ប្រជាពលរដ្ឋ ក្នុងក្រុង សែនមនោរម្យ ត្រៀមធ្វើការតវ៉ា តម្លៃភ្លើង វារីអគ្គិសនី

មណ្ឌលគិរី ៖ ប្រជាពលរដ្ឋ ក្នុងក្រុងសែនមនោរម្យ កុំនាំគ្នាត្រៀមធ្វើការតវ៉ា វារីអគ្គិសនី ពីរកន្លែង នៅក្នុងក្រុងសែនមនោរម្យ ដែលជាជំនួយឥតសំណងប្រជាជនជប៉ុន នឹងភ្លើងទិញចូលពីប្រទេសវៀតណាម  បច្ចុប្បន្នបងប្អូនប្រជាពលរដ្ឋទាំងអស់ ដែលបាននិងកំពុងប្រើប្រាស់ចរន្តអគ្គិសនីទាំងនេះ ពួកគាត់យល់ឃើញថា មាន តម្លៃខ្ពស់ ហើយបើប្រៀបធៀបទៅនឹងបណ្ដាខេត្តផ្សេងៗ ជាពិសេសអាចប៉ះពាល់ដល់ជីវភាព របស់ពលរដ្ឋនៅក្នុងខេត្តនេះផងដែរ ។

ចំពោះការតវ៉ារបស់ប្រជាពលរដ្ឋ ទៅលើតម្លៃនេះ ពួកគាត់នឹងប្រមូលផ្ដុំគ្នា នៅថ្ងៃទី១៨ខែកុម្ភៈ ឆ្នាំ២០១៣ មុខសាលាខេត្ត  ដើម្បីឲ្យខេត្តនិងអង្គភាពអគ្គិសនីក្នុងខេត្ត ជួយឲ្យអាជ្ញាធរអគ្គិសនីកម្ពុជា មេត្តាជួយដោះស្រាយបញ្ហាតម្លៃចរន្តអគ្គិសនី  ឲ្យនៅត្រឹមតែ ៦៥០រៀល ក្នុងមួយគីឡូវ៉ាត់ម៉ោង ឲ្យដូចការប្រើប្រាស់ ចរន្តអគ្គិសនីនៅស្រុកកែវសីមា ដែលជាវពីប្រទេសវៀតណាមដូចគ្នា។ ព្រោះសព្វថ្ងៃនេះប្រជាពលរដ្ឋថា ពួកគាត់ប្រើប្រាស់ចរន្តអគ្គិសនីរបស់វារី បូករួមភ្លើងទិញ ពីប្រទេសវៀតណាម ក្នុងតម្លៃចាប់ពី១៥០០រៀលទៅ១៧០០រៀល។

ការតវ៉ានេះប្រជាពលរដ្ឋ ទៅជួបជុំគ្នានៅក្នុងបរិវេណ នៃសាលាខេត្តមណ្ឌលគិរី នាថ្ងៃទី១៨ ខែ កុម្ភៈ ឆ្នាំ២០១៣ វេលាម៉ោង៩ព្រឹក៕(DAPNEWS)