ខេត្តស្វាយរៀង ៖
ស្ត្រីម្នាក់ត្រូវបានគេសង្ស័យថា ត្រូវរថយន្តបុក
និងកិនដាច់ក្បាលបាត់ ប្រកាច់ស្លាប់យ៉ាងអាណោចអាធ័ម
ខណៈដែលស្ត្រីរូបនោះជិះកង់តាមចិញ្ចើមផ្លូវជាតិ
កាលពីវេលាម៉ោង៩ និង១០នាទីព្រឹក ថ្ងៃទី២០ មីនា
នៅលើកំណាត់ផ្លូវជាតិលេខ១ ខាងកើតក្លោងទ្វារវត្តទួលទទឹម
ស្ថិតក្នុងភូមិត្របែកប្រហោង ឃុំតាសួស ស្រុកស្វាយជ្រំ ។
ស្ត្រីរងគ្រោះឈ្មោះវ៉ា សុភាព អាយុ៤៦ឆ្នាំ
មានទីលំនៅភូមិព្រៃបន្ទាយ ឃុំស្វាយយា ស្រុកស្វាយជ្រំ។
លោកវរសេនីយ៍ត្រី ឡឹក ធឿន
អធិការនគរបាលស្រុកស្វាយជ្រំបានមានប្រសាសន៍ថា
មិនមានអ្នកណាបានឃើញហេតុការណ៍ផ្ទាល់ភ្នែកទេ ស្រាប់តែ
គេឃើញស្ត្រីម្នាក់ដេកដួលលើផ្លូវជាតិលេខ១ ដាច់ក្បាលបាត់
សល់តែសាច់មាត់បន្តិច
ឯកង់មួយគ្រឿងដួលក្បែរនោះក៏ដូចជាពុំមានប៉ះដាច់រលាត់ថ្នាំ
ហើយសមត្ថកិច្ចរបស់លោកដែលឈរជើងនៅខាងលិចកន្លែងកើតហេតុតែជាង
១០០ម៉ែត្រប៉ុណ្ណោះ ក៏ពុំឮស្នូរបុកអ្វីសោះ៕(ប្រភពកោះសន្តិភាព)
