គ្រួសារជនជាតិបារាំងដែលបាត់ខ្លួនជាងមួយខែមក
ហើយនៅក្នុងខេត្តកំពង់ស្ពឺនោះកំពុងត្រូវបានគេសង្ស័យថា
ធ្វើអត្តឃាតទាំងគ្រួសារនៅក្នុងទឹកស្រះធំមួយស្ថិតនៅក្រោយផ្ទះ
វីឡាដែលពួកគេជួលស្នាក់នៅ
បង្កឱ្យមានការភ្ញាក់ផ្អើលដល់អ្នកក្រុងច្បារមនរាប់ពាន់នាក់ចោម
រោមមើលសមត្ថកិច្ចបូកទឹកចេញពីស្រះដើម្បីស្ទូចយករថយន្តលិចក្នុង
ស្រះនោះឡើងមកលើគោកវិញ និងពិនិត្យមើលថា
តើមានមនុស្សនៅក្នុងនោះឬក៏អត់ ។
រថយន្តដែលលិចក្នុងស្រះទឹករបស់បុរសជនជាតិបារាំង
នេះម៉ាកឡង់រ៉ូវែ ពណ៌ស គឺលិចស្ទើរបាត់ឡានទាំងមូល
ដោយមើលឃើញដំបូលភ្លឹមៗតែប៉ុណ្ណោះ
ហើយការប្រទះឃើញនេះបានផ្អើលឆោឡោកាលពីវេលាម៉ោង៧ ព្រឹក ថ្ងៃទី១៤
មករា ២០១២
នៅក្រោយផ្ទះវីឡាដែលពួកគេជួលស្នាក់នៅស្ថិតនៅក្នុងភូមិទួលធ្នង់
សង្កាត់រកាធំ ក្រុងច្បារមន ។ គ្រួសារជនជាតិបារាំងនេះមានគ្នា៥នាក់
គឺបុរសជនជាតិបារាំងដែលជាឪពុកម្នាក់ និងកូនប្រុស២នាក់
កូនស្រី២នាក់...ស្រះទឹកដែលគេសង្ស័យថា
គ្រួសារជនជាតិបារាំងបើកឡានចូលពន្លិចដើម្បីធ្វើអត្តឃាតនេះ
មានទំហំ១០ម៉ែត្រគុណ៣០ម៉ែត្រ ។
ទីបំផុតគេរកឃើញមនុស្សនៅក្នុងឡាននោះពិតប្រាដកមែន
ដោយជះក្លិនស្អុយពេញតំបន់កើតហេតុ...រយៈពេល៥ម៉ោង
គឺចាប់តាំងពីម៉ោង៧ព្រឹក
រហូតដល់ម៉ោង១២ថ្ងៃត្រង់ទើបសមត្ថកិច្ចចំរុះបូមទឹកចេញពីស្រះជិតអស់
(ទឹកលិចត្រឹមកង់ឡាន) ហើយសមត្ថកិច្ចចូលឆែកឆេរ និងធ្វើកោសល្យវិច័យ ។
