រតនគីរី:
ស្ដ្រីជនជាតិគ្រឹងវ័យជាង៥០ឆ្នាំម្នាក់បានស្លាប់
ហើយតៃកុងឡានបានរត់គេចបាត់ ក្នុងគ្រោះថ្នាក់ចរាចរណ៍មួយ
កាលពីព្រឹកថ្ងៃទី១០ ខែមីនា ២០១៣ នៅតាមបណ្ដោយផ្លូវជាតិលេខ៧៨
ក្នុងស្រុកកូនមុំ ខេត្តរតនគីរី។
រថយន្ដបង្កហេតុជារថយន្តម្ភៃប្រាំកៅអី ប្រភេទទេសចរណ៍ ពាក់ស្លាកលេខ
ភ្នំពេញ ៣A ៨៣០៧។ ស្ដ្រីជនជាតិគ្រឹងនោះ បានត្រូវរថយន្តបុកស្លាប់ពេលគាត់កំពុងជញ្ជូនឥវ៉ាន់ឆ្លងផ្លូវ។ ឡានបានបុកគាត់ឲ្យដួលផ្ងាក្រោយហើយកិនពីលើថែមទៀត។ បន្ទាប់ពីបុកតៃកុងរថយន្ដនោះ បានបន្ថែមល្បឿនរថយន្តបើករត់ទៅមុខជាងមួយគីឡូម៉ែត្រ ទើបឈប់ហើយម្ចាស់គេចខ្លួនបាត់។ នៅលើរថយន្ដនោះមានដឹកភ្ញៀវពេញ ភ្ញៀវបានរករថយន្ដផ្សេងជិះបន្ដដំណើរដោយខ្លួនឯង។(cen)
