លោកវរសេនីយ៍ត្រីអ៊ុយ សេង អធិ ការនគរបាលស្រុកអន្លង់វែងបានមាន ប្រសាសន៍ឱ្យដឹងថា ដោយមានការចង្អុល បង្ហាញពីលោកឧត្ដមសេនីយ៍ត្រី ម៉ែន លី ស្នងការនគរបាលស្រុកបានតាមដាន មុខសញ្ញាចោរប្លន់ម៉ូតូស្គូពីមួយគ្រឿង នៅរាជធានីភ្នំពេញ កាលពីថ្ងៃទី១ ខែកញ្ញា ឆ្នាំ២០១២ និងសហការជាមួយសមត្ថ កិច្ចនគរបាលនៃស្នងការដ្ឋាននគរបាល រាជធានីភ្នំពេញនោះ លោកក៏បានចាត់ កម្លាំងជំនាញតាមដានមុខសញ្ញាសកម្ម ខាងលើនេះ ទីបំផុតយើងក៏បានចាប់មុខ សញ្ញាជនសង្ស័យ២នាក់នៅក្នុងហាង កាហ្វេមួយកន្លែងក្នុងទីប្រជុំជនស្រុកអន្លង់ វែង ហើយនាំមកកាន់អធិការនគរបាល ស្រុកដើម្បីធ្វើការសាកសួររួចក៏បាន ប្រគល់ជនសង្ស័យមកសមត្ថកិច្ចនគរ បាលរាជធានីភ្នំពេញ ដើម្បីចាត់់ការបន្ដ ទៅតាមច្បាប់ ។
លោកវរសេនីយ៍ត្រីស៊ុង សេង បានឱ្យដឹងទៀតថា ជនសង្ស័យទាំង២នាក់ដែល សមត្ថកិច្ចធ្វើការឃាត់ខ្លួនមានឈ្មោះ ១-ហ៊ាង សុខណា ភេទប្រុស អាយុ២៧ឆ្នាំ ,២-ឈ្មោះហ៊ង សុខលាង ភេទប្រុស អាយុ២១ឆ្នាំ ។ ជនសង្ស័យទាំង២នាក់នេះ មានទីលំនៅភូមិថ្លាត ឃុំថ្លាត ស្រុក អន្លង់វែង ខេត្ដឧត្ដរមានជ័យ ។
លោកវរសេនីយ៍ត្រីស៊ុង សេងបានបញ្ជាក់បន្ថែមថា ជនសង្ស័យទាំង២នាក់នេះបានធ្វើសកម្មភាពប្លន់ម៉ូតូមួយគ្រឿង ម៉ាកស្គូពី ពណ៌ខ្មៅលាយឈាមជ្រូកកាល ពីថ្ងៃទី១ ខែកញ្ញា ឆ្នាំ២០១៣ វេលាម៉ោង ១២ថ្ងៃត្រង់ចំណុចមុខផ្ទះលេខ១៥៨ ផ្លូវលេខ១៥៦ សង្កាត់ទឹកល្អក់២ ខណ្ឌទួលគោក រាជធានីភ្នំពេញ ៕(nokorwat)
