មន្ដ្រីនគរបាលប្រឆាំងការជួញដូរ មនុស្សនិងការពារអនីតិជនខេត្ដសៀមរាប បានឱ្យដឹងថា បុរសឈ្មោះ ម៉ន សាវុធ អាយុ៣៧ឆ្នាំ មានតួនាទីជាប្រធានអង្គ ការអប់រំកុមារកំព្រាអង្គរ (AOEO) ត្រូវ បាននគរបាលចាប់ខ្លួនកាលពីថ្ងៃទី២២ ខែមីនា ឆ្នាំ២០១៣ បន្ទាប់ពីនគរបាល បានកោះហៅបុរសរូបនេះមកសាកសួរអំពីដំណើររឿងដែលគេសង្ស័យថា បុរសខាងលើបានរំលោភក្មេងស្រីអាយុ១២ទៅ១៣ឆ្នាំចំនួន២នាក់ជា ក្មេងស្នាក់នៅក្នុងមណ្ឌលអប់រំរបស់អង្គការ មានទីតាំង ស្ថិតនៅក្នុងភូមិកក្រាញ់ សង្កាត់-ក្រុង សៀមរាប ។
នាយការិយាល័យនគរបាលប្រឆាំង ការជួញដូរមនុស្ស និងការពារអនីតិជន នៃស្នងការដ្ឋាននគរបាលខេត្ដសៀមរាប លោកស្រីវរសេនីយ៍ត្រី ដួង ថាវរី បានឱ្យដឹងថា ការចាប់ខ្លួនជនសង្ស័យ ឈ្មោះ ម៉ន សាវុធ នេះគឺយោងតាម ពាក្យបណ្ដឹងរបស់អង្គការមួយចំនួន ដែលគេសង្ស័យថា ជននេះអាចប្រព្រឹត្ដ ទង្វើមិនគប្បីលើក្មេងស្រីរងគ្រោះ។ ក្រោយពីទទួលពាក្យបណ្ដឹងនេះនគរបាលក៏បានបើកការស៊ើបអង្កេតជា បន្ទាន់ ។
លោកស្រី ដួង ថាវរី បន្ដថា ក្រោយ ពេលស៊ើបអង្កេតនគរបាលរកឃើញថា កាលពីអំឡុងឆ្នាំ២០១២កន្លងទៅ ជន សង្ស័យ ម៉ន សាវុធ បានយកក្មេងស្រី អាយុ១១ឆ្នាំម្នាក់ និង១២ឆ្នាំម្នាក់ ឱ្យមក ស្នាក់នៅក្នុងមណ្ឌលរបស់ខ្លួនដោយឱ្យ ក្មេងស្រីទាំងពីរដេកនៅក្នុងបន្ទប់លើគ្រែតែមួយជាមួយខ្លួន ។ លុះមានថ្ងៃមួយ ពេលកំពុងតែដេក ស្រាប់តែក្មេងស្រី ម្នាក់បានភ្ញាក់ដឹងខ្លួនឃើញលោកប្រធាន អង្គការរូបនេះបានដោះអាវខោក្មេងស្រីម្នាក់ទៀត ព្រមទាំងស្រាតខោខ្លួនឯង យកប្រដាប់ភេទទៅញុលនឹងប្រដាប់ ភេទក្មេងស្រីនោះ ។ លោកស្រីបន្ដថា ដោយដឹងថា ក្មេងស្រីដែលដេកជាមួយ ខ្លួនម្នាក់ទៀតភ្ញាក់ដឹងខ្លួននោះជនសង្ស័យក៏បានស្លៀកខោដេកធម្មតា វិញ ។
លោកស្រីប្រធានការិយាល័យឱ្យដឹង បន្ដថា រឿងហេតុនេះត្រូវបានក្មេងស្រីរង គ្រោះលាក់ទុកមិនហ៊ានទម្លាយប្រាប់គេ ទេ ព្រោះខ្លាចមិនបានស្នាក់នៅក្នុងមណ្ឌល នោះទៀត ត្បិតអីឪពុកម្ដាយរបស់នាង បានទៅធ្វើការនៅប្រទេសថៃអស់ហើយ។ លោកស្រីបន្ដថា បុរសរូបនេះត្រូវបាន សមត្ថកិច្ចកសាងសំណុំរឿងបញ្ជូនទៅ តុលាការពីបទប្រទូស្ដកេរខ្មាស។
ចំណកលោក ចៅ លក្ខ័វណ្ណា មន្ដ្រី អង្គការលីកាដូដែលបានតាមតាមដាន រឿងនេះឱ្យដឹងថា លោកម៉ន សាវុធ កំពុង ស្ថិតនៅក្នុងការសង្ស័យថា បានរំលោភ កុមារីរងគ្រោះទាំងពីរនាក់ ។ លោកបន្ដ ថា ខាងលោកនិងខាងសមត្ថកិច្ចនគរ បាលកំពុងស្រាវជ្រាវបន្ថែមទៀតអំពីករណីនេះ ៕(នគរវត្ត)
