ខេត្ដពោធិ៍សាត់ៈ
បុរសអ្នករត់តាក់ស៊ី ម្នាក់ត្រូវសន្ដិសុខយាមចំណតរថយន្ដ
នៅផ្សារចាស់ ស្ថិតក្នុងភូមិពាលញែក១ សង្កាត់ផ្ទះព្រៃ
ក្រុងពោធិ៍សាត់ ព្រួតគ្នា វាយឱ្យរងរបួសធ្ងន់ ខណៈទារលុយភាស៊ី
មិនបាន ។
ករណីវាយអ្នករត់តាក់ស៊ីនេះបាន
កើតឡើងនៅរសៀលថ្ងៃទី២១ ខែមីនា ឆ្នាំ២០១៣
ស្ថិតនៅចំណតរថយន្ដផ្សារ ចាស់ ស្ថិតក្នុងភូមិ សង្កាត់ខាងលើ ។
បុរសរងគ្រោះត្រូវបានគេស្គាល់
ឈ្មោះចាន់ នៀង អាយុ២១ឆ្នាំ មុខរបរ
រត់តាក់ស៊ីពីវាលវែងមកពោធិ៍សាត់ បច្ចុប្បន្នរស់នៅឃុំអន្លង់រាប
ស្រុកវាល វែង ខេត្ដពោធិ៍សាត់ ។ មុនពេលកើត ហេតុ
បុរសអ្នករត់តាក់ស៊ីបានបើករថ យន្ដមកចំណតដូចសព្វដង តែនៅថ្ងៃ
កើតហេតុ បុរសអ្នករត់តាក់ស៊ីមិនមាន
បំណងដឹកអ្នកដំណើរទៅវាលវែងនោះទេ ក្រោយមកដោយបើករថយន្ដទៅចតទុក
ហួសពីចំណត ស្រាប់តែក្រុមសន្ដិសុខ
បានស្រែកប្រាប់អ្នករត់តាក់ស៊ីថា មេគេ
ហៅឱ្យទៅជួបខណៈដែលជនរងគ្រោះតបទៅវិញថា “គាត់មិនទៅទេ
ព្រោះគ្មាន កិច្ចការណាដែលត្រូវទៅជួប” ម្យ៉ាងទៀត
នៅថ្ងៃនេះគាត់ក៏មិនបានដឹកអ្នកដំណើរ នោះដែរ ។
ស្របពេលនោះក្រុមសន្ដិសុខ ទារភាស៊ីនៅចំណតរថយន្ដនាំគ្នាចាប់
អូសវាយក្បាលជនរងគ្រោះនឹងវិទ្យុទាក់ ទង ។
បន្ទាប់មកក៏លិចមុខឈ្មោះ ម៉េង
ជាមេសន្ដិសុខប្រចាំនៅចំណតមួយនេះបាននាំបក្ខពួក២-៣នាក់ទៀតមក
ព្រួត វាយបុរសរងគ្រោះបណ្ដាលឱ្យរងរបួស ធ្ងន់តែម្ដង ។
ជនរងគ្រោះបានបន្ដថា
ក្រុមសន្ដិសុខ បានវាយធ្វើបាបខ្លួនយ៉ាងខ្លាំង ហើយកុំតែ
បានក្រុមអាជីវករ និងអ្នករត់តាក់ស៊ីដូច គ្នាជួយធ្វើអន្ដរាគមន៍
ទើបក្រុមសន្ដិសុខ បាននាំគ្នាដកថយ ។ ជនរងគ្រោះបញ្ជាក់ ថា
ករណីនេះ គាត់មិនសុខចិត្ដនឹងក្រុម សន្ដិសុខទាំងនេះទេ
ហើយនឹងដាក់ពាក្យ បណ្ដឹងទៅនគរបាលព្រហ្មទណ្ឌខេត្ដដើម្បី
ទាមទារយុត្ដិធម៌ ។
មន្ដ្រីនគរបាលព្រហ្មទណ្ឌកម្រិត
ស្រាល ខេត្ដពោធិ៍សាត់បានបង្ហើបឱ្យដឹងថា
សមត្ថកិច្ចបានទទួលពាក្យបណ្ដឹងជនរង គ្រោះ
និងក៏បានទទួលពាក្យបណ្ដឹងខាង សន្ដិសុខទារភាស៊ីផងដែរ ។
ទាក់ទឹនការប្រើហិង្សាពីសំណាក់
ក្រុម សន្ដិសុខព្រួតគ្នាវាយទៅលើអ្នករត់តាក់
ស៊ីម្នាក់ឯងនេះដែរ ក្រុមអាជីវករបានឱ្យ ដឹងថា
ក្រុមសន្ដិសុខប្រចាំចំណតរថយន្ដ ផ្សារចាស់នេះ ពួកគេពិតជាមានភាព
អនាធិបតេយ្យខ្លាំងណាស់ បើនិយាយស្ដី វិញដូចជាពួក ប៉ុល ពត
មកចាប់ជាតិ អ៊ីចឹង គឺគ្មានច្បាប់ គ្មានទម្លាប់អ្វីនោះទេ
មួយថ្ងៃៗបង្កភាពរញ៉េរញ៉ៃទារភាស៊ី តាមអំពើចិត្ដ ។
អាជីវករបានសំណូម ពរផងដែរដល់លោកចៅហ្វាយក្រុង
ពោធិ៍សាត់ជួយពិនិត្យមើលក្រុមសន្ដិ
សុខទាំងនេះផងបើមិនដូច្នេះទេប្រាកដជាមានភាពអនាធិបតេយ្យកាន់តែ
ខ្លាំងពុំ ខានឡើយ ។
ជុំវិញក្រុមសន្ដិសុខផ្សារចាស់
វាយ អ្នករត់តាក់ស៊ី មានទាំងមេសន្ដិសុខ ឈ្មោះម៉េង ជា ផងនោះ
អ្នកយកព័ត៌មាន នគរវត្ដមិនអាចសុំការពន្យល់បានទេ ថា
ហេតុអ្វីសម័យមានច្បាប់ទម្លាប់ហើយ នោះ
នាំគ្នាព្រួតវាយមនុស្សបែបនេះ?៕(ប្រភពនគវត្ត)
