ទិដ្ឋភាពគ្រោះថ្នាក់ចរាចរណ៍ បណ្តាលឲ្យស្លាប់មនុស្ស ៤ នាក់ នៅខេត្តកំពង់ចាម
ជនរងគ្រោះ ដែលស្លាប់ទាំង ៤ នាក់នោះ មានឈ្មោះ នួន ឆុន ភេទប្រុស អាយុ ៥១ឆ្នាំ ជាអ្នករត់ម៉ូតូឌុប ជិះម៉ូតូម៉ាកវេវ ពណ៌ក្រហម ស្នាក់នៅភូមិបឹងកំពឹស ឃុំទួលសុភី ស្រុកអូររាំងឪ ខេត្តកំពង់ចាម។ បុរសម្នាក់នេះ បានដឹកស្រី្តពីរនាក់ ក្នុងនោះ ស្ត្រីជាម្តាយឈ្មោះ ស៊ាង សន អាយុ ៦៣ឆ្នាំ ស្នាក់នៅភូមិទួលសុពណ៌ ឃុំទួលសុភី ដែលបានជូនកូនស្រីមានផ្ទៃពោះគ្រប់ខែ ឈ្មោះ អ៊ាង សំ អាយុ ៣១ឆ្នាំ ជិះម៉ូតូឌុប ទៅឆ្លងទន្លេ។
ក្នុងពេលជួប គ្រោះថ្នាក់នោះ បណ្តាលស្ត្រីមានផ្ទៃពោះគ្រប់ខែឆ្លងទន្លេតែម្តង ហើយទារកនោះ បានស្លាប់ភ្លាមៗ។ ចំណែកស្ត្រីជាម្តាយ បានស្លាប់ ពេលបញ្ជូនទៅសង្គ្រោះនៅមន្ទីរពេទ្យ។
ទិដ្ឋភាពគ្រោះថ្នាក់ចរាចរណ៍ បណ្តាលឲ្យស្លាប់មនុស្ស ៤ នាក់ នៅខេត្តកំពង់ចាម
រថយន្តបង្កគ្រោះថ្នាក់នោះ ប្រភេទយីឌុប ពណ៌ស ស្លាកលេខភ្នំពេញ 3B 6769 បើកបរដោយបុរសម្នាក់ បានរត់គេចខ្លួនបាត់ ក្រោយពេលកើតហេតុ។
មុនពេលកើតហេតុ ស្ត្រីជាម្តាយ បាននាំកូនស្រី ដែលឈឺពោះឆ្លងទន្លេ ដោយជួលម៉ូតូឌុប ដើម្បីទៅមន្ទីរពេទ្យ ប៉ុន្តែជាអកុសល បានជួបគ្រោះថ្នាក់ចរាចរណ៍ជាមួយរថយន្តយីឌុប ដឹកស្រូវពេញ បណ្តាលឲ្យស្លាប់ទាំង ៤ នាក់តែម្តង៕(CEN)
គ្រោះថ្នាក់ចរាចរណ៍ បណ្តាលឲ្យស្លាប់មនុស្ស ៣ នាក់ នៅខេត្តកំពង់ចាម
