ពិធីការិនី និងតារាសម្ដែង ថន លក្ខិណា ក្នុងឈុតរ៉ូបខ្មៅលាយពណ៌មាស ដែលរំលេចនូវសាច់ដើមទ្រូងសខ្ចី។ រូប ហុង មិនា
គួររំឭកថា «អាណាចក្រតារា» ជាស្ពានសម្រាប់អ្នកគាំទ្រដែលមានសិល្បៈក្នុងបេះដូងបានជួបនិង សម្ដែងការគាំទ្រ ក្ដីស្រឡាញ់ចំពោះសិល្បករ សិល្បការិនីខ្មែរដែលបានខិតខំសាងស្នាដៃ និងបម្រើការងារក្នុងវិស័យសិល្បៈខ្មែរតាមគ្រប់ទម្រង់។ «អាណាចក្រតារា» ក៏ជាព្រឹត្តិការណ៍ជួបជុំសំណេះសំណាលរវាងផលិតករ សិល្បករ ពាណិជ្ជករ ជាតិដើម្បីលើកស្ទួយ ជ្រោមជ្រែងសិល្បៈខ្មែរតាមគ្រប់រូបភាពដើម្បីឆ្ពោះទៅកាន់មាគ៌ាដ៏ ត្រចះត្រចង់មួយដែលជាតិ និងប្រជាជាតិខ្មែរគ្រប់រូបប្រាថ្នាចង់ឃើញ។ «អាណាចក្រតារា»ក៏ជាថ្នាលនៃការចែករំលែកបទពិសោធ ចូលរួមអបអរលទ្ធផលការងារដែលសិល្បករ ផលិតករ និងស្ថាប័នសិល្បៈសម្រេចបានក្នុងរយៈពេលកន្លងមកឬមួយឆ្នាំចុង ក្រោយ។
ជាការពិតណាស់ក្នុងកម្មវិធីអាណាចក្រតារាកាលពីរាត្រីថ្ងៃទី១៥ខែ សីហា កន្លងទៅថ្មីៗនោះ ដែលប្រព្រឹត្តទៅនៅក្នុងសាលមហោស្រពកោះពេជ្រនោះ យ៉ាងហោចណាស់មានសិល្បករប្រុស-ស្រីស្រស់ស្អាត និងស្រស់សោភា ប្រមាណជិត ៤០០នាក់ រួមជាមួយអ្នកគាំទ្រតារាៗនឹងអ្នកជំនួញតូចធំៗប្រមាណ ៥០០នាក់ នៅសាលមហោស្រពកោះពេជ្រ ដែលវត្តមាននោះ ទាំងអ្នកសិល្បករ សិល្បការិនីនិងអ្នកគាំទ្របានបន្លឺឡើងយ៉ាងកងរំពងកក្រើកសាលមហោស្រព កោះពេជ្រ កាលពីរាត្រីថ្ងៃទី១៥ ខែសីហា ឆ្នាំ២០១៣ អបអរដំណើរនិងវត្តមានតារាៗក្នុង «កម្មវិធីអាណាចក្រតារាឆ្នាំ២០១៣»។
សិល្បករសិល្បការិនីដែលមានសំណាងទទួលបានពានសម្រាប់អាជីពនោះ មានចំនួន៣៣រូបផ្នែកអ្នកដឹកនាំរឿង តារាសិល្បករ សិល្បការិនីតាមផ្នែក តាមប្រភេទរៀងៗខ្លួន ខណៈដែលតារាចម្រៀងល្បីៗជាច្រើននាក់ប្រចាំផលិតកម្មរស្មីហង្សមាស អវត្តមាន។
ក្រុមអ្នកនិយមតាមដានកម្មវិធីមួយនេះបានសង្កត់ធ្ងន់ថា៖« ប៉ុន្តែវាបានក្លាយទៅជាអាណាចក្រដើមទ្រូងតារាទៅវិញ។ ពីព្រោះមានតារាស្រីទទួលពានរង្វាន់ជាច្រើននាក់ ព្រមទាំងតារាមិនបានទទួលពានផងបានយកវេទិកាអាណាចក្រតារានេះធ្វើ ជាព្រឹត្តិការណ៍បង្អួតសាច់ ឬបង្អួតដើមទ្រូងដ៏ទ្រលុកទ្រលន់យ៉ាងព្រហើនរបស់តារាស្រីៗនៅចំពោះ មុខមហាជនតែម្តង»។
នៅក្នុងបណ្ដាញទំនាក់ទំនងសង្គម ពួកគេបានលើកឡើងទៀតថា៖ «មិនស័ក្តិសមជាអាណាចក្រតារាក្រោមដំបូលតែមួយ និងដើម្បីលើកទឹកចិត្តតារាឲ្យចូលរួមចំណែកលើកស្ទួយវិស័យសិល្បៈ វប្បធម៌របស់ខ្មែរទេព្រោះតារាៗគិតតែនាំគ្នាបង្អួតសាច់ដាក់គ្នា »។
នៅមិនមានឃើញមានតារាស្រីច្រើននោះ ប្រតិកម្មការលើកឡើងបន្តុះបង្អាប់មកលើសកម្មភាពនិងការស្លៀកពាក់ របស់អ្នកសិល្បៈចូលរួមកម្មវិធីអាណាចក្រតារានោះក្រៅពីអ្នកនាង ឆយី ដែលជាតារាសម្តែង ទើបលេចវត្តមាននៅមកអុកឡុកសិល្បៈថ្មីៗនេះ ក្រោយពីនាងបានដកខ្លួនចេញជិត៣ឆ្នាំនោះ។
ឆយី លេចវត្តមានក្នុងកម្មវិធីអាណាចក្រតារា នៅរាត្រីថ្ងៃទី១៥ខែសីហានេះ នាងត្រូវមានគេមើលឃើញថា ជាតារាស្រីដែលស្លៀកពាក់សិចស៊ីជាងគេដែលមើលទៅស្ទើរតែលេចចេញសុដន់ ទាំងគូរបស់នាង។ ការប្រតិកម្មរបស់នាង ឆយីនោះនាងបានសរសេរនៅហ្វេសប៊ុករបស់នាងដូច្នេះថា៖ «ចង់ឲ្យប្រទេសក្លាយជាសេរីតែបែរជារិះគន់ធ្វើអីក៏មិនបានស្លៀក អីក៏អត់បាន គ្មានអ្នកណាភ្លេចវប្បធម៌ ប្រពៃណីខ្មែរទេតែអ្វីៗធ្វើតាមកាលៈទេសៈដើម្បីឲ្យសិល្បៈយើងមាន ភាពស៊ីវិល័យខ្លះមានពេលត្រូវសិចស៊ីមានពេលត្រូវបុរាណ! ក្រឡេកមើលជុំវិញប្រទេសអាស៊ីជិតយើងមើលថាគេដើរដល់ណាហើយ? ពួកគាត់មិនបានស្លៀកចឹងចូលវត្តអារាមទេមិនបាច់រិះគន់អីដល់ថ្នាក់ នឹងទេ! ប្រុសៗមិនយល់ទេថានារីៗចង់ស្អាតសិចស៊ីប៉ុនណានោះ!»។
បន្ថែមលើពាក្យសម្ដីត្អូញត្អែរនោះ នាង ឆយី ក៏បានសរសេរពាក្យបែបបញ្ចើចបញ្ចើមកលើក្រុមអ្នករិះគន់លើភាពសិចស៊ី របស់នាងវិញដែរ ដោយនាងសរសេរថា៖ «ដៀលបានល្អណាស់អ្នកទាំងអស់ខ្ញុំចាត់ទុកថាជាពាក្យរិះគន់ដើម្បី ស្ថាបនាអរគុណដែលបានរំឭកខ្ងុំថាជាខ្មែរកុំអីភ្លេចខ្លួនបាត់»៕(POSTKHMER)
