DJ អេដា ដែលគេស្គាល់តាមរយៈចម្រៀងហ៊ីបហបនោះបានឲ្យដឹងនៅ ថ្ងៃពុធថា នាងមានគម្រោងចេញទៅសម្ដែងនៅប្រទេសជប៉ុននៅចុងខែ មករា ឆ្នាំ២០១២ ក្នុងដំណើរទស្សនកិច្ចផ្លូវការ និងច្រៀងប្រមូលថវិកាដល់អង្គការ ដើម្បីជួយដល់កុមារកំព្រានៅកម្ពុជា។
អេដា បញ្ជាក់ថា ” ដោយសារតែបែបនេះហើយ ទើបខ្ញុំបានទទួលការស្នើសុំរបស់បងប្អូនខ្មែរនៅទីនោះ ឲ្យសម្ដែង និងដើម្បីប្រមូលថវិកាជួយកុមារកំព្រា។ នេះជាលើកទីមួយហើយដែលខ្ញុំ ចេញទៅប្រទេសជប៉ុន ហើយចូលរួមសកម្មភាពមនុស្សធម៌” ។
កញ្ញាបន្តថា នៅថ្ងៃនោះនឹងយកបទចម្រៀងដែលនិពន្ធខ្លួនឯងគឺ បទ “អស្ចារ្យណាស់កម្ពុជា” ។ បទ” អស្ចារ្យណាស់កម្ពុជា”គឺជាបទចម្រៀងដំបូងដែលDJ អេដា និពន្ធនិងចេ ញCD និងមាននៅតាមប្រព័ន្ធInternet ដែលរៀបរាប់អំពីប្រាសាទអង្គរវត្តនិងប្រាសាទព្រះវិហារខ្មែរ ។
ក្រៅពីអាជីពសិល្បៈ អេដា មានតួនាទីជាទាហានមួយរូប នៅបញ្ជាការដ្ឋានកងទ័ពជើងទឹកពាក់សក្ដិពីរ ហើយបានបម្រើការងាររយៈពេលពីរឆ្នាំមកហើយ។ គម្រោងចេញទៅជប៉ុនលើកនេះ អេដា បានបញ្ជាក់ថា នឹងវិលមកវិញនៅ ថ្ងៃទី៥ ខែកុម្ភៈ ឆ្នាំ២០១២ ៕
