ភ្នំពេញ:
ព្រះបរមសព
បានត្រូវលើកតម្កល់ដាក់លើព្រះមហាបញ្ចាក្នុងវាលព្រះមេរុ
នៅវេលាម៉ោង១រសៀល។
ពិធីទាំងមូលបានបញ្ចប់នៅត្រឹមម៉ោង១និង៥០នាទី។
ពិធីលើក
តម្កល់ព្រះបរមសពត្រូវបានធ្វើឡើងចំពោះ ព្រះភក្តិរបស់សម្តេចម៉ែ
ព្រះមហាក្សត្រ សម្តេច ហេងសំរិន សម្តេចនាយករដ្ឋមន្ត្រីហ៊ុន សែន
មន្ត្រីជាន់ខ្ពស់ និងសមាជិក រាជវង្ស អង្គទូត
ព្រមទាំងអ្នកចូលរួមជាច្រើននាក់ទៀតនៅក្នុងវាលព្រះមេរុ។
សម្តេច
ហេងសំរិន សម្តេចនាយករដ្ឋមន្ត្រីហ៊ុន សែន មន្ត្រីជាន់ខ្ពស់ និងសមាជិក
រាជវង្ស អង្គទូត មន្រ្តីរាជរដ្ឋាភិបាល
ព្រមទាំងអ្នកចូលរួមជាច្រើននាក់ទៀត បានក្រាបបង្គំលា សម្តេចម៉ែ
និងព្រះមហាក្សត្រ។
នៅម៉ោងប្រមាណជា១និង២០នាទី
ពិធីថ្វាយបង្គំព្រះបរមសពបានចាប់ផ្តើមដោយព្រះមហាក្សត្រ
និងសម្តេចព្រះរាជអគ្គមហាក្សត្រីព្រះរាជមាតាជាតិខ្មែរ
និងត្រូវបន្តដោយ សម្តេចហេងសំរិន និងភរិយា សម្តេចហ៊ុនសែននិងភរិយា
និងបន្តដោយ សម្តេចចៅហ្វាវាំងនិងភរិយា ព្រះរាជវង្សានុវង្ស
និងឧត្តមប្រឹក្សាផ្ទាល់ព្រះមហាក្សត្រ។
ពិធីនេះមានរយៈពេលជិត៦ម៉ោង ដោយចាប់ផ្តើមតាំងពីម៉ោង៧ព្រឹកមក។
ការតម្កល់ព្រះបរមសពនៅលើមហាបញ្ចា គឺជាចុងបញ្ចប់នៃពិធីកាន់ទុក្ខផ្លូវការថ្ងៃទីមួយ។
បន្ទាប់ពីនេះ
វាលព្រះមេរុនឹងត្រូវបើកជូនប្រជាពលរដ្ឋចូលថ្វាយបង្គំព្រះបរមសព
រហូតដល់រសៀលម៉ោបួន
មុនពេលដែលព្រះរាជពិធីសាសនានឹងត្រូវធ្វើនៅពេលល្ងាចរួចបន្តដោយ
ការអុជប្រទីបជ្វាលានៅក្នុងព្រះមេរុ
និងបរិវេណជុំវិញព្រមទាំងមានការអុជកាំជ្រួចភ្ញីទៀន។
បន្ទាប់ពីក្បួនដង្ហែព្រះបរមសពបានចាប់ផ្តើម នៅម៉ោង៨និង៤៥នាទី ព្រះបរមសពបានយាងចូលដល់វាលព្រះមេរុ។
ព្រះបរមសពរបស់សម្តេចឪបានត្រូវដង្ហែចូលដល់វាលព្រះមេរុហើយកាលពីម៉ោងជាង១២ថ្ងៃត្រង់៕(cen)
