យោងតាមប្រភពព័ត៌មាន ពីសមត្ថកិច្ច មូលដ្ឋាន បានឱ្យដឹងថា នៅវេលាម៉ោង ប្រហែល ៣ រសៀលថ្ងៃទី០២ ខែមីនា នេះ នៅពេលដែលជនរងគ្រោះ មានឪពុក-ម្ដាយ និងកូនស្រី ៥-៦នាក់ បានធ្វើដំណើរ មកដើរលេងពីខេត្ដព្រះសីហនុ ហើយពេល ដល់ផ្ទះ បើកទ្វាររថយន្ដចុះ ស្រាប់តែលេច មុខជនសង្ស័យ ៤នាក់ ជិះម៉ូតូ សេ ១២៥ ស៊េរី ២០១២ និង ២០១៣ ធ្វើសកម្មភាព ភ្ជង់ និងប្លន់យកកាបូបលុយពីខ្លួន ដោយ សុវត្ថិភាព ។
សមត្ថកិច្ចបានបន្ដថា នៅពេលកំពុង ភ្ជង់នោះ ជនសង្ស័យម្នាក់បានដកកាំភ្លើង វាយក្បាលស្ដ្រីឈ្មោះ រ៉េន បុបា្ជ អាយុ ៣១ឆ្នាំ ជាកូនស្រី បណ្ដាលឱ្យបែកក្បាល រងរបួសធ្ងន់ រួចហើយជនសង្ស័យរូបនេះក៏ បានដកកាំភ្លើង ភ្ជង់បុរសជាឪពុក និងស្ដ្រីជា ម្ដាយ ប្លន់យកកាបូបលុយចំនួន ៥ បូករួម ទាំងគ្រឿងអលង្ការ អស់ជាង១ម៉ឺនដុល្លារ ហើយគេចខ្លួនបាត់ទៅ ។ បើតាមសមត្ថកិច្ច ក្រោយកើតហេតុភ្លាមៗ កម្លាំងនគរបាល និងកម្លាំងអាវុធហត្ថ បានចុះទៅកន្លែងកើត ហេតុ ដើម្បីសាកសួរជនរងគ្រោះ តាមស្វែង រកចាប់ខ្លួន ក្រុមចោរប្លន់ទាំងនេះ ។
គួរបញ្ជាក់ថា កាលពីយប់ថ្ងៃទី២៨ ខែ កុម្ភៈ ក៏មានករណីប្លន់ប្រដាប់អាវុធពីនិស្សិត ពេទ្យម្នាក់ នៅភូមិឫស្សី សង្កាត់ស្ទឹងមាន ជ័យ ខណ្ឌមានជ័យផងដែរ ដោយប្លន់យក ម៉ូតូ ស្ដុបពីមួយគ្រឿង បាត់ដោយសុវត្ថិភាព៕(DAP)
