រដ្ឋមន្រ្តីក្រសួងពាណិជ្ជកម្ម លោក ស៊ុន ចាន់ថុល បានអះអាងថារដ្ឋាភិបាលកំពុងរៀបចំជារូបមន្តមួយក្នុងការកំណត់ តម្លៃប្រេងឥន្ធនៈ ដើម្បីធានាថាក្រុមហ៊ុនប្រេងទាំងអស់នឹងលក់ទៅតាមតម្លៃមួយដែលសមស្រប នឹងទីផ្សារអន្តរជាតិនិងមិនចំណេញហួសហេតុ។
លោក ស៊ុន ចាន់ថុល បានលើកឡើងបែបនេះក្រោយ ពីកិច្ចប្រជុំអន្តរក្រសួងជាមួយក្រុមហ៊ុនប្រេងឥន្ធនៈនៅកម្ពុជា ស្របពេលដែលតម្លៃប្រេងសាំងនៅកម្ពុជាបន្តឡើង បើទោះតម្លៃទីផ្សារអន្តរជាតិធ្លាក់ចុះក៏ដោយ។
លោក ស៊ុន ចាន់ថុល មានប្រសាសន៍ថាក្រសួងបានស្នើក្រុមហ៊ុនប្រេងឯកជនទាំងអស់ផ្តល់ជា ទិន្នន័យលើការចំណាយនិងចំណូលនៃការទិញ រួមមានតម្លៃទិញប្រេងចូល តម្លៃដឹកជញ្ជូននិងតម្លៃស្ថានីយជាដើម។ លោកបន្តថានៅពេលទទួលបានទិន្នន័យនោះ ក្រសួងនឹងពិនិត្យមើលរូបមន្តមួយសម្រាប់ការកំណត់តម្លៃនិងស្វែងរកការ ឯកភាពគ្នាពីក្រុមហ៊ុន នៅដើមសប្តាហ៍ក្រោយ។ លោកបន្ថែមថាបន្ទាប់ពីកំណត់រូបមន្តបាន ក្រសួងពាក់ព័ន្ធនឹងធ្វើរបាយការណ៍ទៅលោកនាយករដ្ឋមន្រ្តី ហ៊ុន សែន ដើម្បីសម្រេចក្នុងការចេញជាប្រកាសឬអនុក្រឹត្យលើការកំហិតតម្លៃប្រេង ។
លោក ស៊ុន ចាន់ថុល មានប្រសាសន៍ថា៖ “មួយលីត្រត្រូវលក់ថ្លៃប៉ុន្មាន ព្រោះយើងដឹងតម្លៃទិញចូលថ្លៃប៉ុន្មានហើយ ដឹកជញ្ជូនយើងដឹង អញ្ចឹងយើងអាចធ្វើតួលេខហ្នឹងបាន ដូច្នេះក្រុមហ៊ុនមិនអាចថាក្រុមហ៊ុនចេះតែស្រែកអូហូ មិនចំណេញ មិនចំណេញទេ ថ្លៃណាស់ទិញមក អាហ្នឹងយើងច្បាស់លាស់ជាមួយគ្នា”។
លោករដ្ឋមន្រ្តីបានបន្ថែមថានឹងមានក្រុមការងារមួយចុះ ត្រួតពិនិត្យជាប្រចាំនៅគ្រប់ស្ថានីយប្រេងសាំងទាំងអស់នៅកម្ពុជាទៅលើ គុណភាពនិងបរិមាណប្រេង ហើយក្រុមហ៊ុននឹងត្រូវទទួលពិន័យ ក្នុងករណីមិនលក់ប្រេងក្នុងតម្លៃទៅតាមទីផ្សារអន្តរជាតិ តាមរូបមន្តកំណត់ និងនៅពេលមានភាពមិនប្រក្រតីកើតឡើង។
លោកមានប្រសាសន៍ថា៖ “ក្រុមការងារយើងហ្នឹង ៣ក្រសួងនេះនឹងសហការគ្នាធ្វើការពិនិត្យគ្រប់ជ្រុងជ្រោយជាមួយ ផ្នែកឯកជន ដើម្បីកំណត់លើរូបមន្តដែលទទួលបានទាំងអស់គ្នា។ យុទ្ធសាស្រ្តឈ្នះៗ ដោយសារផ្នែកឯកជនក៏ជាដៃគូសំខាន់របស់រាជរដ្ឋាភិបាលយើងក្នុងការ កសាងប្រទេសជាតិ”។
បើតាមរដ្ឋមន្រ្តីក្រសួងពាណិជ្ជកម្ម ក្រុមហ៊ុនប្រេងដែលបានចូលប្រជុំ ស្វាគមន៍ចំពោះចំណាត់ការរបស់រដ្ឋាភិបាល។
ប្រធានគ្រប់គ្រងស្ថានីយប្រេងឥន្ធនៈក្រុមហ៊ុនភីធីធី លោក ហួង ស៊ុនហ៊ីន ប្រាប់វីអូឌីថាតម្លៃលក់ប្រេងរបស់ក្រុមហ៊ុនរបស់លោកនាពេលបច្ចុប្បន្នគឺ សមរម្យ ដែលលោកថាមិនអាចបញ្ចុះបាននោះទេ។ លោកថានឹងមានការពិភាក្សាគ្នាបន្តលើរូបមន្តក្នុងការកំណត់តម្លៃ ប្រេងនេះ។
បណ្ឌិតសេដ្ឋកិច្ចនិងជាអ្នកស្រាវជ្រាវនៅរាជបណ្ឌិតសភា លោក គី សេរីវឌ្ឍន៍ មានប្រសាសន៍ថាប្រេងសាំងនៅកម្ពុជាអាចចុះបានក្នុងតម្លៃពី២៨០០ទៅ៣០០០រៀល ប្រសិនបើ ក្រុមហ៊ុនទាំងអស់មានឆន្ទៈបញ្ចុះហើយរដ្ឋាភិបាលប្រើប្រាស់យន្តការផ្លូវច្បាប់បានតឹងរ៉ឹង។
កាលពីថ្ងៃទី២២ខែកញ្ញា ឆ្នាំ២០១៥ លោកនាយករដ្ឋមន្ត្រី ហ៊ុន សែន បានរិះគន់ជាថ្មីដល់ក្រុមហ៊ុនចែកចាយប្រេងឥន្ធនៈនៅកម្ពុជាថា ដំឡើងថ្លៃប្រេងសាំងលឿននៅពេលតម្លៃប្រេងនៅលើពិភពលោកកើនឡើង តែចុះថ្លៃយឺតពេលតម្លៃប្រេងសាំងធ្លាក់ចុះ។ លោកថ្លែងថា៖ “ ប្រេងនៅលើពិភពលោកវាចុះថ្លៃ ប៉ុន្តែអស់លោកចុះវាយឺតពេក។ ដល់វាឡើងៗលឿន ឯណោះគ្រាន់តែឡើងនៅឯញូយ៉កគ្រឹប អាភ្នំពេញនេះឡើងប៉ាដោយ។ វាមានទាន់ទិញប្រេងពីញូយ៉កចូលមកអង្កាល់ វាឡើង ដល់ពេលនៅឯណោះគេធ្លាក់យូរណាស់ហើយ ឯងវាមិនព្រមធ្លាក់… អាគេគ្រាន់តែប្រកាសឡើងនៅឯក្រុងឡុងដ៍ នៅឯញូយ៉ក ឯងឡើងនៅភ្នំពេញដែរ។ ដល់ចុះនៅឯណោះ ចុះកន្លះខែ មួយខែ ពីរខែហើយ វាមិនព្រមនៅភ្នំពេញ ហើយបើវាចុះវាចុះបន្តិចៗៗៗ”។
លោក ហ៊ុន សែន បានបញ្ជាឲ្យក្រសួងពាណិជ្ជកម្មនិងក្រសួងហិរញ្ញវត្ថុពិនិត្យលើបញ្ហា នេះឲ្យបានជាប់លាប់ ដើម្បីបញ្ចុះតម្លៃប្រេងសាំងឲ្យស្របទៅតាមតម្លៃទីផ្សារអន្តរជាតិ។
នៅថ្ងៃទី០១ខែតុលានេះ តម្លៃប្រេងឆៅBrent មានចំនួន៤៨,៣២ដុល្លារក្នុងមួយបារ៉ែល។…
ភ្នំពេញៈ កន្លងមក ធ្លាប់មានព័ត៌មានលេចឮ
ជាបន្តបន្ទាប់ថា ពិធីករ-ពិធីការិនី មានឈ្មោះបោះសំឡេង
ប្រចាំស្ថានីយទូរទស្សន៍ប៉ុស្តិ៍លេខ៣ អ្នកនាង គង់ សុជាតិ និង លោក ជា វិបុល
មានទំនាក់ទំនងស៊ីជម្រៅជាមួយគ្នា លើសពីមិត្តរួមការងារ
ប៉ុន្តែទន្ទឹមនឹងការលើកឡើងបែបនោះ ជារឿយៗទស្សនិកជន
ក៏តែងតែឃើញវត្តមានរបស់អ្នកទាំងពីរ ចេញមុខបដិសេធថា ពួកគេគ្មាន
ទំនាក់ទំនងស្នេហាក្រៅឆាក ជាមួយគ្នាទេ ។ តែរហូតមកដល់ពេលនេះ អាថ៌កំបាំង
ស្នេហាដែល ពិធីករ-ពិធីការិនី មួយគូនេះ
ធ្លាប់បានលាក់បាំងអស់រយៈពេលជាច្រើនឆ្នាំ មកនោះ ត្រូវបានទម្លាយឡើង
ក្រោយពីពួកគេទាំងពីរនាក់ បានដឹកដៃគ្នាដើរចែកធៀបការ ធ្វើឲ្យមិត្តអ្នកសិល្បៈ
មានការភ្ញាក់ផ្អើលខ្លាំង ស្ទើរមិនគួរឲ្យជឿ ។
