ខេត្តបន្ទាយមានជ័យ ៖
រថយន្តដឹកម៉ាស៊ីនច្រូតស្រូវធុនធំ ១គ្រឿង ខណៈបត់ចូលផ្ទះ
ក៏បានក្រឡាប់ផ្ងារជើង
តែមិនបណ្តាលឱ្យគ្រោះថ្នាក់ដល់អ្នកណាម្នាក់ឡើយ
និងបង្កឱ្យមានការកកស្ទះចរាចរណ៍ ដែលហេតុការណ៍នេះ
បានកើតឡើងកាលពីវេលាម៉ោង ៤ និង ៣០នាទី ល្ងាចថ្ងៃទី០៨ សីហា
២០១៣ នៅលើកំណាត់ផ្លូវជាតិលេខ៥ ចំណុចភូមិជំទាវ ឃុំឫស្សីក្រោក
ស្រុកមង្គលបូរី ខេត្តបន្ទាយមានជ័យ ។
មន្ត្រីនគរបាលចរាចរណ៍ស្រុកមង្គលបូរី
បានប្រាប់ឱ្យដឹងថា ម្ចាស់រថយន្តដឹកម៉ាស៊ីនច្រូតស្រូវធុនធំ
ដែលក្រឡាប់មានឈ្មោះ ទាវ ភេទប្រុស អាយុប្រហែល ៤០ឆ្នាំ
រស់នៅភូមិជំទាវ ឃុំឫស្សីក្រោក ស្រុកមង្គលបូរី ។
នៅមុនពេលកើតហេតុ
រថយន្តបានដឹកម៉ាស៊ីនច្រូតស្រូវធុនធំមកពីច្រូតនៅវាល
គោលបំណងដឹកមកដាក់ផ្ទះ
ពេលដឹកមកជិតដល់ផ្ទះបម្រុងបត់ចូលផ្ទះនៅស្តាំដៃខាងកើតផ្លូវ
ពេលបត់ចូលក៏ក្រឡាប់ផ្ងារជើងតែម្តង ប៉ុន្តែ
មិនបណ្តាលឱ្យមនុស្សរងគ្រោះថ្នាក់ឡើយ ។
មន្ត្រីនគរបាល បានបន្តប្រាប់ថា
ក្រោយពេលរថយន្តក្រឡាប់
បានបណ្តាលឱ្យមានការកកស្ទះចរាចរណ៍ប្រមាណជិតកន្លះម៉ោង
ទើបត្រូវមន្ត្រីនគរបាលជួយសម្រួលឱ្យម្ចាស់ដឹកបាវអង្កាមមករៀប
ហើយយករថយន្តស្ទូចមកស្ទូចរថយន្តក្រឡាប់ឡើងវិញ ៕(KOH)
