្តប៉ាទិកាPaktia នៅភាគខាងកើតប្រទេសដែលនៅទីនោះក្រុមទាហានរដ្ឋាភិបាល អាហ្វហ្កានិស្ថាននិងពួកទាហានអន្តរជាតិខិតខំព្យាយាមបង្ក្រាបការ បះបោរដោយពួកតាលីបាន។
ម៉ាលី៖ ពួកឧទ្ទាម ទួរេគTuareg និងនិកាយអ៊ីស្លាមសកម្មប្រយុទ្ធមួយក្នុងប្រទេសម៉ាលីបាននិយាយថា ពួកគេបានរួមកម្លាំងគ្នាដើម្បីបង្កើតរដ្ឋឯករាជ្យអ៊ីស្លាមមួយនៅ ផ្នែកខាងជើងប្រទេស។
ចរជី៖ មនុស្សរាប់ម៉ឺននាក់បានធ្វើការប្រជុំមហាជន នៅក្នុងរដ្ឋធានីតៈប៊ីលីស៊ីTbilisi នៃប្រទេស ចរជីGeorgie ដើម្បីបង្ហាញការគាំទ្ររបស់ពួកគេដល់ការប្រឹងប្រែងរបស់ពួក ប្រឆាំងដើម្បីដកគណបក្សគ្រប់គ្រងប្រទេសរបស់លោកប្រធានាធិបតី មីខេល សាកាស្វ៊ីលីMikhail Saakashviliនៅក្នុងការបោះឆ្នោតក្នុងពេលខាងមុខនេះ។
ស៊ុយអែដ៖ អ្នកចម្រៀងស្រីជនជាតិស៊ុយអែដSuede ឈ្មោះ Loreen បានឈ្នះក្នុងការប្រកួតចម្រៀង Eurovisionឆ្នាំ២០១២ក្នុងក្រុងបាគូ Baku ប្រទេសអាហ្សេបៃហ្សង់Azerbaijan។

ប៉ាគិស្ថាន៖ ពួក មន្ត្រីប៉ាគិស្ថានបាននិយាយថាគ្រាប់បែកមួយគ្រាប់់ដែលបានត្រូវ បញ្ជាពីចម្ងាយបានផ្ទុះនៅជិតរថយន្ត១២កៅអីមួយគ្រឿងរបស់ប៉ូលីសនៅ ភាគនិរតីប្រទេសកាលពីថ្ងៃអាទិត្យបណ្តាលឱ្យអ្នកនៅជិតទីនោះ បីនាក់ស្លាប់ហើយបានធ្វើឱ្យមនុស្សយ៉ាងតិចណាស់ម្នាក់ទៀតត្រូវ របួស។

អាជ្ញាធរអប្សរាអនុញ្ញាតឲ្យពលរដ្ឋជួលជុលផ្ទះ អំឡុងពេលបោះឆ្នោត

កុមារនៅក្នុងភូមិមួយក្នុងខេត្តសៀមរាប

«ជឿជាក់ថា នេះគឺជាល្បិចកល់សម្រាប់ប្រើដើម្បីរកចំណេញសន្លឹកឆ្នោតតែក្នុង រយៈកាលបោះឆ្នោត។ រួចទៅ គេអាចហ្នឹងធ្វើការរុះរើបំបែកពលរដ្ឋវិញបាន»។

ទីតាំងតំបន់១ និងទីតាំងតំបន់២ ដែលគ្រប់គ្រងដោយអាជ្ញាធរអប្សរានៃខេត្តសៀមរាប នៅរដូវយុទ្ធនាការឃោសនារកសំឡេងឆ្នោតសម្រាប់ការបោះឆ្នោតក្រុមប្រឹក្សា ឃុំសង្កាត់អណត្តិទី៣នេះ បានអនុញ្ញាតឲ្យប្រជាពលរដ្ឋដែលរស់នៅក្រោមការគ្រប់គ្រងរបស់អាជ្ញាធរ អប្សរា ចាប់ផ្តើមជួសជុលផ្ទះរបស់ខ្លួន។ នេះបើតាមការបញ្ជាក់ពីប្រជាពលរដ្ឋដែលបានផ្តល់បទសម្ភាស៍ជាមួយនឹង វីអូអេសំឡេងសហរដ្ឋអាមេរិក។
ការអនុញ្ញាតរបស់អាជ្ញាធរខេត្តសៀមរាបឲ្យប្រជាពលរដ្ឋរស់នៅតំបន់១ និងតំបន់២ ធ្វើការជួសជុលផ្ទះរបស់ខ្លួននេះបានធ្វើឡើងនៅក្នុងអំឡុងយុទ្ធនាការ ឃោសនាបោះឆ្នោតតែប៉ុណ្ណោះ។ ក៏ប៉ុន្តែបន្ទាប់ពីការបញ្ចប់ការបោះឆ្នោតក្រុមប្រឹក្សាឃុំសង្កាត់ ដោយចាប់ផ្តើមថ្ងៃ៣ ខែមិថុនាទៅ នឹងមិនអនុញ្ញាតឲ្យប្រជាពលរដ្ឋជួសជុលផ្ទះសម្បែងរបស់ពួកខ្លួនទេ។
លោកអន ជ័យ រស់នៅភូមិវាល សង្កាត់គោកចក ដែលកំពុងចាក់បេតុងនៅខាងមុនផ្ទះ បានមានប្រសាសន៍ថា ពីមុនអាជ្ញាធរអប្សរាបានហាមឃាត់ប្រជាជនមិនឲ្យជួសជុលផ្ទះសម្បែង របស់ខ្លួនទេ ដោយបានអះអាងថា ជាតំបន់ហាមឃាត់។ លោកបានបញ្ជាក់ថា ការអនុញ្ញាតឲ្យជួសជុលផ្ទះសម្បែងនេះបានធ្វើឡើងនៅក្នុងពេល យុទ្ធនាការឃោសនាបោះឆ្នោតតែប៉ុណ្ណោះ។ លោកបានមានប្រសាសន៍ទៀតថា ការសុំច្បាប់ជួសជុលពីអាជ្ញាធរភូមិឃុំ ក៏មានលក្ខណៈងាយស្រួលជាងធម្មតាដែរ។
«អារម្មណ៍របស់ខ្ញុំសប្បាយចិត្តដែលបានផ្ទះនៅ ដើម្បីមានបន្ទប់ឲ្យកូនស្នាក់នៅ។ ដល់ពេលលើកមុន ឥតមានបន្ទប់នៅ ភ្លៀងក៏វាសាចចូលក្នុងផ្ទះសម្បែង»។
កំពុងតែប្រក់ស័ង្កសីនៅខាងក្រោយផ្ទះ នៅភូមិត្រពាំងស្រែ សង្កាត់គោកចក អ្នកស្រីសេង សុធី បាននិយាយថា ពីមុនសូម្បីតែប្រក់ស័ង្កសីមួយសន្លឹកក៏អាជ្ញាធរអប្សរាហាមឃាត់ ដែរ។ អ្នកស្រីបានបញ្ជាក់ថា ផ្ទះរបស់ស្រីទើបតែបានជួសជុលកាលពីថ្ងៃព្រហស្បតិ៍ម្សិលមិញនេះ។ អ្នកស្រីបាននិយាយទៀតថា ការជួសជុលផ្ទះនេះបានធ្វើឡើងតាមដំណឹងតៗគា្នថា អាជ្ញាធរអប្សរាឲ្យពួកគេជួសជុលផ្ទះនៅពេលបោះឆ្នោត។
«ជិតបោះឆ្នោតហ្នឹង គេឲ្យយើងធ្វើទៅ។ បើឥតបោះឆ្នោត គេឥតឲ្យដែរហ្នឹង។ និយាយឲ្យត្រង់ៗអញ្ចឹងម្តង។ ពីមុនៗមកឥតឲ្យធ្វើទេ សូម្បីតែដាក់ស័ង្កសីតែមួយសន្លឹកក៏ឥតបានដែរ»។
មិនត្រឹមតែផ្ទះរបស់លោកអន ជ័យ និងអ្នកស្រីសេង សុធីទេ ប្រជាពលរដ្ឋជាច្រើនគ្រួសារផ្សេងទៀតដែលរស់នៅតំបន់១ និងតំបន់២ ក្រោមការគ្រប់គ្រងរបស់អាជ្ញាធរអប្សរាក៏បាននាំគ្នាជួសជុលផ្ទះ គ្រប់ៗគ្នាផងដែរ។
លោកសេង សុទ្ធ ចៅសង្កាត់គោកចក បាននិយាយថា ការសម្រេចឲ្យជួសជុលផ្ទះនេះបានធ្វើឡើងកាលពីថ្ងៃទី១៧ កន្លងទៅនេះ។ ក៏ប៉ុន្តែអាជ្ញាធរបានអនុញ្ញាតឲ្យប្រជាពលរដ្ឋជួសជុលឲ្យបានចប់សព្វ គ្រប់មុនថ្ងៃទី៣ ខែមិថុនាតែប៉ុណ្ណោះ។
«ឲ្យធ្វើតែមុនថ្ងៃ៣ ហើយទើបឈប់ ដល់ពេលក្រោយថ្ងៃហ្នឹងនណារធ្វើមិនបាន»។
លោកស៊ូ ភីរិន្ធ អភិបាលខេត្តសៀមរាប បានមានប្រសាសន៍ថា តាមគោលការណ៍ អាជ្ញាធរអប្សរាបានអនុញ្ញាតឲ្យប្រជាពលរដ្ឋរស់នៅក្នុងអំឡុងតាំងពី ឆ្នាំ២០០០ អាចជួសជុលផ្ទះរបស់ពួកគេបាន។ ក៏ប៉ុន្តែមិនអនុញ្ញាតឲ្យសាងសង់ផ្ទះថ្មីទេ។ លោកបានមានប្រសាសន៍ថា ការអនុញ្ញាតឲ្យជួសជុលផ្ទះនេះមិនមែនធ្វើឡើងដើម្បីសន្លឹកឆ្នោត នៅក្នុងយុទ្ធនាការឃោសនារកសំឡេងឆ្នោតទេ។
លោកសុន ឆ័យ ប្រធានក្រុមអ្នកតំណាងរាស្ត្រគណបក្សប្រឆាំងគឺគណបក្សសម រង្ស៊ីបានបាត់បង់ដីធ្លីប្រមាណជាង ៣ហិចតា ដោយសារតែដីនេះពាក់ព័ន្ធជាមួយអាជ្ញាធរអប្សរានោះ។ លោកបានរិះគន់ថា គណបក្សប្រជាជនកម្ពុជាខ្លាចបាត់បង់សន្លឹកឆ្នោត ដោយសារតែប្រជាពលរដ្ឋរស់នៅតំបន់អាជ្ញាធរអប្សរាបានខឹងសម្បាជាមួយ អាជ្ញាធរនេះ ដោយសារតែពួកគេមិនអាចសាងសង់អ្វីបានទាំងអស់។
«ជឿជាក់ថា នេះគឺជាល្បិចកល់សម្រាប់ប្រើដើម្បីរកចំណេញសន្លឹកឆ្នោតតែក្នុង រយៈកាលបោះឆ្នោត។ រួចទៅ គេអាចហ្នឹងធ្វើការរុះរើបំបែកពលរដ្ឋវិញបាន»។
នៅពីមុនការបោះឆ្នោតអាជ្ញាធរអប្សរា បានហាមឃាត់ប្រជាពលរដ្ឋមិនឲ្យជួសជុលផ្ទះនៅតំបន់១ និងតំបន់២ ដែលខ្លួនគ្រប់គ្រងទេ សូម្បីតែមានដំបូលលិចទឹកនៅរដូវភ្លៀងធ្លាក់ក៏មិនអនុញ្ញាតឲ្យជួស ជុលដែរ។
លោកសុន ឆ័យបានមានប្រសាសន៍ថា ប្រជាពលដ្ឋមិនអនុញ្ញាតឲ្យជួសជុលផ្ទះទេ។ ក៏ប៉ុន្តែមានមន្ត្រីអ្នកមានអំណាចមួយចំនួនអាចសាងសង់ភូមិគ្រឹះ និងផ្ទះសម្បែងរបស់ខ្លួនយ៉ាងធំស្កឹមស្កៃនៅក្នុងតំបន់ហាមឃាត់ របស់អាជ្ញាធរអប្សរាក្នុងខេត្តសៀមរាប៕

ជនខិលខូចពាក់កាតអនិកជនល្បួងបោកប្រាក់ ជាង៣ម៉ឺនដុល្លារ

បុរសម្នាក់ត្រូវបានកម្លាំងកងរាជអាវុធហត្ថ ខេត្តបន្ទាយមានជ័យឃាត់ខ្លួនពីបទប្រើល្បិចឆបោក កាលពីវេលាម៉ោង១៣និង៣០នាទីថ្ងៃទី២៧ ខែឧសភា ឆ្នាំ២០១២ត្រង់ចំណុចក្បាលស្ពានសែសិន ស្ថិតនៅភូមិសែសិន សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ខណៈធ្វើដំណើរតាមរថយន្តក្រុង(សូរិយា) ដល់ក្បាលស្ពានសែសិន។
លោក ម៉ែន ភីរម្យ មេបញ្ជាការរងកងរាជអាវុធហត្ថខេត្តបន្ទាយមានជ័យ ទទួលបន្ទុកយុត្តិធម៌បានឱ្យដឹងថា៖ នៅវេលាម៉ោង១៣និង១០នាទីថ្ងៃទី២៥ ខែឧសភា ឆ្នាំ២០១២ លោកឧត្ដមសេនីយទោ រ័ត្ន ស៊្រាង មេបញ្ជាការរងកងរាជអាវុធហត្ថលើផ្ទៃប្រទេស និងមេបញ្ជាការកងរាជអាវុធហត្ថខេត្តបន្ទាយមានជ័យ បានទទួលបណ្តឹងពីម្ដាយជនរងគ្រោះតាមទូរស័ព្ទថា គាត់បាត់កូនស្រី ដោយសង្ស័យថាមានបុរសម្នាក់ប្រើល្បិចល្បួងយកមកខេត្តបន្ទាយមានជ័យ ទើបបញ្ជាកងកម្លាំងឃាត់ស្ទាក់ស្រាវជ្រាវរកជនសង្ស័យរហូតឈាន ដល់រកឃើញនារីម្នាក់ឈ្មោះ អុន សុភួង អាយុ៣៩ឆ្នាំ រស់នៅភូមិទួលត្នោត ឃុំគគី ស្រុកគៀនស្វាយ ខេត្តកណ្ដាល ត្រូវបានបុរសម្នាក់ឈ្មោះ អ៊ុន សុភា អាយុ៤៩ឆ្នាំ រស់នៅភូមិស្វាយដង្គំ ឃុំស្វាយដង្គំ ក្រុងសៀមរាប ខេត្តសៀមរាប ល្បួងនាំមក។ លោក ម៉ែន ភីរម្យ បន្តឱ្យដឹងទៀត៖ តាមការសារភាពពីឈ្មោះ អ៊ុន សុភា បញ្ជាក់ថាខ្លួនបានក្លែងបន្លំជាអនិកជនមកពីសហរដ្ឋអាមេ រិក ដោយប្រើឈ្មោះ ហាក់ ទៀងឡុង ដើម្បីរៀបការជាមួយ ឈ្មោះ អុន សុភួង ដោយធានាយកក្រុមគ្រួសាររបស់នាងទាំងអស់ទៅរស់នៅសហរដ្ឋអាមេរិក។ ហើយប្រើល្បិចឱ្យនាង និងក្រុមគ្រួសារប្រមែប្រមូលប្រាក់និងសម្ភារៈក្នុងផ្ទះលក់ឱ្យជនកំហូចបានប្រមាណ ៣ម៉ឺនដុល្លារ។ ក្រោយពីបានប្រាក់គ្រប់ចំនួន ឈ្មោះ អ៊ុន សុភា ហៅហាក់ ទៀងឡុង បានប្រើល្បិចលួងលោមនឹងឆបោក នាំទាំងនារីរងគ្រោះដែលជាកូនស្រីរបស់ស្រ្តីដើមបណ្ដឹងមកជា មួយដើម្បីរកផលប្រយោជន៍។ បច្ចុប្បន្ន សមត្ថកិច្ចកងរាជអាវុធហត្ថខេត្ត កសាងសុំណុំរឿង និងបញ្ជូនជនសង្ស័យទៅសាលាដំបូងខេត្តបន្ទាយមានជ័យ។ លោកឧត្ដមសេនីយទោ រ័ត្ន ស៊្រាង សំណូមពរដល់បងប្អូន ដែលមានបំណងចងទៅរស់នៅសហរដ្ឋអាមេរិកត្រូវមានការប្រុងប្រយ័ត្ន ចំពោះកលល្បិចជនខិលខូច ក្រែងមានការចាញ់ការបោកបញ្ឆោតដូចជនរងគ្រោះខាងលើ៕

សិស្ស១៧០០នាក់ចូលរួមពិព័រណ៍មុខជំនាញនិងការងារ

សិស្សានុសិស្សមកពីវិទ្យាល័យចំនួន៨ ក្នុងរាជធានីភ្នំពេញ និងចំនួន៤ វិទ្យាល័យផ្សេងទៀត មកពីខេត្ត ពោធិ៍សាត់ បាត់ដំបង កំពង់ចាម និង ព្រៃវែង ប្រមាណជាង១៧០០នាក់ ត្រូវបានសមាគមអតីតនិស្សិតអាហារូបករណ៍ហ៊្វូលប្រាយ និង និស្សិតមកពីអាមេរិក អញ្ជើញឲ្យមកចូលរួម សិក្ខាសាលាស្ដីពី “ពិព័រណ៍មុខជំនាញនិងការងារ” នៅវិទ្យាស្ថានជាតិអប់រំ កាលពីម្សិលមិញ ។

សិក្ខាសាលាមួយនេះ ធ្វើឡើងក្នុងគោលបំណង៣ធំ គឺ ទី១ផ្ដល់ជូនដល់សិស្សានុសិស្សនូវព័ត៌មានគ្រប់គ្រាន់ ក្នុងការជ្រើសរើស ជំនាញសិក្សាទៅតាមសាកលវិទ្យាល័យនានា។ ទី២ ជួយបំភ្លឺផ្លូវនៅលើទីផ្សារការងារ ដូចជាតើការងារអ្វីខ្លះ ដែលមានឱកាសច្រើនសម្រាប់សិស្សានុសិស្សនៅថ្ងៃអនាគត។ ឯទី៣ អាចឲ្យសិស្សានុសិស្សត្រៀមខ្លួនរួចជាស្រេច និងដើម្បីអភិវឌ្ឍន៍ជំនាញជាក់លាក់មួយដែលត្រូវនិងចំណង់ចំណូលចិត្ត របស់ខ្លួន ហើយត្រូវនិងតម្រូវការរបស់និយោជកនៅតាមស្ថាប័ន និង ក្រុមហ៊ុននានា។
វាគ្មិនដែលចូលរួមនៅក្នុងសិក្ខាសាលានេះ មានទាំងជាតិ និងអន្តរជាតិ ដែលសុទ្ធតែជាអតីតនិស្សិតធ្លាប់ទទួលបានអាហារូបករណ៍ពីសហរដ្ឋ អាមេរិក ហើយបច្ចុប្បន្ន គឺថ្នាក់ដឹងនាំនៅក្នុងក្រុមហ៊ុន សាកលវិទ្យាល័យ អង្គការក្រៅរដ្ឋាភិបាល ក៏ដូចជាស្ថាប័នផ្សេងៗ។ សិស្សានុសិស្សដែលបានចោទសួរសំណួរជាច្រើនទៅកាន់វាគ្មិន ភាគច្រើន គឺជាក្ដីបារម្ភ និងការចង់ដឹងពីចំណុច វិជ្ជមាននិងចំណុច អវិជ្ជមាន នៃជ្រើសរើសមុខជំនាញរបស់ពួកគេ សម្រាប់សិក្សាថ្នាក់មហាវិទ្យាល័យនៅថ្ងៃអនាគត។
បច្ចុប្បន្ននៅក្នុងប្រទេសកម្ពុជា នៅមិនទាន់មានរបាយការណាមួយច្បាស់លាស់ ដែលអាចបញ្ជាក់បានថា និស្សិតគួរតែរៀនមុខជំនាញណាមួយ ត្រូវនឹងទីផ្សាឥតខ្ចោះនៅឡើយទេ ប៉ុន្តែនិស្សិតគួរតែ ចេះថ្លឹងថ្លែងដោយខ្លួនឯងពីតម្រូវការទីផ្សារបច្ចុប្បន្ន និង ចំណង់ចំណូលចិត្តរបស់ខ្លួន នេះគឺចម្លើយភាគច្រើនដែលវាគ្មិន បានផ្ដល់ដល់សិស្សានុសិស្សដែលបានចូលរួម។ វាគ្មិនភាគច្រើនបានលើកឡើងថា និស្សិតកម្ពុជាភាគច្រើនតែងមានគំនិតចង់រៀនធ្វើជាអ្នកគ្រប់គ្រងគេ មិនសូវមានអ្នករៀនឲ្យគេគ្រប់គ្រងនោះទេ ហេតុនេះហើយដែលជាហេតុធ្វើឲ្យនិស្សិតដែលរៀនចប់ទៅមិនសូវមាន ការងារធ្វើ ដោយសារតែចំនួនអ្នករៀនជំនាញនេះច្រើនពេក។

ជាមួយគ្នានេះ វាគ្មិន ក៏បានលើកឡើង ពីបទពិសោធន៍នៃការសិក្សា នៅប្រទេសអភិវឌ្ឍន៍មួយចំនួន ក៏ដូចជាលើកពីជំនាញអាទិភាពដែលប្រទេសកម្ពុជាកំពុងតែត្រូវការជា ចាំបាច់ ដូចជា កសិកម្ម ទេសចរណ៍ សំណង់ស៊ីវិល អគ្គិសនី ព័ត៌មានវិទ្យា ជាដើម ។
ឆ្នាំសិក្សា២០១០-២០១១ ចំនួនសិស្សទូទាំងប្រទេស ពីថ្នាក់មត្តេយ្យ រហូតដល់ មធ្យមសិក្សាទុតិយភូមិមានចំនួន ៣.៣២០.៧២៦នាក់ ។ ចំណែកនៅឧត្ដមសិក្សាវិញ ចំនួននិស្សិតពីថ្នាក់បរិញ្ញាបត្ររង រហូតដល់ ថ្នាក់បណ្ឌិតមានចំនួន ២០៧.៨៥១នាក់ ។ ចំពោះគ្រឹះស្ថានឧត្ដមសិក្សាវិញមានចំនួន៩១ ក្នុងនោះ៣៤ គឺជាគ្រឹះស្ថានរបស់រដ្ឋ និង ៥៧ គឺជាគ្រឹះស្ថានរបស់ឯកជន ។ ចាប់តាំងពីឆ្នាំ១៩៩៤ រដ្ឋាភិបាលអាមេរិក បានផ្ដល់អាហារូបករណ៍ហ៊្វូលប្រាយ ក៏ដូចជាកម្មវិធីសិក្សាផ្សេងទៀត មានចំនួន ១៣៨ នាក់ និង មានចំនួនជិត១០០នាក់ផ្សេងទៀត សម្រាប់កម្មវិធីផ្លាស់ប្ដូរផ្សេងៗ៕

យុវជនត្រូវដឹងអ្វីខ្លះពីផ្សារមូលបត្រ?

សួរស្តីប្រិយមិត្ត អ្នកអានជាទីគោរព នេះគឺជាអត្ថបទដែល ខ្ញុំបានដកស្រង់ទាំងស្រុងពីគេហទំព័រ Sabay ដែលបានធ្វើបទយកការណ៏អំពីការយល់ដឹង លើទីផ្សារមូលបត្រ សូមអានអត្ថបទដូចខាក្រោម៖

ទីផ្សារមូលបត្របានបើកទ្វារជួញដូរអស់ពេលរយៈប្រមាណជាងមួយខែកន្លងមក ហើយ ប៉ុន្តែបើតាមការស្តង់មតិរបស់អង្គកា Enrich បានរកឃើញថា យុវជនប្រមាណ៨០ភាគរយប៉ុណ្ណោះ ដែលបានឭពាក្យថា Stock ភាគច្រើនគឺមិនបានយល់ច្បាស់ពីដំណើរការនៃទីផ្សារមូលបត្រ នោះទេ។

លោក ហេង ភក្ដី ប្រធានអង្គការ Enrich បានឲ្យដឹងថា មូលហេតុដែលយុវវ័យចាំបាច់ត្រូវដឹងពីមូលបត្រដោយសារតែ មកពីដំណើរការវិវត្តន៍ និងការប្រព្រឹត្តទៅនៃទីផ្សារមូលបត្រ ដែលមានប្រសិទ្ធភាពបំផុតទាមទារការចូលរួមពីគ្រប់ភាគី នៅក្នុងនោះ យុវវ័យក៏ជាភាគីដ៏សំខាន់មួយដែរ ព្រោះពួកគាត់ត្រូវបញ្ចេញមតិផ្ដល់យោបល់ដល់ការអភិវឌ្ឍន៍ប្រទេសតាម រយៈទីផ្សារមួយនេះ។ លោកបញ្ជាក់ “ដូច្នេះ ដើម្បីឲ្យពួកគាត់បញ្ចេញយោបល់បានដោយត្រឹមត្រូវ ពួកគាត់ចាំបាច់ណាស់យល់ដឹងថា តើមានផលវិជ្ជមាន និងអវិជ្ជមានយ៉ាងណាខ្លះដល់សង្គម”។

លោក ហេង ភក្ដី បានបន្ថែមទៀតថា បើយុវវ័យចង់វិនិយោគ ចាំបាច់បំផុត ត្រូវដឹងឲ្យបានច្បាស់ពីហានិភ័យ និងផលចំណេញ ហើយ មូលបត្រ នឹងធ្វើឲ្យយុវវ័យអាចក្លាយជាវិនិយោគិន ពោលគឺអាចចូលរួមវិនិយោគជាមួយក្រុមហ៊ុនដែលកំពុងដំណើរការស្រាប់។

កាលពីថ្ងៃ២៦ ខែឧសភា កន្លងទៅនេះ មាននិស្សិត ប្រមាណ៥០០នាក់បានចូលស្ដាប់សិក្ខាសាលាស្ដីពី មូលបត្រ នៅមជ្ឈមណ្ឌលសហប្រតិបត្តិការកម្ពុជាជប៉ុន៕ (sabay)

ទិដ្ឋភាពក្រោយរញ្ជួយដី២០ឧសភានៅអ៊ីតាលី

យ៉ាងហោចណាស់មានមនុស្សស្លាប់ ៧នាក់ បន្ទាប់ពីរញ្ជួយដីកម្លាំង ៦,០ richter ដែលបានកើត
ឡើងកាលពីថ្ងៃទី ២០ ឧសភា នៅក្បែរក្រុង Botlagna ភាគខាងជើងនៃប្រទេសអ៊ីតាលី។
ការរញ្ចួយដីនេះបានកើតឡើងនៅវេលាម៉ោងប្រហែល ១ ទាបភ្លឺ និងមានចម្ងាយប្រហែល ៣៥គម
ភាគខាងជើងក្រុង Bologna នៃប្រទេសអ៊ីតាលី បណ្ដាលអោយមនុស្សយ៉ាងតិច ៧នាក់បានស្លាប់
និងរងរបួសជាច្រើននាក់ ក្នុងនោះក៏មានក្រុមកម្មករវេនយប់ជាច្រើននាក់ដែលកំពុងធ្វើការនៅក្នុង
អាគារនៃរោងចក្រសេរ៉ាមិច បន្ទាប់ពីអាគាររោងចក្រនៅ Sant'Agostino នេះ បានបាក់ស្រុត។
គ្រោះរញ្ជួយដីនេះថែមទាំងបានបង្កការខូចខាតផ្ទះសម្បែង និងហេត្ថរចនាសម្ព័ន្ធផ្សេងៗយ៉ាងធ្ងន់
ធ្ងរ ខណៈដែលក្រុមមន្ដ្រីមានសមត្ថកិច្ចបាននិយាយថា បេតិកភ័ណ្ឌជាតិជាច្រើនក៏ទទួលរងការខួច
ខាត។ មនុស្សរាប់ពាន់នាក់បានរត់ចេញពីលំនៅឋាន ទៅរកកន្លែងមានសុវត្ថិភាព នៅពេលគ្រោះ
រញ្ជួយដីចាប់ផ្ដើមកើតឡើង។
ក្រុមមន្ដ្រីនៅមូលដ្ឋានបានអោយដឹងថា ក្រោយពីនាក់ដែលបានស្លាប់នេះ ប្រហែលជានៅមានអ្នក
រងគ្រោះជាច្រើននាក់ផ្សេងទៀត កំពុងជាប់នៅក្រោមគំនរបាក់បែក។

ស្ដ្រីម្នាក់កំពុងបីកូននៅក្បែរផ្ទះបាក់បែករបស់ខ្លួន បន្ទាប់ពីរញ្ជួយដីបានកើតឡើង។

ប្រជាជនប្រមាណជា ៣.០០០នាក់នៅ Finale Emilia និងទីរួមស្រុកផ្សេងទៀតត្រូវជំលៀសចេញ
ពីលំនៅឋាន។

មន្ដ្រីមានសមត្ថកិច្ចកំពុងស្ថិតនៅកន្លែងកើតហេតុ។

ប្រជាជនមួយភាគធំត្រូវគេងនៅតាមដងផ្លូវនាពេលយប់ ព្រោះតែមានការភ័យខ្លាចថាមានការ
រញ្ជួយដីមួយទៀតកើតឡើង៕

សិស្ស១៧០០នាក់ចូលរួមពិព័រណ៍មុខជំនាញនិងការងារ

រមណីយដ្ឋាន ឋានសួគ៌បូកគោពិតជាល្អមែន!!!

ឋានសួគ៌បូកគោ ជាតំបន់សម្រាកលំហែកាយ និង ជាកន្លែងកម្សាន្ដនៅលើភ្នំតែមួយគត់នៅ
ក្នុងអនុតំបន់ទន្លេមេគង្គ ស្ថិតក្នុងឧទ្យានជាតិភ្នំបូកគោនៃខេត្តកំពត។ ឋានសួគ៌បូកគោ គឺជា
តំបន់សម្រាកលំហែកាយ មានលក្ខណៈជាខ្មែរទំនើប ស្ថិតនៅលើភ្នំបូកគោ   មានទំហំជាង
១៤០,០០០ ហិកតា   ស្ថិតនៅខ្ពស់ពីផ្ទៃទឹកសមុទ្រ   ប្រមាណ១.០៨០មែត្រ។ តំបន់នេះមាន
បន្ទប់ស្ដង់ដារ និងបន្ទប់ប្រណិតជាង៤១២បន្ទប់។ តំបន់អាហាររដ្ឋានដ៏សម្បូរបែបនៅទីនេះគឺ
មានចំនួន១២ភោជនីយដ្ឋានជាមួយគ្នានេះដែរក៏មានតំបន់កំសាន្ដអន្ដរជាតិ ដែលមានល្បែង
កំសាន្ដច្រើនប្រភេទ    មានកន្លែងប្រជុំ   សាលជប់លៀងធំទូលាយ និង មានសាលប្រគុំតន្ត្រី
ត្រូវបានបំពាក់ ដោយឧបករណ៍ទំនើប និង អាចផ្ទុកមនុស្សបាន ៦ពាន់នាក់។ ឋានសួគ៌បូក
គោត្រូវបានគេរំពឹងថានឹងក្លាយជាកន្លែងដ៏អស្ចារ្យ សម្រាប់ការកំសាន្ដ នៅភ្នំហើយវាពិតជា
ស័ក្ដិសមជាឋានសួគ៌សម្រាប់ភ្ញៀវទេសចរណ៍ក្នុង និង ក្រៅប្រទេស។

កាត់ក្បាលក្មេងអាយុ ៣ ឆ្នាំព្រោះចង់ សម្រេចវិជ្ជាមេធ្មប់

នារីម្នាក់ត្រូវបានគេចាប់ខ្លួនដោយសារតែបានសម្លាប់ក្មួយប្រុសរបស់ខ្លួនដោយកាត់ក្បាលដើម្បី
បូជាក្លាយជាមេគ្រូធ្មប់នៅប្រទេសនេប៉ាល់។ នារីអាយុ ២៥ ឆ្នាំម្នាក់នេះឈ្មោះ Mahadevi Yadav
ដែលជាសិស្សរៀនវិជ្ជាធ្មប់ម្នាក់ប្រាប់ថាវិជ្ជាដែលនាងកំពុងរៀននឹងក្លាយជាកំពូលធ្មប់នោះអាច
និងទទួលបានជោកជ័យលុះត្រាណាតែហ៊ានសម្លាប់ កូនប្រុសរបស់ខ្លួន ឬកូនក្មួយ។

ប៉ូលីសបានចាប់ខ្លួននារីម្នាក់នេះនៅក្នុងផ្ទះមួយនៅទីប្រជុំជន Samapur ភាគខាងត្បូងរដ្ឋធានី
នៅប្រទេសណេប៉ាល់។ នារីម្នាក់នេះបានធ្វើពិធីបូជាក្បាលក្មេងប្រុសដែលជាក្មួយរបស់នាង
ឈ្មោះ Nitesh Kumar Yadav អាយុ ៣ ឆ្នាំកាលពីពាក់កណ្ដាលយប់ថ្ងៃសៅរ៍ដែលបានកោះហៅ
អន្ទងរករាល់ព្រលឹងដែលនាងជឿថាកំពុងតាមថែនាងអោយបានក្លាយជា មាតានៃគ្រូធ្មប់។ បើ
តាមរយៈ New York Daily បានអោយដឹងផងដែរថា នារីម្នាក់នេះបានធ្វើពិធីបូជាក្បាលក្មេងនេះ
ទៅតាមរបៀបណែនាំដែលនាងកំពុងតែរៀនធ្វើជាគ្រូធ្មប់ ហើយក្នុងនោះមានចែងថានឹងអាច
ក្លាយជាគ្រូធ្មប់ខ្លាំងបំផុតដោយការលះបង់បូជាក្បាលក្មេងប្រុសដែលជាកូន ឬកូនក្មួយរបស់ខ្លួន។

នារីដែលសម្លាប់ក្មេងដើម្បីចង់ក្លាយជាមេធ្មប់

នារីមា្នក់នេះបានសារភាពផងដែរថានាងបានរៀនវិជ្ជាអាបធ្មប់ពីឈ្មោះ Chhabilal Yadav ដែល
គេបានប្រាប់នាងថានាង អាចរៀនក្លាយជាគ្រូធ្មប់ពូកែជាងគេក្រោយពេលដែលនាងបានធ្វើការ
បូជាក្មួយប្រុសរបស់នាងដោយសម្លាប់និងកាត់ក្បាល។

នាង Yadav បានបោះក្បាលក្មួយរបស់នាងចូលទៅក្នុងទន្លេហើយកប់ខ្លួនរបស់ក្មួយប្រុសនាង
នៅក្រោមបន្ទប់ Pooja (ភាសារបស់នេប៉ាល់ សំដៅលើបន្ទប់របស់គ្រូធ្មប់) ។ នាងបានប្រាប់ទៀត
ដែរថានាងក៏មានគំរោងក្នុងការសម្លាប់កូនប្រុសច្បងរបស់នាងផងដែរគឺធ្វើតាមគ្រូដែលបង្រៀន
បានប្រាប់។ រឿងនេះវាបានក្លាយជារឿងរន្ធត់មួយក្រោយពេលដែលពត៌មាននេះបានលេចឮ
ចេញមកក្រៅ។

Monday, May 28, 2012

ក្រុមប្រឹក្សាសន្តិសុខអ.ស.បថ្កោលទោសក្រុងដាម៉ាស់ចំពោះការសម្លាប់រង្គាលនៅហ៊ូឡា

ក្រុមប្រឹក្សាសន្តិសុខអ.ស.ប កាលពីថ្ងៃទី២៧ឧសភាបានថ្កោលទោសដោយពាក្យធ្ងន់ៗបំផុតចពោះរដ្ឋាភិបាល ស៊ីរីដោយសារតែការ សម្លាប់រង្គាលនៅទីក្រុងហ៊ូឡាដែលបណ្តាលឱ្យមនុស្សស្លាប់១០៨នាក់ ខណៈដែលរុស្ស៊ីអះអាងនាពេលមុននេះពីការសង្ស័យលើការទទួលខុសត្រូវ របស់ក្រុងដាម៉ាស់ក្នុងរឿងសម្លាប់រង្គាលនេះ ។

ប្រទេសទាំង១៥ជាសមាជិកក្រុមប្រឹក្សាសន្តិសុខអ.ស.ប ក្នុងនោះមានទាំងរុស្ស៊ីជាសម្ព័ន្ធមិត្តស៊ីរីផងគូសបញ្ជាក់ថា ការវាយប្រហារទាំងឡាយដោយរួមមានទាំងការបាញ់ប្រហារដោយរថក្រោះ និងកាំភ្លើងធំរបស់រដ្ឋាភិបាលផងធ្វើឡើងប្រឆាំងសង្កាត់មួយ នៃទីក្រុងនោះ ។ ក្នុងសេចក្តីប្រកាសរួមមួយក្រុមប្រឹក្សាសន្តិសុខស្នើដល់លោក ប្រធានាធិបតីបាចាអាល់អាសាដ ឱ្យដកអាវុធធុនធ្ងន់ចេញពីទីក្រុងស៊ីរីទាំងអស់ ។

មុននេះបន្តិចឧត្តមសេនីយ៍ន័រវែស រ៉ូប៊ែតមូដ ប្រមុខក្រុមអ្នកសង្កេតការណ៍អ.ស.បនៅស៊ីរី តាមរយៈវីដេអូខេនហ្វេរេន មួយបញ្ជាក់ថា ក្រៅពីអ្នកស្លាប់មនុស្ស៣០០នាក់ទៀតត្រូវរបួស។ ការសម្លាប់រង្គាលនៅទីក្រុងហ៊ូឡា ភាគកណ្តាលស៊ីរី ដែលកើតមានកាលពីយប់ថ្ងៃទី២៥ មក២៦ឧសភា បង្កឱ្យមានការក្តៅក្រហាយជាអន្តរជាតិហើយរុស្ស៊ីក៏ពុំ អាចការពាររបបស៊ីរីដែរ ។

របបស៊ីរីតាមរយៈអ្នកនាំពាក្យក្រសួងការបរទេស របស់ខ្លួនបានបដិសេធទាំងស្រុងរាល់ការទទួលខុសត្រូវរបស់ រដ្ឋាភិបាលក្នុងការសម្លាប់រង្គាលនេះដោយថានោះជាស្នាដៃរបស់ ពួកភេរវករ ។ ក្រុងដាម៉ាស់បានប្រកាសពីការបង្កើតគណៈកម្មាធិការស៊ើបអង្កេត រួមមួយរបស់កងទ័ពនិងរបស់តុលាការលើអំពើហិង្សាទាំងនេះ ៕

កម្មករហុងដាគំរាមបិទទ្វាររោងចក្រនៅថ្ងៃនេះ

កម្មករជាង ៩០ ភាគរយនៅរោងចក្រ Honda NCX ក្នុងសង្កាត់ចោមចៅ ខណ្ឌពោធិ៍សែនជ័យ បានបន្តតវ៉ាចូលដល់ថ្ងៃទីពីរ កាលពីម្សិលមិញ ហើយបានគំរាមថា ពួកគេនឹងធ្វើការបិទទ្វារក្រុមហ៊ុននៅថ្ងៃនេះ ប្រសិនបើមិនមានដំណោះស្រាយចំពោះសំណើរបស់ពួកគេ។
គុណ រី អនុប្រធាននៃសហភាពការងារកម្ពុជានៅរោងចក្រHonda NCX បានថ្លែងកាលពីម្សិលមិញថា កម្មករចំនួនជិត ៥០០ នាក់បាននាំគ្នាធ្វើការតវ៉ា ដោយសារកម្មករមួយចំនួនត្រូវបានបណ្តេញចេញពីការងារនៅពេល ព្យាយាមបង្កើតសហជីព។ កម្មករទាំងអស់ក៏កំពុងព្យាយាមទាមទារឲ្យមាននូវលក្ខខណ្ឌការងារ និងអត្ថប្រយោជន៍ប្រសើរជាងមុនផងដែរសម្រាប់កម្មករ ដែលមានអតីតភាពការងារ ព្រមទាំងស្នើសុំឲ្យក្រុមហ៊ុនបណ្តេញប្រធានរដ្ឋបាល អៀត សេងនី ចេញ។ គុណ រី ថ្លែងថា៖ «កម្មករស្ទើរទាំងអស់របស់ក្រុមហ៊ុនបានប្រមូលផ្តុំគ្នាធ្វើ ការតវ៉ា ហើយបានចាក់ភ្លេងរាំនៅមុខក្រុមហ៊ុន ដើម្បីរង់ចាំដំណោះស្រាយ»។ គុណ រី បន្តថា ក្រុមហ៊ុនបានបដិសេធមិនជួប និងចរចាជាមួយកម្មករឡើយ។
សឿន សុត ជាងបច្ចេកទេស នៅក្រុមហ៊ុន បានថ្លែងថា ប្រសិនបើក្រុមហ៊ុនមិនផ្តល់ឲ្យតាមការស្នើសុំរបស់កម្មករ ពួកគេនឹងធ្វើការបិទទ្វាររោងចក្រ ហើយរារាំងមិនឲ្យរថយន្តចេញចូល។
លោក អៀត សេងនី ប្រធានរដ្ឋបាលរបស់ក្រុមហ៊ុន ដែលកម្មករចោទប្រកាន់ថា បានបណ្តេញកម្មករដែលបានព្យាយាមបង្កើតសហជីព បានថ្លែងកាលពីម្សិលមិញថា លោកមិនបានដឹងអំពីផែនការបិទទ្វាររោងចក្រនេះទេ។
លោកបានបន្តថា៖ «យើងមិនអាចស្វែងរកដំណោះស្រាយទៅតាមអ្វីដែលពួកគេទាមទារនោះ បានទេ»។ លោកបន្ថែមថា ក្រុមហ៊ុនកំពុងស្វែងរកដំណោះស្រាយតាមផ្លូវច្បាប់។
នៅក្នុងការតវ៉ាផ្សេងមួយទៀតកាលពីម្សិលមិញ កម្មករនៅរោងចក្រ Hai Yun ក្នុងសង្កាត់ស្ទឹងមានជ័យ ខណ្ឌមានជ័យ បាននំាគ្នាធ្វើកូដកម្មមិនព្រមចូលធ្វើការបន្ទាប់ពីកម្មករ ចំនួន ៦ នាក់ត្រូវបានបណ្តេញចេញពីការងារក្រោយពីបានចូលរួមសហជីព។
លោក អ៊ុំ វិសាល មន្រ្តីដោះស្រាយវិវាទការងារ នៅសហជីពប្រជាធិបតេយ្យកម្មករកាត់ដេរកម្ពុជាថ្លែងថា កម្មករ ៦ នាក់នៅរោងចក្រនេះ ត្រូវបណ្តេញចេញ ក្នុងរយៈពេលតែកន្លះថ្ងៃប៉ុណ្ណោះ បន្ទាប់ពីពួកគេបានជម្រាបប្រាប់ក្រុមហ៊ុនថា ពួកគេបានចូលរួមជាមួយសហជីព៕ PS

Hot News

Thursday, May 31, 2012

មនុស្សស្លាប់៧នាក់ និងរបួសច្រើននាក់ រថយន្តបឺសខ្នាតធំបុកគ្នាពេញទំហឹងជាមួយរថយន្តដឹកឈើ

ទស្សនាសម្រស់ តាតៃ

កំពូលអ្នកក្រឡុកស្រា !

Wednesday, May 30, 2012

HOT ៖ Guardiola ចង់ជួបជជែក ជាមួយ Abramovich

ឆ្នាំងបុរាណចិនមានតំលៃដល់ទៅ៥៨០,០០០លានដុល្លារ

វីដេអូ ៖ Sony Xperia S ប្រើប្រាស់ Android 4.0

វិធីប្តូរ Timeline មក Porfile ធត្មតាវិញ!!

Tuesday, May 29, 2012

ចោរប្លន់បន្ទាប់ពីបង្ហោះរូបប្រាក់ដុល្លារមួយដុំលើ FB

១ ដុល្លារបង្កើតស្នាមញញឹមដល់កុមារអភ័ព្វ

រដ្ឋាភិបាលស៊ីរីបដិសេធការចោទប្រកាន់ក្នុងការសម្លាប់រង្គាលនៅខេត្តហ៊ូឡា

អាជ្ញាធរអប្សរាអនុញ្ញាតឲ្យពលរដ្ឋជួលជុលផ្ទះ អំឡុងពេលបោះឆ្នោត

ជនខិលខូចពាក់កាតអនិកជនល្បួងបោកប្រាក់ ជាង៣ម៉ឺនដុល្លារ

សិស្ស១៧០០នាក់ចូលរួមពិព័រណ៍មុខជំនាញនិងការងារ

យុវជនត្រូវដឹងអ្វីខ្លះពីផ្សារមូលបត្រ?

ទិដ្ឋភាពក្រោយរញ្ជួយដី២០ឧសភានៅអ៊ីតាលី

សិស្ស១៧០០នាក់ចូលរួមពិព័រណ៍មុខជំនាញនិងការងារ

រមណីយដ្ឋាន ឋានសួគ៌បូកគោពិតជាល្អមែន!!!

កាត់ក្បាលក្មេងអាយុ ៣ ឆ្នាំព្រោះចង់ សម្រេចវិជ្ជាមេធ្មប់

Monday, May 28, 2012

ក្រុមប្រឹក្សាសន្តិសុខអ.ស.បថ្កោលទោសក្រុងដាម៉ាស់ចំពោះការសម្លាប់រង្គាលនៅហ៊ូឡា

កម្មករហុងដាគំរាមបិទទ្វាររោងចក្រនៅថ្ងៃនេះ

Comments system

Disqus Shortname